Romans 6:16 - Sa Ugud Apudyus

¹⁶ Adiyupun ḵamman igammu we nu ngai angittanyu'tta long-agyu ya tuttuwaonyu, siya simmusassu ḵan diḵayu? Nu sa basuḻ angittanyu'tta long-agyu, ambanag atte matoyanyu. Yaḵon nu ittonyu da long-agyu'ḵ tumuttuwa ḵan Apudyus, siya simmusassu ḵan diḵayu ya siya angwa si maun-unanyu.

Romans 6:16 ပူးပေါင်းရင်းမြစ်များ

Matthew 20:4

Ḵanana ḵan dida, ‘Nu pionyu bose umoy maḵaḵewaaḻ si mumuḻḻaaḵ atta de grape, ittoḵ ustu we tangdanyu.’

Matthew 6:24

Pinagatupan Jesus woḵ ḵanana, “Adipun maḵwa'tte sammilu anserbi'tta duwae apu te aaddi ye ay-ayatona osa ya an-awidana osa. Ḵad ipapatinae anserbi si osa ya am-amsewona osa. Ḵad nu ḵatti, adipun maḵwae tuttuwae anserbiḵa ḵan Apudyus nu siya igaw ni somsomoḵnu gamgamam adu we binaḵnang.”

John 8:34

Ḵanan os Jesus, “Ibagaḵ ḵan diḵayu ḵatuttuwaan, da losane dam-on maḵabasuḻ musassuda si basuḻ.

Romans 11:2

Iḵasinḵu ibagae daḵampun aḵ indiyan Apudyus da gagangaye pinilinae taguna si awe. Adiyupun ḵamman igammu ḵanan ni Ugud Apudyus atte mipanggob ḵan Profeta Elijah? Nalluwaḻu si misullagi'tta ḵailiyanae da ganaḵ Israel,

Romans 12:1

Pun susunud ḵan Kristu, ḵodawoḵ ḵan diḵayu we gapu'tte ḵadagun Apudyus idatunyu da long-agyu ḵan siya'ḵ matattagu we datun ya mitotoḵḵon ḵan Apudyus ya mas-omana. Sana ustu we inonyu we andayaw ḵan siya.

Romans 6:17

Yaḵon anggappiyaaḵ ḵan Apudyus te taḵon ay nu musassun ni basuḻ diḵayu'tte awe, sinsana tuttuwae insisimoḵyu tuttuwaon ḵatuttuwaane nituttudu ḵan diḵayu.

1 Corinthians 3:16

Adiyupun ḵamman igammu we diḵayu templo we boḻoy Apudyus gapu'tte Ispiritunae iinggaw ḵan diḵayu?

1 Corinthians 5:6

Daḵampun aḵ ambaḻu ansoḵaḻ ḵayu. Adiyupun ḵamman igammu we sa poose yeast pabotaḻona losan niḵamsanae arina?

1 Corinthians 6:2

Adiyupun ḵamman igammu we da tagun Apudyus anguwis atta tagu si annae lubung? Ḵad nu diḵayu anguwis atta tagu si annae lubung, adiyupun ḵamman os lamog ilintog da sin-aḵḵit ay lawae banag?

1 Corinthians 6:3

Adiyupun ḵamman igammu we ditaḵu anguwis atta anghel? Ḵad maguḻaman os adi maḵwae ilintogyu da ngaimane banag si annae mataguwanyu?

1 Corinthians 6:9

Adiyupun ḵamman igammu we da angwa'ḵ lawweng adidapun gangganason da laḵsunda si midog-anda si ampangatan Apudyus? Adiyu allelawon da long-agyu te da angadaḻug atta daḵampun aḵ asawada, da andayaw atta sinan-apudyus, da laḻaḵi ye angadaḻug atta asillaḻaḵida ya da bubai ye angadaḻug atta asimbubaida, da maḵadagdagas ya da laḻaḵi ye mabayadan,

1 Corinthians 9:13

Adiyupun ḵamman igammu we da anserserbi si templo maḻpu ḵanonda si templo ya da anserserbi si altar maḵabillayda'tte datun?

1 Corinthians 9:24

Ipaniḵ namatiyan taḵu'tte todtoddaḵ. Igammu taḵu we nu awad todtoddaḵ, padason da losane maḵatodtoddaḵe angngog yaḵon ossaan magungunaan. Pun isuna ḵan ditaḵu we namati, igga taḵu ḵabooḻan taḵu ta maaḻa taḵu gungunae itton Apudyus.

2 Peter 2:19

Ikaridae mapuḵayan da sanae tagu nu unudonda da ituttududa. Yaḵon sa ḵatuttuwaan, didae mismu musassu'tta basuḻe angaissaw ya anadail ḵan dida. Te sa tagu, ambalin aḵ musassu si ngaimane angngog ḵan siya.