Romans 4:1 - Sa Ugud Apudyus

¹ Sosomḵon taḵu ḵad aḵ Abraham we daḵdaḵoḻ taḵu we Judyu. Ngai inon Abraham we nibelang aḵ naun-unan ḵan Apudyus?

Romans 4:1 ပူးပေါင်းရင်းမြစ်များ

Matthew 3:9

Adiyu ḵanan atta somsomoḵyu we miligsi ḵayu te aḵ Abraham daḵdaḵoḻyu. Annaya ibagaḵ ḵan diḵayu, aḵ Apudyus lamogna ambalinon da annae batu'ḵ ganaḵ Abraham!

Luke 3:8

Adipun paat maḵwa te ḵasapuḻane ḵoonyu da losan ta ipailayu we tuttuwae imbabawiyu da basuḻyu ya iyyagayyu we nangwa. Ḵad adiyu pay maag ḵanane miligsi ḵayu te aḵ Abraham daḵdaḵoḻyu. Annaya ibagaḵ ḵan diḵayu te aḵ Apudyus maḵwae ambalinona da annae batu'ḵ ganaḵ Abraham!

John 8:33

Ḵananda, “Diḵani da ganaḵ Abraham ḵad daḵanḵanipun paat aḵ musassu'tta ngaiman. Ḵad ngai piom ugudon si ḵaname mapuḵayan ḵani?”

John 8:53

Nangatngatuḵa ḵamman nu aḵ Abraham we daḵdaḵoḻ taḵu baḵon nu da profetan Apudyus? Natoyda losan. Ngai anomsomḵam si long-agnu?”

John 8:56

Amod de layad Abraham we daḵdaḵoḻyu te ilana aḻgawe umaliyaḵ sina. Pun tuttuwae nipaila ḵan siya woḵ allaylayad.”

Acts 13:26

“Susunudḵu we ganaḵ Abraham ya diḵayu we Gentil we angisipog ḵan Apudyus, ditaḵu nangittan Apudyus si ugudnae mipanggob si anaguwana ḵan ditaḵu.

Romans 3:5

Yaḵon nu sa angwaan taḵu'tta ḵinalaweng angipaila si naun-unan aḵ Apudyus, maḵwa ḵammane ḵanan taḵu we adipun naun-unan aḵ Apudyus nu dusaona ditaḵu gapu'tta ḵinalaweng taḵu? An-ugudaḵe ḵasomsomḵan di tagu.

Romans 4:16

Pun sana gapunae mibatay atte pammati ta sa inkarin Apudyus mibatay si ḵinabaḻuna ya aaddi ye mituttuwa'tta losane mibelang aḵ ganaḵna, daḵampun aḵ abus da Judyu aḵ angigammu'tte lintog yaḵon da losane amati ye isun ni pammatin Abraham. Te siya ama taḵu losan.

Romans 6:1

Tuttuwae amod de ḵinabaḻun Apudyus ḵan ditaḵu. Pun ngai ḵanan taḵu nu? Pagapagatupan taḵu ḵad aine bumasuḻ ta amo madogdog-an ḵinabaḻun Apudyus ḵan ditaḵu?

Romans 7:7

Ngai ibaga taḵu nu? Maḵwa ḵad ain ibaga taḵu we lawweng lintog? Naid! Yaḵon nu naippun lintog, adipun maawatan basuḻ. Isun ni amaamay, adiḵpun oḵyan inigammu we lawweng nu adin ni lintog imbaga ḵanane, “Adim amaamayon ḵuḵuwan da udum.”

Romans 8:31

Ḵad gapu ta ḵatti, ngai ḵanan taḵu nu? Nu aḵ Apudyus anna ḵan ditaḵu, ngai ḵallabbong sumullagi ḵan ditaḵu?

2 Corinthians 11:22

Pun nu ḵanandae Hebrewda, Hebrewaḵ os. Ḵad nu ḵanandae dida ganaḵ Israel, siya bos ḵan saḵon. Ḵad nu ḵananda bose dida ganaḵ Abraham, ganaḵaḵ os ḵan Abraham.

Hebrews 12:9

Isun da aamma taḵu sina'd luta, dinisiplinaan ditaḵu woḵ pinatgan taḵu bos dida. Pun amo dallu oḵyan ose paipangat taḵu ḵan Apudyus we Ama taḵu we awad ad langit ta matagu taḵu'ḵ inggana.