Romans 4:11 - Sa Ugud Apudyus

¹¹ Pun nasogyatan aḵ Abraham ta angipanoḵnoḵe imbelang Apudyus aḵ naun-unan gapu si pammatina si daannapun masogyatan. Pun nambalinon Apudyus aḵ aman da losane namati taḵon ay nu adidapun nasogyatan, mibelangda'ḵ naun-unan.

Romans 4:11 ပူးပေါင်းရင်းမြစ်များ

Matthew 16:16

Ḵanan Simon Peter, “Siḵa Kristu we Abeng ni matattagu we Apudyus.”

Matthew 8:11

Ibagaḵ ḵan diḵayu, adu da Gentil we maḻpu si dumingitan init ya mipisonganae maḵaḵan ḵan da Abraham, Isaac ya aḵ Jacob atte ampangatan Apudyus.

Luke 19:9

Pun sa ḵanan Jesus atta tagu si mipanggob ḵan Zacchaeus, “Sinsadi, tinagun Apudyus da annae simbaḻyan atte madusaanda'tta basuḻda te tuttuwae ganaḵ os Abraham gapu'tte pammatina.

John 3:33

Ḵad da amati'tta ibagana, panoḵnoḵandae tuttuwa ibagan Apudyus.

John 3:36

Ḵad ngaimane tumuttuwa gapu si amatiyana'tte Abengna, maatod ḵan siya biyag aḵ inggana. Yaḵon sa adipun tumuttuwa gapu si adinapun amatiyan atte Abengna, ippun ḵan siya biyag aḵ inggana yaḵon sa sangan Apudyus iinggaw ḵan siya.

John 6:35

Ḵanan Jesus, “Saḵon maḵane angitod atte biyag aḵ inggana. Ḵad da umali ya amati ḵan saḵon, adidapun paat mauḻat ḵan mauwaw.

John 6:40

te sa pinion Amaḵ, losane angimatune saḵon Abengna ya amati ḵan saḵon, maittanda si biyag aḵ inggana. Ḵad pauliyoḵ dida taguwon si anungus ni aḻgaw.”

John 6:47

Ibagaḵ ḵan diḵayu ḵatuttuwaan, ngaimane amati ḵan saḵon, awad ḵan siya biyag aḵ inggana.

John 8:33

Ḵananda, “Diḵani da ganaḵ Abraham ḵad daḵanḵanipun paat aḵ musassu'tta ngaiman. Ḵad ngai piom ugudon si ḵaname mapuḵayan ḵani?”

Romans 10:11

Te awad de nigili ye Ugud Apudyus we ḵanana, “Ngaimane amati ḵan siya adipun paat madismaya.”

Romans 10:4

Te aḵ Kristu anungus ni lintog ta da losane amati, aḵ Apudyus angwa ḵan dida'ḵ maun-unan atte sinagungna.

Romans 10:6

Yaḵon sa inon Apudyus we angwa'tte tagu'ḵ maun-unan gapu'tte pammatina, awad de nigili si Ugud Apudyus we amanoḵnoḵe daḵampun aḵ anḵamnut awad pammati ye ḵanana, “Adiyu ḵanan atta somsomoḵyu we ḵasapuḻane awad umoy ad langit.” Sa piona ḵanan an-osog aḵ Jesu Kristu sina'd luta.

Romans 3:22

Aḵ Apudyus angwa'tta losane tagu'ḵ maun-unan mipagapu si pammatida ḵan Jesu Kristu. Te adimpun Apudyus laḵsigon ngaimane tagu.

Romans 3:26

Sinsadi impailanae naun-unan gapu'tte adinapun nambiyangan da basuḻ da tagu yaḵon imbuunna'ḵ Jesus aḵ matoy ta siya madusa para'tta basuḻ taḵu pun aḵ Apudyus ustu ya siya angwa si maun-unan da awad pammatida ḵan Jesu Kristu.

Romans 3:30

Ossaan Apudyus da Judyu ḵan Gentil ya abus mipagapu'tta pammatida ḵan Jesu Kristu aḵ maun-unanda.

Romans 4:10

Ḵamaan ni naḵwaan ni sana? Sa daan Abraham masogyatan baḵon nu sa nagangputana, imbelang Apudyus aḵ naun-unan.

Romans 9:30

Ngai ibaga taḵu nu? Da Gentil we adidapun ginamgaman naun-unanda'tte sinagung Apudyus, naun-unanda gapu si pammatida ḵan Jesu Kristu.

