Romans 6:4 - Sa Ugud Apudyus

⁴ Pun sa nabonyagan taḵu, nidoga taḵu ḵan Jesu Kristu si natoyana ya nilibonana ta matagu taḵu'tte baru we antatagu we isun ni ummuliyan Jesu Kristu mipagapu'tte nakaskasdaawe ḵabooḻan Apudyus.

Romans 6:4 ပူးပေါင်းရင်းမြစ်များ

John 11:40

Ḵanan Jesus, “Adiḵpun ḵamman imbagae nu amatiḵa, ilam madayawan Apudyus?”

John 2:11

Sa annae ḵingwan Jesus ad Cana we ili'tte probinsiya'd Galilee, sana ummunae nakaskasdaawe sinyale nangipail-ana'tte ḵinaapudyusna. Pune sadi, namati da disipuluna ḵan siya.

Acts 2:24

Yaḵon aḵ Apudyus, tinaguna ḵasin ya pinuḵayana'tte ḵatoy te naippun ḵabooḻan ni ḵatoy ḵan siya.

Acts 2:32

Sa annae Jesus tinagun Apudyus ḵasin ḵad losanni tinaḵdoḻan.

Romans 6:19

An-ugudaḵ atte allasu we maawatan da tagu we daampun aḵ maangsan. Sa awe, iyyunudyu da long-agyu'ḵ nammusassu'tta angwaanyu'tta ngaimane lawweng ḵan maḵabasuḻanyu'ḵ amod. Pun sinsana, iyunudyu da long-agyu'ḵ ammusassu we angwa'tta naun-unan ta mitotoḵḵon ḵayu'ḵ taguna ta bumaḻu ugaliyu.

Romans 6:3

Adiyupun ḵamman igammu we losan taḵu we nabonyagan ḵan Jesu Kristu nidoga taḵu bos atte natoyana?

Romans 6:8

Gapu ta naḵaḵatoy taḵu ḵan Kristu, amati taḵu we midoga taḵu bos ḵan siya matagu'ḵ inggana.

Romans 6:9

Igammu taḵu we gapu ta ummuli'ḵ Jesu Kristu, adipun ogon matoy te naippun ogon ḵabooḻan ni ḵatoy ḵan siya.

Romans 7:6

Yaḵon sinsana, gapu'tte nidog-an taḵu ḵan Kristu si natoyana, napuḵayan taḵu si lintog Moses we namabaḻud ḵan ditaḵu. Ḵad anserbi taḵu ḵan Apudyus ya daḵampun ogon aḵ sa dadaane lintog yaḵon sa baru we biyage naḻpu si Ispiritu Santu.

Romans 8:11

Sa osa bos, aḵ Apudyus we nanagu ḵasin ḵan Jesu Kristu nu awad ḵan diḵayu Ispirituna, taguwona bos da long-agyu we matoy mipagapu si Ispiritunae iinggaw ḵan diḵayu.

1 Corinthians 6:14

Awad os ḵausaran ni long-ag taḵu si umali ye aḻgaw te aḵ Apudyus taguwona ditaḵu gapu'tte ḵabooḻanae isun ni nanaguwana ḵan Apu.

2 Corinthians 13:4

Te taḵon ay nu awad osa'ḵ ḵananae anḵuya'ḵ Kristu atte natoyana'tte kros, matattagu gapu'tte ḵabooḻan Apudyus. Pun isuna bos ḵan diḵani ye isunin anḵuya gapu si niyossaananni ḵan Kristu yaḵon nu mipanggob si ḵoonni ḵan diḵayu, ipailani ḵabooḻanae naḻpu ḵan Apudyus gapu si maḵabuḻbuḻunanni ḵan Kristu atte matattaguwana.

2 Corinthians 5:17

Pun ngaimane niyossaan ḵan Kristu, nambalinon Apudyus aḵ baru we naḵwa. Naippun ogon dadaane ḵinatataguna te napasantan si baru we biyag.

Ephesians 4:17

Pun gapu si ḵaḻabbongane innatod Apu ḵan saḵon, ipatutḵu we adi taḵu oḵyan mabiyage isun da tagu we adipun amati ḵan Apudyus te ippun anun da somsomoḵda.

Ephesians 5:8

Te diḵayu ḵad, isun di anggiḵbot somsomoḵyu si awe yaḵon sinsana nasilawanda gapu si niyossaananyu ḵan Apu. Pun matagu ḵayu oḵyane isun da tagu we iinggaw atte padda.

Colossians 3:10

ya awatonyu baru we ansosomsomoḵ ḵan ugali ye itton Apudyus ḵan diḵayu ḵad pagatupana pabaruwon ta miyisu ḵayu ḵan siya ya igammuwonyu we ustu.

Colossians 4:1

Diḵayu ḵade ap-apuwon da musassu, ḵoonyu da ustu ya da ambaḻu ḵan dida te igammuyu we awad os apuyu'd langit.

1 Peter 3:21

Sa sadi ye danum, mipani si bonyag. Gapu'tte nampabonyaganyu, taguwon Apudyus diḵayu'tte mipagapu si ummuliyan Jesu Kristu. Ḵad sa bonyag, daḵampun aḵ sa naamosan ni long-agyu ta maḵaan ḵaissaw nu adi sa alluwaḻuwanyu ḵan Apudyus ta daḻusana da somsomoḵyu.