Romans 5:12 - Sa Ugud Apudyus

¹² Ummali basuḻ si annae lubung gapu si ossaane tagu. Ḵad mipagapu si basuḻna, ummali ḵatoy. Sadi gapunae niyasaḵ ḵatoy atta losane tagu sina'd luta te naḵabasuḻ losan da tagu.

Romans 5:12 ပူးပေါင်းရင်းမြစ်များ

Romans 3:23

Te losan taḵu naḵabasuḻ ḵad adayu taḵu si ḵinabaḻun Apudyus.

Romans 5:18

Losane tagu madusa gapu'tte basuḻ ni osae tagu. Yaḵon gapu'tte naun-unane ḵingwan Kristu si natoyana para ḵan ditaḵu, sa ambanagana losane tagu aḵ Apudyus angwa si maun-unanda ya awad ḵan dida biyag aḵ inggana.

Romans 5:19

Gapu'tte adin ni ossaane tagu tummuttuwaan, siya bummasuḻan da adu we tagu. Yaḵon sa tummuttuwaan ni osae tagu, siya maun-unan da adu we tagu.

Romans 5:21

Yaḵon naḵabasuḻ da losane tagu ḵad sa ambanaganda matoyda ya misinada ḵan Apudyus aḵ inggana. Sinsadi gapu'tte ḵinabaḻuna'tta tagu ya mipagapu'tte ḵingwan Jesu Kristu we Apu taḵu, aḵ Apudyus angwa si maun-unan da tagu ta mataguda'ḵ inggana.

Romans 6:21

Yaḵon ngai ginanabyu we dam-on nangwa'tta ḵassadi ye siya mabainanyu sinsana? Sa ambanagan da ḵassadi ye ḵoḵoḵḵon, matoyan ḵan misinaan ḵan Apudyus aḵ inggana!

Romans 6:23

Te sa bayad ni basuḻ siya ḵatoy. Yaḵon sa libli ye atod Apudyus siya biyag aḵ inggana mipagapu si niyossaanan taḵu ḵan Jesu Kristu we Apu taḵu.

1 Corinthians 15:56

Te sa angaḻ-an ni ḵatoy si ḵabooḻana, sa bumasubasuḻan taḵu ya sa angaḻ-an ni basuḻ atte ḵabooḻana, sa aditaḵupun anuttuwaan si lintoge innatod Apudyus ḵan Moses.

Ephesians 2:3

Ḵatti losan antatagu taḵu si awe ye siya ḵooḵoon taḵu da pipion ni long-ag taḵu. Ngaimane amaamayon ni long-ag taḵu ḵan somsomoḵ taḵu, dida da unudon taḵu. Pun sa gagangaye antatagu taḵu labbongnae nidoga taḵu'tta tagu we dusaon Apudyus.

James 1:15

Ḵad nu lumamut ya tumubu sanate amaamayona, siya ibungana basuḻ. Ḵad nu dumaḵodaḵoḻ sanate basuḻ, siya ibungana ḵatoy.

James 3:2

Losan ḵan ditaḵu, adu angkamaliyan taḵu. Yaḵon sa tagu we ippun angkamaliyana'tte an-uugudna, naangsan te lamogna tupodon long-agna.