Romans 5:20 - Sa Ugud Apudyus

²⁰ Innatod Apudyus lintog ta angigammuwandae amo ummaduadu basuḻ da tagu. Yaḵon taḵon ay nu ummaduadu basuḻ da tagu, amo ummamdan ḵinabaḻun Apudyus.

Romans 5:20 ပူးပေါင်းရင်းမြစ်များ

Matthew 20:9

“Pune sadi, dummatong ḵad da asi naḵaḵewaaḻ atte mummasdom, sin-ossae palata tangdanda.

Matthew 9:13

Te adiyaḵpun ummali ta ayagaḵ da naun-unane tagu yaḵon ummaliyaḵ ta ayagaḵ da ḵabasbassuḻan ta ambabawida'tta basuḻda ta ansinagungda ḵan Apudyus. Pun inḵayu adaḻon nigili ye Ugud Apudyus we ḵanana, ‘Ḵan saḵon, napatpatog ḵumadagu ḵayu'tta asintataguyu nu sa angidatun ḵayu'ḵ ayam ya da udume datun ḵan saḵon.’ ”

Luke 7:47

Pun annaya ibagaḵ ḵan diḵayu, gapu'tta ḵingwana ḵan saḵon, mipailae amod de ayatna ḵad napakawan da adu we basuḻna. Yaḵon sa tagu we aḵit basuḻnae napakawan, aḵit os ayatna.”

John 10:10

“Umali aḵḵawan ta umoy an-aḵaw, pumatoy ḵan dumadail. Yaḵon ḵan saḵon, ummaliyaḵ ta ittaḵ da tagu si biyag aḵ inggana, sa biyage ippun angkurangana.”

John 15:22

Naippun oḵyan maḵabasuḻanda nu adiyaḵ ummali ya naḵaugud ḵan dida. Yaḵon sinsadi, ippun ogon allasunda'tta basuḻda.

Romans 4:15

Te sa lintog ambanag si sumang-an Apudyus ḵan ditaḵu te aditaḵupun lamog tuttuwaon. Yaḵon nu naippun lintog naippun malisalis.

Romans 6:1

Tuttuwae amod de ḵinabaḻun Apudyus ḵan ditaḵu. Pun ngai ḵanan taḵu nu? Pagapagatupan taḵu ḵad aine bumasuḻ ta amo madogdog-an ḵinabaḻun Apudyus ḵan ditaḵu?

Romans 6:14

Te daḵampun ogon aḵ sa basuḻ angituray ḵan ditaḵu te sinsadi, sa mibatayan ni mataguwan taḵu daḵampun si anuttuwaan taḵu'tte lintog yaḵon sa ḵinabaḻun Apudyus.