Romans 3:9 - Sa Ugud Apudyus

⁹ Pun un-unnoy taḵu ḵad aine Judyu nu da Gentil? Naid! Inug-uggud taḵu we losane tagu iturayan ni basuḻ, Judyu man baḵon nu Gentil.

Romans 3:9 ပူးပေါင်းရင်းမြစ်များ

Luke 7:39

Innilan ḵad ni Pharisee ye nangayag ḵan Jesus da ḵingwan ni bubai, ḵanana'tte somsomoḵna, “Nu tuttuwae profeta annae tagu, igammuna oḵyan ain ḵinatatagun ni annae bubai ye angap-appus ḵan siya! Ḵabasbassuḻan!”

Romans 1:18

Te aḵ Apudyus ad langit, impaigammuna sangana'tta adipun andayaw ḵan siya ya da angwa'ḵ lawweng. Te sa ḵinalawengda anupod si mipaigammuwan ni ḵatuttuwaan.

Romans 11:32

Te iyyunud Apudyus we nambalin taḵu losan aḵ musassun ni basuḻ ta ipailana ḵadaguna'tta losan.

Romans 11:7

Pun ngai maawatan taḵu nu? Adimpun da ganaḵ Israel indasan da singsingtonda. Yaḵon abus da pinilin Apudyus aḵ naḵaodas te da ḵaaduwan ḵan dida tummungitong da somsomoḵda.

Romans 2:1

Pun siḵae anguwis si ḵinalaweng da udum, adiḵapun maḵailigsi si madusaam ḵan Apudyus, taḵon ay ngai ḵinatatagum. Te nu ḵuwisom ḵinaḻaweng da udum ya ḵingwam os da isun da ḵoḵoḵḵonda, siya ḵoom madusaam ḵan Apudyus.

Romans 3:1

Pun ngai ambaḻuwan ni ambalin aḵ Judyu? Baḵon nu ngai ḵad ain patog ni sogyat?

Romans 3:19

Igammu taḵu we sa Ugud Apudyus we nigili'tte awe naatod ḵan ditaḵu we Judyu we anuttuwa si lintogna. Pun adipun maḵwae awad angibaga ḵanane naippun basuḻna. Te losane tagu sumangu ḵan Apudyus we maḵuwis.

Romans 3:5

Yaḵon nu sa angwaan taḵu'tta ḵinalaweng angipaila si naun-unan aḵ Apudyus, maḵwa ḵammane ḵanan taḵu we adipun naun-unan aḵ Apudyus nu dusaona ditaḵu gapu'tta ḵinalaweng taḵu? An-ugudaḵe ḵasomsomḵan di tagu.

Romans 6:15

Ngai ḵad ain pion ni sana ḵanan? Nu matagu taḵu gapu'tte ḵinabaḻun Apudyus we daḵampun si anuttuwaan taḵu'tte lintog, pagatupan taḵu ḵad aine bumasuḻ? Adipun maḵwa!

Romans 7:14

Igammu taḵu we sa lintog naispirituwan. Yaḵon taguwaḵe abus, ninginae isun di musassun ni basuḻ.

1 Corinthians 10:19

Pioḵ ḵamman ibagae matattagu da sinan-apudyus ya awad ḵamman nansabaliyan da nidatun ḵan dida ya da udume maḵan?

1 Corinthians 14:15

Ngai ḵad ain ḵooḵ nu? Alluwaḻuwaḵ atte ipaspasmoḵ ni Ispiritu Santu we maawatan ni somsomoḵḵu. Ḵad anḵantaaḵ atta naispirituwane ḵanḵanta ya anḵantaaḵ os atta ḵanḵantae maawatan ni somsomoḵḵu.

1 Corinthians 4:7

Te ngai ḵad ain nangwa si nitoḵonanyu'tta udum? Daḵampun ḵamman ḵan Apudyus nangitod atta losane awad ḵan diḵayu? Ḵad ngaipa ḵayu ansoḵaḻe isun di diḵayu nangwa?

Galatians 3:10

Yaḵon losan atta antaḻgod si anuttuwaanda'tte lintog ta mibelangda'ḵ maun-unan, andagson dusada te awad de Ugud Apudyus we ḵanana, “Ngaimane adi patilayun anuttuwa'tta losane biline nigili si Lintog Apudyus, andagson dusana.”

Galatians 3:22

Yaḵon adidapun maḵaḵwa te sa ḵanan ni Ugud Apudyus, losane tagu patilayune bumasubasuḻ ya adipun maḵwae mapuḵayandae angwa'ḵ basuḻ atte ḵuwadae ḵabooḻan. Implanun Apudyus sadi ta sa inkarinae mibatay si pammatin ni tagu ḵan Jesu Kristu, abus aḵ maittana da amati.

Philippians 1:18

Yaḵon taḵon ay nu ḵatti ḵoonda, ippun ḵanana te lawweng man ḵan ambaḻu panggobda, siya ampatog miwaḻagawag mipanggob ḵan Kristu ḵad sanat allaylaydaḵ. Daḵampun aḵ abus sadi yaḵon pagapagatupaḵe allaylayad,