Romans 7:22 - Sa Ugud Apudyus

²² Te sa somsomoḵḵu, amod de ayatḵu si Lintog Apudyus.

Romans 7:22 ပူးပေါင်းရင်းမြစ်များ

John 4:34

Pun ḵanan os Jesus ḵan dida, “Sa ḵanoḵ sa anuttuwaaḵ ḵan angangputaḵ atta ḵewaaḻe paḵwan ni nangibuun ḵan saḵon.

Romans 2:29

Te sa tuttuwae Judyu, sa tagu we binaliwan Apudyus. Daḵampun si nasogyatana yaḵon sa nabaliwan ni ḵinatataguna. Yaḵon daḵampun si nigili ye lintog namaliw ḵan siya yaḵon sa ḵewaaḻ ni Ispiritu Santu. Daḵampun aḵ tagu angidayaw ḵan siya yaḵon aḵ Apudyus.

Romans 8:7

Sa tagu we siya isisimoḵna gagangaye pipion ni long-agna, sumullagi ḵan Apudyus te adinapun tuttuwaon pinion Apudyus. Ḵad sa ḵinatuttuwaan, adinapun lamoge anuttuwa'tte lintogna.

2 Corinthians 4:16

Pun gapu'tta sana, adiḵanipun paat madismaya te taḵon ay nu maas-assinut ḵumuya da long-agni, inaḻgaw ose mapabaru naispirituwane ḵinatataguni.

Ephesians 3:16

Ḵad ḵodawoḵ ḵan siya ta mipagapu'tte ḵabooḻan ni Ispirituna we anna'tta pusuyu, pumigsa oḵyan somsomoḵyu we mibatay si ḵinabaḵnang ni ḵinaapudyusnae ippun miyisuwana,

Colossians 3:9

Adi ḵayu an-asituli te inabusyu ḵinaan dadaane ugaliyu,

Hebrews 8:10

Annaya baru we tuḻagḵu'tta ganaḵ Israel si umali ye aḻgaw, imuḻaḵ lintogḵu'tta somsomoḵda ya igiliḵ atta pusuda. Ḵad saḵon Apudyusda ya dida bos da taguḵ.

1 Peter 3:4

yaḵon mibatay oḵyan si awad atte somsomoḵyu we adipun maila ya adipun ḵumupas. Te sa ḵinabaḻu we ampatopatog atte antotollong Apudyus, siya ḵinaanggom ḵan allin-awae somsomoḵ.