Romans 6:17 - Sa Ugud Apudyus

¹⁷ Yaḵon anggappiyaaḵ ḵan Apudyus te taḵon ay nu musassun ni basuḻ diḵayu'tte awe, sinsana tuttuwae insisimoḵyu tuttuwaon ḵatuttuwaane nituttudu ḵan diḵayu.

Romans 6:17 ပူးပေါင်းရင်းမြစ်များ

Acts 11:18

Dingngoḻda ḵad sana, ingginoḵdae nanamḵuy ḵan siya woḵ ḵanandae nangidaydayaw ḵan Apudyus, “Innatod os Apudyus atta Gentil ta ambabawida'tta basuḻda ya agaydae angwa ta awad ḵan dida biyag aḵ inggana.”

Acts 28:15

Dingngoḻ ḵad ay da susunudni ḵan Kristu ad Rome we inḵani sidi, ummoy diḵani inabot ad Appius we andaḵdaḵngan da tagu ya da udum atte ngannonda Tuḻu we Dadawwosan. Innilan ḵad Paul dida, nanggappiya ḵan Apudyus woḵ nasoḻgag somsomoḵna.

Romans 1:5

Mipagapu ḵan Jesu Kristu, impailan Apudyus ḵinabaḻuna ḵan saḵon woḵ nambalinaḵ aḵ apostol ta awisoḵ da tagu'tta losane ili ta tumuttuwada gapu si amatiyanda ḵan Jesus.

Romans 1:8

Sa umunae pioḵ ibaga, anggappiyaaḵ ḵan Apudyus mipagapu ḵan Jesu Kristu si mipanggob ḵan diḵayu losan. Te nandinongoḻ pammatiyu si intero we lubung.

Romans 15:18

Te naippun udum aḵ ugudoḵ yaḵon abus da ḵingwan Kristu mipagapu ḵan saḵon aḵ angawis atta Gentil ta tumuttuwada gapu si amatiyanda ḵan Apudyus. Te namatida gapu'tte nantuttuduwaḵ ya da ḵingwaḵ,

Romans 16:26

Yaḵon sinsana, annae nipaigammu ya mipagapu'tta inggilin da profetan Apudyus nipaigammu'tta losane tagu we mibatay atte bilin Apudyus aḵ inggana ta tumuttuwada gapu si amatiyanda ḵan siya.

Romans 2:8

Yaḵon da tagu we siya sosomḵonda da pionda ya adidapun tuttuwaon gapu si adidapun amatiyan si ḵatuttuwaan ḵad siya ḵoonda lawweng, aaddi ye dida angipail-an Apudyus si ummamdane sangana'tte timpu we anusaana ḵan dida.

1 Corinthians 1:4

Patilayunaḵ anggappiya ḵan Apudyus gapu'tte ḵinabaḻunae impailana ḵan diḵayu mipagapu si niyossaananyu ḵan Jesu Kristu.

1 Corinthians 14:6

Sinsadi susunudḵu ḵan Kristu nu umaliyaḵ ḵan diḵayu, ngai maganabyu nu an-ugudaḵ atte sabali ye ugude adiyupun maawatan? Awad ḵamman itaḵip ni umaliyaḵ ḵan diḵayu nu ḵatti? Malaksid nu ibagaḵ ḵan diḵayu impailan Apudyus ḵan saḵon baḵon nu ituttuduḵ ḵan diḵayu da banage impaḵaawatna ya ipaigammuḵ da impaigammuna baḵon nu ituttuduḵ ḵan diḵayu da udume igammuḵe ugudna.

2 Corinthians 2:14

Yaḵon anggappiyaaḵ ḵan Apudyus te gapu si niyossaananni ḵan Kristu, patilayune ipuyutna diḵani'tte sinagung da nadagupe tagu we isuni da baḻude illog Kristu. Ḵad mipagapu ḵan diḵani, sa ḵatuttuwaane mipanggob ḵan Kristu miwaḻagawag atta ḵinailin di ili ye mipani si bangun ni bangbanglu we misaḵnap atta adu we tagu.