Romans 9:33

Te ḵanan ni nigili'tte Ugud Apudyus, “Ilanyu, isaadḵu'd Zion annae batu we amapagdot si boḻoy. Sana batu we ampasanga ya misubuḵan ḵan maottagan da tagu. Yaḵon ngaimane amati ḵan siya adipun paat madismaya.”

Romans 9:6

Sa imbagaḵ mipanggob atta ganaḵ Israel we adipun namati ḵan Jesu Kristu, adiḵpun ḵanane ippun nambanagan da inkarin Apudyus atta taguna. Te daḵampun aḵ tuttuwae tagun Apudyus da losane ganaḵ Israel.

2 Corinthians 1:22

Innatod Apudyus Ispiritunae iinggaw ḵan ditaḵu we isun di maḻḵae ditaḵu da taguna ya sa Ispiritunae iinggaw ḵan ditaḵu amanoḵnoḵan taḵu we ittona da losane inkarina.

Galatians 3:22

Yaḵon adidapun maḵaḵwa te sa ḵanan ni Ugud Apudyus, losane tagu patilayune bumasubasuḻ ya adipun maḵwae mapuḵayandae angwa'ḵ basuḻ atte ḵuwadae ḵabooḻan. Implanun Apudyus sadi ta sa inkarinae mibatay si pammatin ni tagu ḵan Jesu Kristu, abus aḵ maittana da amati.

Galatians 3:29

Ḵad gapu ta niyossaan ḵayu ḵan Kristu, nibelang ḵayu'ḵ ganaḵ Abraham ya maḵatawid ḵayu'tta inkarin Apudyus ḵan siya.

Galatians 3:7

Pun maawatanyu oḵyane da tagu we amati ḵan Apudyus, dida da tuttuwae ganaḵ Abraham.

Galatians 5:5

Yaḵon ditaḵu ḵad, namnamaon taḵu we aḵ Apudyus angwa si maun-unan taḵu ya sa Ispiritu Santu bumadang ḵan ditaḵu we anguuway si mituttuwaana gapu'tte pammati taḵu.

Galatians 6:16

Awad oḵyan atta losane angunud si annae imbagaḵ lin-awa ḵan ḵadagu ya awad os atta losane tuttuwae tagun Apudyus.

Ephesians 1:13

Ḵad diḵayu bose niyossaan ḵan Kristu, dingngoḻyu ḵad ḵatuttuwaane Ugudna we sa Ambaḻu we Damag mipanggob atte mataguwanyu, namati ḵayu ḵan Kristu woḵ namaḻḵaan ḵayu si Ispiritu Santu we inkarina.

Ephesians 4:30

Ḵad adi ḵayu oḵyan angwa'ḵ lawweng aḵ adin ni Ispiritu Santu andadauyan te sanat innatod Apudyus we isun di maḻḵae taguna diḵayu. Ḵad sadi angipaigammu we subutona diḵayu si umali ye aḻgaw.

Philippians 3:9

ya miyossaanaḵ ḵan siya. Pun sinsana, daḵampun aḵ ḵuwaḵ naun-unaḵe mibatay si nanuttuwaaḵ atte lintog yaḵon sa maun-unane itton Apudyus we mibatay si pammati ḵan Kristu.

Hebrews 11:7

Mipagapu si pammatin Noah, nandongoḻ atta imbagan Apudyus mipanggob atta banage maḵwa si umali ye aḻgawe daannapun yan ilan. Tinuttuwana'ḵ Apudyus woḵ nangwa'ḵ daḵoḻe bapur ta matagudae simbaḻyan. Gapu si pammatina, impailanae nankamali da tagu'tte lubunge adidapun amati ḵan Apudyus ya dusaon Apudyus oḵyan dida. Pun imbelang Apudyus aḵ naun-unan mipagapu si pammatina.

2 Peter 1:1

Saḵon aḵ Simon Peter we osa'tta apostol Jesu Kristu we anserbi ḵan siya. Annaya bos suḻatḵu ḵan diḵayu we innattan Apudyus aḵ pammati ye ippun nisabaliyana si pammatini mipagapu si naun-unan Jesu Kristu we Apudyus taḵu ya Anagu ḵan ditaḵu.

Revelation 9:4

Nibilin ḵan didae adida dadailon da lumun, ḵayu ya da udume allilingsi ye muḻa'd luta yaḵon siya abus aḵ dadailonda da tagu we adipun namaḻḵaan da ḵidayda si maḻḵan Apudyus.