Romans 4:2 - Sa Ugud Apudyus

² Nu gapu'tte ambaḻu we ḵingwan Abraham nangwaan Apudyus ḵan siya'ḵ naun-unan, maḵwae isḵaḻna'tta tagu. Yaḵon tuttuwae adipun maḵwae isḵaḻna'tte sinagung Apudyus.

Romans 4:2 ပူးပေါင်းရင်းမြစ်များ

Romans 15:17

Pun gapu ta niyossaanaḵ ḵan Jesu Kristu, maḵwae isḵaḻḵu anserbiyaḵ ḵan Apudyus.

1 Corinthians 1:29

Ḵingwan Apudyus ḵatti ta naippun tagu'ḵ ansoḵaḻ atte sinagungna.

1 Corinthians 1:31

Pun unudon taḵu nigili ye Ugud Apudyus we ḵanana, “Ngaimane ansoḵaḻ, siya oḵyan isḵaḻna da ḵingwan Apu.”

1 Corinthians 4:7

Te ngai ḵad ain nangwa si nitoḵonanyu'tta udum? Daḵampun ḵamman ḵan Apudyus nangitod atta losane awad ḵan diḵayu? Ḵad ngaipa ḵayu ansoḵaḻe isun di diḵayu nangwa?

1 Corinthians 9:16

Te nu iwaḻagawagḵu Ambaḻu we Damag ippun ḵaḻabbongaḵe angiyisḵaḻ. Te naitod ḵan saḵon biyang, pun ḵasapuḻane iwaḻagawagḵu. Ḵad ḵaddaguwaḵ nu adiḵ iwaḻagawag Ambaḻu we Damag.

2 Corinthians 11:12

Ḵad pagapagatupaḵ ḵoon ḵaḵna ta ippun wayan da awad sinate apostolyu we angiyisḵaḻ atte mipanggob si ḵewaaḻda ḵan an-isu ḵoonda si ḵoonni.

2 Corinthians 11:30

Nu ḵasapuḻane ansoḵaḻaḵ, siya isḵaḻḵu da banage angipaila si ḵinaḵuyaḵ.

2 Corinthians 5:12

Daḵampun aḵ siya panggobni idayawni long-agni'tta annae imbagani. Yaḵon pionni ittan diḵayu'ḵ allapuwanyu we angipasindayaw ḵan diḵani ta lamogyu songbatan da tagu we angipasindayaw atta mailae ḵasasaadda ya daḵampun aḵ sa awad si ustu we ḵasomsomḵanda.

Galatians 3:22

Yaḵon adidapun maḵaḵwa te sa ḵanan ni Ugud Apudyus, losane tagu patilayune bumasubasuḻ ya adipun maḵwae mapuḵayandae angwa'ḵ basuḻ atte ḵuwadae ḵabooḻan. Implanun Apudyus sadi ta sa inkarinae mibatay si pammatin ni tagu ḵan Jesu Kristu, abus aḵ maittana da amati.

Ephesians 2:9

Pun ippun isḵaḻ taḵu te daḵampun aḵ da ambaḻu we ḵingwa taḵu nataguwan taḵu.

Philippians 3:9

ya miyossaanaḵ ḵan siya. Pun sinsana, daḵampun aḵ ḵuwaḵ naun-unaḵe mibatay si nanuttuwaaḵ atte lintog yaḵon sa maun-unane itton Apudyus we mibatay si pammati ḵan Kristu.