Ephesians 1:16

adiḵpun iginoḵe anggappiya ḵan Apudyus gapu ḵan diḵayu ya patilayune idogaḵ diḵayu'tta luwaḻuḵ.

1 Thessalonians 3:9

Ngai inonni ye anggappiya ḵan Apudyus para ḵan diḵayu ta lamogna subbat laylayadni'tte sinagung Apudyus gapu ḵan diḵayu?

2 Thessalonians 1:3

Susunudḵu ḵan Kristu, ḵasapuḻane patilayun ḵani anggappiya ḵan Apudyus gapu ḵan diḵayu, ḵad mibagay nu ḵoonni ḵaḵna te pumigsapigsa da pammatiyu ḵad amo madog-adog-an ayat ni sin-ossaossa ḵan diḵayu we an-asiayat.

2 Timothy 1:13

Nu antuttuduḵa, ilam ta uunnudom ḵatuttuwaane intuttuduḵ ḵan siḵa ya gogomgomam pammatim ḵan ayate innatod Jesu Kristu ḵan ditaḵu we niyossaan ḵan siya.

Philemon 1:4

Sunude Philemon, pasigaḵ anggappiya ḵan Apudyus atte iboswayḵu ḵan iḵagasmoḵḵu siḵa nu alluwaḻuwaḵ,

Hebrews 11:8

Gapu si pammatin Abraham, tinuttuwana'ḵ Apudyus si nangayagana ḵan siyae umoy si ili ye inkarin Apudyus ḵan siyae tawidona. Tinenana mismu we ilina taḵon ay nu adinapun igammu nu dinu ayana.

Hebrews 5:9

Ḵingwana ḵad da losane ḵasapuḻane ḵoona, nambaline siya anagu'tta losane tagu we anuttuwa ḵan siya'tte angittana ḵan dida si biyag aḵ inggana.

1 Peter 1:22

Te pummoḻḵas ḵayu we ustu si tummuttuwaanyu gapu si namatiyanyu'tte ḵatuttuwaan, gattoḵe ayatonyu da susunudyu ḵan Kristu we namati. Pun pagapagatupanyu we an-asiayat atta losane somsomoḵyu.

1 Peter 2:9

Yaḵon diḵayu pinilin Apudyus aḵ ḵabaḻyanna ya isuyu da padi ye anserbi ḵan Apudyus we Ari taḵu. Diḵayu ilin da tagu we nitotoḵḵon para ḵan siya ya ampatoge tagunae ḵinuḵuwwana ta ipaigammuyu nakaskasdaawe ḵingwana. Pinilina bos diḵayu ta tenanyu giḵbot ya inggaw ḵayu si nakaskasdaawe paddana.

1 Peter 3:1

Diḵayu we bubbubai ye naasaw-an, ḵasapuḻane paituray ḵayu'tta asawayu ta awad ḵad ḵan dida da adipun tumuttuwa gapu si adidapun amatiyan atte Ugud Apudyus, maawisdae amati gapu si ambaḻu we ugaliyu taḵon ay nu adi ḵayu an-ugud

1 Peter 4:17

Te dumatong timpu we anguwisan Apudyus atta losane tagu ḵad isaḻadna ḵan ditaḵu we tagun Apudyus. Ḵad nu isaḻadna ḵan ditaḵu we anḵuwis, ngai maḵwa'tta adipun tumuttuwa gapu si adidapun amatiyan si Ambaḻu we Damag we naḻpu ḵan Apudyus?

2 John 1:4

Amod de layadḵu si inigammuḵe da udume abengnu, siya unudonda ḵatuttuwaane imbilin Apudyus we Ama ḵan ditaḵu.

3 John 1:3

Pun amod de layadḵu si ummali da susunud taḵu ḵan Kristu sina woḵ pinanoḵnoḵandae pasigḵa antaḻgod atte ḵatuttuwaan ḵad ipapuutnu we angunud si ḵatuttuwaan.