Romans 7:4 - Sa Ugud Apudyus

⁴ Ḵad isuna bos ḵan diḵayu susunudḵu ḵan Kristu, napuḵayan ḵayu si ḵaḻabbongan ni lintog mipagapu'tte natoyan Kristu we nidatun para ḵan ditaḵu woḵ nidoga ḵayu ḵan siya si nataguwana. Pun sinsana, nawaya taḵu we anserbi ḵan siya'ḵ madayawan Apudyus.

Romans 7:4 ပူးပေါင်းရင်းမြစ်များ

Matthew 26:26

Sissiyada ḵade angan, innaḻan Jesus tinapay woḵ nanggappiya ḵan Apudyus. Naabus ḵad, binisbisaḵna woḵ innatodna'tta disipuluna woḵ ḵanana, “Aḻanyu anna ta ḵanonyu. Annaya long-agḵu.”

Mark 4:20

Da naottag ḵad atte alluta, isuda da tagu we dongngonda Ugud Apudyus ya namatida ḵad ḵoonda da adu we ambaḻu we banage mas-oman Apudyus we isun da muḻae amunga'ḵ adu. Awad da amunga'ḵ sintuḵlumpuḻu, da udum sin-oonompuḻu ya awad da singgagasut.”

John 15:8

Nu amunga ḵayu'ḵ adu, sana midayawan Amaḵ ya sana amanoḵnoḵe diḵayu da disipuluḵ.

John 3:29

Sa ḵasasaadḵu isuna buḻbuḻun ni ankasar we laḻaḵi. Ḵad taḵon ay nu daḵampun ḵan siya angikasar si bubai, amod de layadnae midoga si kasar te dongngona gingan ni buḻbuḻunna. Sadi isuna ḵan saḵone amoamod layadḵu sinsadi gapu ḵan Kristu.

John 6:51

Saḵon maḵane angitod si biyag aḵ ingganae naḻpu'd langit. Ḵad ngaimane angan atte annae maḵan, matagu'ḵ inggana. Sa sanae maḵan, sa long-agḵu we ittoḵ ta matagu da tagu si lubung.”

Romans 6:11

Pun ḵasapuḻane ibelang taḵu da long-ag taḵu'ḵ natoy si basuḻ ta ippun ogon ḵabooḻana ḵan ditaḵu. Yaḵon gapu'tte nidog-an taḵu ḵan Jesu Kristu, matagu taḵu'ḵ inggana ta midayaw aḵ Apudyus mipagapu'tte biyag taḵu.

Romans 6:14

Te daḵampun ogon aḵ sa basuḻ angituray ḵan ditaḵu te sinsadi, sa mibatayan ni mataguwan taḵu daḵampun si anuttuwaan taḵu'tte lintog yaḵon sa ḵinabaḻun Apudyus.

Romans 6:2

Adipun maḵwa! Te naabuse natoy taḵu mipanggob atte basuḻ, ngai inonae sissiya taḵu we bumasubasuḻ?

Romans 6:22

Yaḵon sinsana napuḵayan ḵayu'tte basuḻ ya nambalin ḵayu'ḵ musassun Apudyus. Ḵad sa ginanabyu, mitotoḵḵon ḵayu'ḵ taguna ta bumaḻu ugaliyu ḵad sa ambanagana awad ḵan diḵayu biyag aḵ inggana.

Romans 7:3

Pun nu sissiyae matattagu asawana ya niḵamboḻoy si sabali ye laḻaḵi, naḵabasuḻ atte dagdagas. Yaḵon nu matoy asawana, mapuḵayan atte sadi ye lintog ḵad nu ḵasin angasawa, daḵampun aḵ dagdagas.

Romans 7:6

Yaḵon sinsana, gapu'tte nidog-an taḵu ḵan Kristu si natoyana, napuḵayan taḵu si lintog Moses we namabaḻud ḵan ditaḵu. Ḵad anserbi taḵu ḵan Apudyus ya daḵampun ogon aḵ sa dadaane lintog yaḵon sa baru we biyage naḻpu si Ispiritu Santu.

Romans 8:2

Gapu si niyossaanan taḵu ḵan Jesu Kristu, anturay Ispiritu Santu ḵan ditaḵu ya innatodna baru we biyag ḵan ditaḵu ya pinuḵayan ditaḵu'tte ḵabooḻan ni basuḻ ḵan ḵatoy.

1 Corinthians 10:16

Nu uminum taḵu'tte nabasu we bayas, nu maabus taḵu we anggappiya ḵan Apudyus, daḵampun ḵamman aḵ milaḵ-am taḵu'tte bindisyune mipagapu'tte pummoy-ase daḻan Kristu si natoyana? Pun nu ḵanon taḵu tinapaye nabisbisaḵ nu magangput taḵu anggappiya ḵan Apudyus, daḵampun ḵamman os aḵ milaḵ-am taḵu'tte bindisyune mipagapu'tte long-ag Kristu we nipattoḻ atte kros?

