Romans 7:5 - Sa Ugud Apudyus

⁵ Sa awe ye nangunudan taḵu'tta pion da long-ag taḵu, inigammu taḵu ḵad lintog amo amaamayon taḵu we angwa'ḵ basuḻ. Pun siya gapunae ḵoon taḵu da ambanag si matoyan taḵu ḵan misinaan taḵu ḵan Apudyus aḵ inggana.

Romans 7:5 ပူးပေါင်းရင်းမြစ်များ

Matthew 15:19

Te sa somsomoḵ, siya maḻpuwan ni losane somsomḵon ni tagu we isun da sana; adaḻugona daḵampun aḵ asawana, an-aḵaw, pumatoy, maḵadagdagas, taḵdoḻana da tinutuli ya an-ugud aḵ lawweng atta asintataguna.

John 3:6

Sa miyanaḵ atte tagu, siya abeng di tagu yaḵon sa miyanaḵ atte Ispiritu Santu, siya abeng Apudyus te naispirituwan.

Romans 1:26

Sana gapunae iwwaḻang Apudyus dida ta ḵoonda da ḵababbaine pion da long-agda. Te da udume bubai itanungda adaḻugon da asimbubaidae daḵampun oḵyan aḵ maḵwa.

Romans 3:20

Te naippun tagu'ḵ naun-unan atte antotollong Apudyus gapu'tte anuttuwaana'tte lintog te sa usar ni lintog ipaigammunae naḵabasuḻ losan da tagu.

Romans 4:15

Te sa lintog ambanag si sumang-an Apudyus ḵan ditaḵu te aditaḵupun lamog tuttuwaon. Yaḵon nu naippun lintog naippun malisalis.

Romans 5:20

Innatod Apudyus lintog ta angigammuwandae amo ummaduadu basuḻ da tagu. Yaḵon taḵon ay nu ummaduadu basuḻ da tagu, amo ummamdan ḵinabaḻun Apudyus.

Romans 6:13

Ḵad adi taḵu usaron ngaimane ḵamangay da long-ag taḵu we angwa'ḵ lawwenge isun ni dagus taḵu ḵingwa si daan taḵu amatiyan woḵ nibelang taḵu'ḵ nanattoye patilayun angwa'ḵ basuḻ. Yaḵon idatun taḵu da long-ag taḵu ḵan Apudyus we angwa'tta maun-unane panggobna te sinsadi innatod Apudyus ḵan ditaḵu baru we biyage anserbi ḵan siya.

Romans 6:19

An-ugudaḵ atte allasu we maawatan da tagu we daampun aḵ maangsan. Sa awe, iyyunudyu da long-agyu'ḵ nammusassu'tta angwaanyu'tta ngaimane lawweng ḵan maḵabasuḻanyu'ḵ amod. Pun sinsana, iyunudyu da long-agyu'ḵ ammusassu we angwa'tta naun-unan ta mitotoḵḵon ḵayu'ḵ taguna ta bumaḻu ugaliyu.

Romans 6:21

Yaḵon ngai ginanabyu we dam-on nangwa'tta ḵassadi ye siya mabainanyu sinsana? Sa ambanagan da ḵassadi ye ḵoḵoḵḵon, matoyan ḵan misinaan ḵan Apudyus aḵ inggana!

Romans 6:23

Te sa bayad ni basuḻ siya ḵatoy. Yaḵon sa libli ye atod Apudyus siya biyag aḵ inggana mipagapu si niyossaanan taḵu ḵan Jesu Kristu we Apu taḵu.

Romans 7:23

Yaḵon sa basuḻe angituray atte long-agḵu, siya bumusuḻ si somsomoḵḵu we anuttuwa si lintoge pinion Apudyus. Ḵad sa basuḻe nangituray ḵan saḵon, nambalinonaḵ aḵ baḻud.

1 Corinthians 15:56

Te sa angaḻ-an ni ḵatoy si ḵabooḻana, sa bumasubasuḻan taḵu ya sa angaḻ-an ni basuḻ atte ḵabooḻana, sa aditaḵupun anuttuwaan si lintoge innatod Apudyus ḵan Moses.

2 Corinthians 10:3

Te taḵon ay nu abuse tagu ḵani si annae lubunge isuyu, adiḵanipun maḵagubat atta bumusuḻ ḵan diḵani ye isun ni ḵoon da adipun namati.

Galatians 3:10

Yaḵon losan atta antaḻgod si anuttuwaanda'tte lintog ta mibelangda'ḵ maun-unan, andagson dusada te awad de Ugud Apudyus we ḵanana, “Ngaimane adi patilayun anuttuwa'tta losane biline nigili si Lintog Apudyus, andagson dusana.”

Galatians 5:24

Te da tagun Jesu Kristu, naḵaan ḵan dida antataguda'tte awe ye da pipion da long-agda ya da lawwenge pipionda te isun di nagangputda nipattoḻ atte kros.

Ephesians 2:11

Pun diḵayu we niyanaḵe Gentil, sosomḵonyu oḵyane sa awe, potogon da Judyu diḵayu te adiyupun inunud ugalida mipanggob si sogyat. Isḵaḻdae dida da tagun Apudyus gapu'tte sanae ugali mipanggob si sogyat. Yaḵon sa ḵatuttuwaan, sa sogyat abuse ḵoon da tagu'tta long-agda.

Ephesians 2:3

Ḵatti losan antatagu taḵu si awe ye siya ḵooḵoon taḵu da pipion ni long-ag taḵu. Ngaimane amaamayon ni long-ag taḵu ḵan somsomoḵ taḵu, dida da unudon taḵu. Pun sa gagangaye antatagu taḵu labbongnae nidoga taḵu'tta tagu we dusaon Apudyus.

Colossians 3:5

Pun ḵasapuḻane an-awidanyu da dadaane ḵasomsomḵanyu ya da ugaliyu we isun da maḵadagdagas ya da udume kalasin di ḵaissaw, da pipion ni long-ag ya sa ḵamommod te siya isun di anayawan atta sinan-apudyus.

Titus 3:3

Te taḵon ay ditaḵu we namati, nandongdong-og taḵu si awe ḵad aditaḵupun os tummuttuwa. Gattoḵe naallelaw taḵu ḵan nipuyut taḵu'tta daḵampun aḵ ustu ya nambalin taḵu'ḵ musassu'tta nansabasabali ye amaamayon da long-ag taḵu ya da ginangganas taḵu. Losane aḻgaw taḵu lawweng ḵasomsomḵan taḵu'tta buḻun taḵu, an-aḵ-apos taḵu, lalawwengon ditaḵu ya an-sassanga taḵu.

James 1:15

Ḵad nu lumamut ya tumubu sanate amaamayona, siya ibungana basuḻ. Ḵad nu dumaḵodaḵoḻ sanate basuḻ, siya ibungana ḵatoy.

James 4:1

Annaya ud imusoḵ, ngai gapun ni ampapatoyanyu ḵan ansusuboganyu? Daḵampun ḵamman aḵ sa amaamayonyu gumulu si ambaḻu we somsomoḵyu?

1 John 3:4

Ḵad ngaimane bumasuḻ, lisalisona Lintog Apudyus te sa basuḻ lisalisona lintog.