Romans 7:24 - Sa Ugud Apudyus

²⁴ Ḵaddaguwaḵ! Ngai nin anaḻaḵnib ḵan saḵon atte annae long-age siya gapun ni matoyaḵ?

Romans 7:24 ပူးပေါင်းရင်းမြစ်များ

Matthew 5:4

Pian da andadauy te liwliwaon Apudyus dida.

Matthew 5:6

Pian da tagu we amaamayondae angwa'tta naun-unan te badangan Apudyus didae angwa si piniona.

Luke 4:18

“Sa Ispiritu Santu anna ḵan saḵon, te dinutuḵanaḵ aḵ angiwaḻagawag atte Ambaḻu we Damag atta ḵapus ya atta baḻud Satan ta mapuḵayanda, ya diyatoḵ atan da naḵuḻap. Imbuunaḵ os ta puḵayaḵ da ampaḵapaḵaḻam

Romans 6:6

Igammu taḵu we sa dadaane ḵinatatagu taḵu nidoga nipattoḻ atte kros ta madadail amaamay taḵu we angwa'ḵ basuḻ ḵad daḵantaḵupun ogon aḵ ammusassun ni basuḻ.

Romans 8:13

Te nu tuttuwaon taḵu da pipion da long-ag taḵu, matoy taḵu ḵad misina taḵu ḵan Apudyus aḵ inggana. Yaḵon nu an-awidan taḵu da pipion da long-ag taḵu mipagapu'tte ḵabooḻan ni Ispiritu Santu, matagu taḵu'ḵ inggana.

Romans 8:2

Gapu si niyossaanan taḵu ḵan Jesu Kristu, anturay Ispiritu Santu ḵan ditaḵu ya innatodna baru we biyag ḵan ditaḵu ya pinuḵayan ditaḵu'tte ḵabooḻan ni basuḻ ḵan ḵatoy.

Romans 8:23

Yaḵon daḵampun aḵ abusda'ḵ ampaḵaḻam te ampaḵaḻam taḵu bose inggawan ni Ispiritu Santu we sa ummunae atodna ḵan ditaḵu we amati. Umayuwong taḵu si anguuwayan taḵu'tte timpu we angipail-an Apudyus we ditaḵu abengna nu dumatong angobosana'tta long-ag taḵu si baru we long-age adipun matoy.

Romans 8:26

Daḵampun aḵ abus namnama taḵu'ḵ bumadang ḵan ditaḵu yaḵon sa Ispiritu Santu bumadang atta anḵuyaan taḵu. Te ippun igammu taḵu'tta iluwaḻu taḵu. Yaḵon sa Ispiritu we mismu angiluwaḻu'tta ḵodawon taḵu we adipun mibungangay.

Colossians 2:11

Ḵad gapu'tte niyossaananyu ḵan siya, isunan nasogyatan ḵayu. Daḵampun atte sogyate ḵingwan di tagu yaḵon sa sogyate ḵingwan Kristu, isunan sinogyatan diḵayu si nangaanana'tta ugaliyu.

2 Timothy 4:18

Ḵad igammuḵe saḻaḵnibanaḵ ḵan Apu atta losane lawweng ya taguwona saḵon ad langit si ampangatana. Madaydayaw oḵyan aḵ Apudyus aḵ inggana. Amen.

Titus 2:14

Siya nangitod si long-agna'ḵ matoy para ḵan ditaḵu ta mapuḵayan taḵu'tta losane ḵabooḻan ni basuḻ ya papoḻḵasona ditaḵu'tta basuḻ taḵu aḵ mitotoḵḵone tagunae sillalaylayade angwa'tta ambaḻu.

Hebrews 2:15

ya ḵaḵna inonae namuḵay atta losane tagu we isudan musassu we nabaḻud si inggan ni nataguwanda gapu si ogyatda si ḵatoy.

Revelation 21:4

Punasana da losane luwada ḵad adidapun ogon matoy. Naippun ogon andomdom ya umibil ya naippun ogon ampaḵaḻam te da sanae inggaw si awe, naiddapun ogone sana.”