Romans 4:16 - Sa Ugud Apudyus

¹⁶ Pun sana gapunae mibatay atte pammati ta sa inkarin Apudyus mibatay si ḵinabaḻuna ya aaddi ye mituttuwa'tta losane mibelang aḵ ganaḵna, daḵampun aḵ abus da Judyu aḵ angigammu'tte lintog yaḵon da losane amati ye isun ni pammatin Abraham. Te siya ama taḵu losan.

Romans 4:16 ပူးပေါင်းရင်းမြစ်များ

Luke 19:9

Pun sa ḵanan Jesus atta tagu si mipanggob ḵan Zacchaeus, “Sinsadi, tinagun Apudyus da annae simbaḻyan atte madusaanda'tta basuḻda te tuttuwae ganaḵ os Abraham gapu'tte pammatina.

Romans 15:8

Te ibagaḵ ḵan diḵayu we nambalin aḵ Kristu aḵ sammilu we anserbi'tta Judyu ta ipailana ḵinatuttuwaan Apudyus ta mapanoḵnoḵan da inkarina'tta danaḵḵoḻda.

Romans 3:22

Aḵ Apudyus angwa'tta losane tagu'ḵ maun-unan mipagapu si pammatida ḵan Jesu Kristu. Te adimpun Apudyus laḵsigon ngaimane tagu.

Romans 3:30

Ossaan Apudyus da Judyu ḵan Gentil ya abus mipagapu'tta pammatida ḵan Jesu Kristu aḵ maun-unanda.

Romans 4:11

Pun nasogyatan aḵ Abraham ta angipanoḵnoḵe imbelang Apudyus aḵ naun-unan gapu si pammatina si daannapun masogyatan. Pun nambalinon Apudyus aḵ aman da losane namati taḵon ay nu adidapun nasogyatan, mibelangda'ḵ naun-unan.

Romans 5:1

Pun gapu ta aḵ Apudyus nangwa ḵan ditaḵu'ḵ naun-unan gapu'tte pammati taḵu, allin-awa maḵabuḻbuḻunan taḵu ḵan Apudyus mipagapu'tte ḵingwan Jesu Kristu we Apu taḵu.

Romans 9:8

Ḵad sa piona ḵanan, daḵampun aḵ losane ganaḵ Abraham mibelangda'ḵ abeng Apudyus. Yaḵon abus da miyanaḵ gapu si inkarin Apudyus aḵ mibelang aḵ abengna.

Galatians 3:14

Mipagapu ḵan Jesu Kristu, binindisyunan Apudyus da Gentil we isun ni bindisyune inkarina ḵan Abraham ta ditaḵu we namati awaton taḵu oḵyan nikari ye Ispiritu Santu gapu si pammati taḵu.

Galatians 3:16

Sinsadi, inkarin Apudyus ḵan Abraham ya sa ganaḵna. Sa ugude ganaḵ atte Ugud Apudyus, daḵampun atta adu we ganaḵ piona ugudon yaḵon sa ossaane ganaḵnae aḵ Kristu.

Galatians 3:22

Yaḵon adidapun maḵaḵwa te sa ḵanan ni Ugud Apudyus, losane tagu patilayune bumasubasuḻ ya adipun maḵwae mapuḵayandae angwa'ḵ basuḻ atte ḵuwadae ḵabooḻan. Implanun Apudyus sadi ta sa inkarinae mibatay si pammatin ni tagu ḵan Jesu Kristu, abus aḵ maittana da amati.

Ephesians 2:5

Taḵon ay nu isun di natoy taḵu gapu'tta basuḻ taḵu, innatodna baru we biyag gapu si niyossaanan taḵu ḵan Kristu. Pun sa ḵinabaḻun Apudyus gapun ni nataguwan taḵu'tte madusaan si basuḻ.

Ephesians 2:8

Gapu'tte ḵinabaḻun Apudyus natagu taḵu mipagapu si pammati taḵu ḵan Kristu. Daḵampun atta ḵingwa taḵu yaḵon sa atod Apudyus.

Titus 3:7

Ḵingwana ḵaḵna ta ambalin taḵu'ḵ angilaḵsune awad de namnama taḵu si biyag aḵ inggana. Pun sa angibatayan taḵu si annae namnama taḵu, ḵingwana ditaḵu'ḵ maun-unan gapu'tte ḵinabaḻuna.

2 Peter 1:10

Pun susunudḵu ḵan Kristu, ipapatiyu we angunud si ambaḻu we antatagu ta amanoḵnoḵe inayagan ḵan pinilin diḵayu ḵan Apudyus. Te nu ḵoonyu da sana, adiḵayupun paat maottag si pammatiyu.