Romans 6:6 - Sa Ugud Apudyus

⁶ Igammu taḵu we sa dadaane ḵinatatagu taḵu nidoga nipattoḻ atte kros ta madadail amaamay taḵu we angwa'ḵ basuḻ ḵad daḵantaḵupun ogon aḵ ammusassun ni basuḻ.

Romans 6:6 ပူးပေါင်းရင်းမြစ်များ

Romans 6:12

Pun adi taḵu iyunude sa basuḻ angituray ḵan ditaḵu ta adi taḵu ḵoon da pion da long-ag taḵu.

Romans 6:22

Yaḵon sinsana napuḵayan ḵayu'tte basuḻ ya nambalin ḵayu'ḵ musassun Apudyus. Ḵad sa ginanabyu, mitotoḵḵon ḵayu'ḵ taguna ta bumaḻu ugaliyu ḵad sa ambanagana awad ḵan diḵayu biyag aḵ inggana.

Romans 7:14

Igammu taḵu we sa lintog naispirituwan. Yaḵon taguwaḵe abus, ninginae isun di musassun ni basuḻ.

Romans 8:13

Te nu tuttuwaon taḵu da pipion da long-ag taḵu, matoy taḵu ḵad misina taḵu ḵan Apudyus aḵ inggana. Yaḵon nu an-awidan taḵu da pipion da long-ag taḵu mipagapu'tte ḵabooḻan ni Ispiritu Santu, matagu taḵu'ḵ inggana.

2 Corinthians 5:14

Te sa ayat Kristu angituray ḵan diḵani ye angwa'tta losane ḵoonni. Te igammuni ye sa os-ossaane tagu we aḵ Kristu, natoy para'tta losane tagu ḵad mibelange naḵaḵatoy da losane tagu ḵan siya.

Galatians 2:20

Te mibelange naḵaḵatoyaḵ ḵan Kristu atte kros. Pun sinsadi, daḵampun ogon aḵ saḵon matattagu yaḵon aḵ Kristu we anna ḵan saḵon. Sa biyagḵu sinsadi, matattaguwaḵ si pammati atte Abeng Apudyus we nangayat ḵan saḵon ya nangitod si biyagna gapu ḵan saḵon.

Galatians 5:24

Te da tagun Jesu Kristu, naḵaan ḵan dida antataguda'tte awe ye da pipion da long-agda ya da lawwenge pipionda te isun di nagangputda nipattoḻ atte kros.

Galatians 6:14

Yaḵon ḵan saḵon, ippun udum aḵ isḵaḻḵu, abus natoyan Jesu Kristu we Apu taḵu'tte kros te gapu si sanate natoyana, da patpatgon da tagu we adipun amati ippun patogda ḵan saḵon ya ippun os patogḵu ḵan dida.

Ephesians 4:22

Pun ḵasapuḻane ḵaanonyu da dadaane ugaliyu we nangidaḻan atte biyagyu we angwa'tte pinion ni long-ag. Sanat dadaane ugaliyu we angallelaw ya anadail ḵan diḵayu.

Colossians 3:5

Pun ḵasapuḻane an-awidanyu da dadaane ḵasomsomḵanyu ya da ugaliyu we isun da maḵadagdagas ya da udume kalasin di ḵaissaw, da pipion ni long-ag ya sa ḵamommod te siya isun di anayawan atta sinan-apudyus.

Titus 3:3

Te taḵon ay ditaḵu we namati, nandongdong-og taḵu si awe ḵad aditaḵupun os tummuttuwa. Gattoḵe naallelaw taḵu ḵan nipuyut taḵu'tta daḵampun aḵ ustu ya nambalin taḵu'ḵ musassu'tta nansabasabali ye amaamayon da long-ag taḵu ya da ginangganas taḵu. Losane aḻgaw taḵu lawweng ḵasomsomḵan taḵu'tta buḻun taḵu, an-aḵ-apos taḵu, lalawwengon ditaḵu ya an-sassanga taḵu.