2 Corinthians 11:2

Tuttuwae amo angimunaḵ ḵan diḵayu we isun os ni an-iimun Apudyus nu sabali unudonyu. Te isuyun babaḻasange ippun natnattoḵanae intuḻagḵu we miyasawa si os-ossaane laḻaḵi ye siya'ḵ Kristu.

Galatians 3:13

Yaḵon sinubut Kristu ditaḵu si madusaan taḵu te aditaḵupun lamog tuttuwaon da losane lintog si natoyana'tte kros para ḵan ditaḵu. Te sa nigili ye Ugud Apudyus ḵanana, “Ngaimane madusa ta matoy gapu si mitayunana'tte ḵayu, nadusa ḵan Apudyus.”

Galatians 5:18

Yaḵon nu sa Ispiritu Santu angidaḻan ḵan diḵayu, adiḵayupun mapatute anuttuwa'tta bilin ni lintog.

Ephesians 2:15

Te natoy ḵad atte kros, ḵinaanna da ḵasapuḻane maunud atte lintog Moses we adu nigili ye biline para'tta Judyu. Pun sa ambanagan ni ḵingwana'tta duwae grupu we da Judyu ḵan Gentil an-ossaanda mipagapu'tte nangipaḻ-ogana si allin-awaanda.

Philippians 1:11

Gapu ḵan Jesu Kristu, adu da naun-unane banage ḵoonyu. Te nu ḵatti, dayawon da tagu'ḵ Apudyus ya bigbigonda ḵinabaḻuna.

Philippians 4:17

Yaḵon pioḵ ipaigammu ḵan diḵayu we siya singtoḵ madog-an oḵyan gungunayu, daḵampun atte ittonyu.

Colossians 1:10

Te nu ḵatti, maḵwae unudonyu antatagu we mibagay atte ḵinabaḻun Apu ya pasigyu ḵoon da amalayad ḵan siya. Ḵad ambaḻu ibungan da losane ḵoonyu ya madog-an igammuyu mipanggob ḵan Apudyus.

Colossians 1:22

Yaḵon sinsadi nagangpute nipaḻ-og maḵabuḻbuḻunanyu ḵan Apudyus te aḵ Kristu natoy si nangidatunana'tte mismu we long-agna ta bumaḻu ugaliyu ya ippun ḵadellawanyu ḵan ipabasuḻda ḵan diḵayu si amataḵdogana ḵan diḵayu si sinagungna.

Colossians 1:6

Ḵad sa annae Ambaḻu we Damag we dingngoḻyu, annae miwaḻagawag si intero we lubung. Pun da nandongoḻ naila bungana'tta nantataguda. Ḵaḵna isun ni naḵwa ḵan diḵayu si dingngoḻyu ya naawatanyu mipanggob si ḵatuttuwaan ni ḵinabaḻun Apudyus.

Colossians 2:14

Ḵaḵna ḵingwan Apudyus. Ḵinaanna listaan da basuḻ taḵu gapu'tte nilisalis taḵu bilin Moses woḵ impattoḻna'tte kros. Sa piona ḵanan, mipagapu'tte natoyan Jesus atte kros, ḵinaanna da basuḻ taḵu. Pun naippun ogon lasunnae anusa ḵan ditaḵu.

Colossians 2:20

Nu naḵaḵatoy ḵayu ḵan Kristu, napuḵayan ḵayu'tta biline ḵingwan da tagu sina'd luta. Pun ngaipa sissiyae unudonyu da ug-ugalin da tagu si annae lubung mipanggob atta lawwenge ispiritu? Ḵad ngaipayu tuttuwaon da bilindae isun da anna:

Hebrews 10:10

Pun gapu ta nituttuwa pinion Apudyus, pummoḻḵas taḵu'tta basuḻ taḵu mipagapu si namingpingsane nangidatunan Jesu Kristu si long-agna.

1 Peter 2:24

Aḵ Kristu we mismu nangiḵaḻu'tta basuḻ taḵu si natoyana'tte kros ta sadi mapuḵayan taḵu'tte ḵabooḻan ni basuḻ ya unudon taḵu naun-unane antatagu. Gapu'tta sugatna, naḵaan da saḵit taḵu.

Revelation 19:7

Lumayad taḵu ya itaḻayag taḵu ya dayawon taḵu ḵinangatuna te sinsadi kasar ni Ubbu we Karnero. Sa angasawa ḵan siya naabus naḵasagana,

Revelation 21:9

Pun ummali osa'tta sadi ye pitu we anghel we awad ḵan siya da pitu we maḻuḵunge napnu'tta pitu we anungus da ampaḵapaḵaḻaman. Ḵanana ḵan saḵon, “Umaliḵa ta ipailaḵ ḵan siḵa bubai ye asaw-on ni Ubbu we Karnero.”