Romans 4:18 - Sa Ugud Apudyus

¹⁸ Pinatin Abraham imbagan Apudyus ḵan siya taḵon ay nu ippun namnamana'ḵ mituttuwa, siya nambalin aḵ aman da adu we ili ye sa ḵaadun da ganaḵna isuna ḵaadun da bituwon ad langit. Sadi nigili'tte Ugud Apudyus we maḵwa.

Romans 4:18 ပူးပေါင်းရင်းမြစ်များ

Luke 1:18

Nagangput ḵad imbagan ni anghel, ḵanan Zechariah, “Ngai angigammuwaḵe mituttuwa da imbagam? Te mummaḻmaḻong-agaḵ, ḵad mummammad-an aḵ asawaḵ!”

Acts 27:25

Ḵad papigsaonyu da somsomoḵyu te amatiyaḵ ḵan Apudyus we mituttuwa da losane imbagana ḵan saḵon.

Romans 4:17

Ḵanan ni nigili ye Ugud Apudyus, “Nambalinoḵ siḵa'ḵ aman da adu we ili.” Siya ama taḵu si antotollong Apudyus we pinatin Abraham, siya maḵabooḻe anagu'tta natoy ḵan angwa'tta banage naippun.

Romans 4:19

Sa sadi ye timpu, madam-an ansinggasut tawon Abraham ḵan ippun namnamana'ḵ maganaḵ te aḵ Sarah ḵad mummammad-an. Yaḵon sissiyae ampigsa pammatina taḵon ay nu naḻaḵay.

Romans 5:5

Ḵad nu awad namnama taḵu, aditaḵupun oḵyan madismaya te impailan Apudyus amode ayatna para ḵan ditaḵu mipagapu'tte Ispiritu Santu we innatodna ḵan ditaḵu.

Romans 8:24

Te sa sanae namnama nataguwan taḵu. Yaḵon nu sa mamaḵ-ila namnamaon taḵu, daḵampun aḵ tuttuwae namnama. Te ngai ḵad ain annamnama si mamaḵ-ila?

Hebrews 6:19

Ḵad sa annae namnama taḵu, siya amapagdot si pammati taḵu te aaddi ye mituttuwa. Gapu'tte namnama taḵu, isu taḵun naganggangput nillumnoḵ si gattoḵe igaw Apudyus we isun ni nillumnoḵan ni ḵangatuwane padi si Ḵasantuwane kuwartun ni templo we boḻoy Apudyus we natalingdan si kortina.