Romans 3:27 - Sa Ugud Apudyus

²⁷ Pun aditaḵupun lamog isḵaḻ naun-unan taḵu gapu si anuttuwaan taḵu'tte lintog. Yaḵon aḵ Apudyus angwa si maun-unan taḵu gapu si pammati taḵu.

Romans 3:27 ပူးပေါင်းရင်းမြစ်များ

Mark 16:16

Ngaimane amati ḵan saḵon ya mabonyagan, matagu. Yaḵon sa adipun amati, maḵoddongan aḵ madusa.

John 3:36

Ḵad ngaimane tumuttuwa gapu si amatiyana'tte Abengna, maatod ḵan siya biyag aḵ inggana. Yaḵon sa adipun tumuttuwa gapu si adinapun amatiyan atte Abengna, ippun ḵan siya biyag aḵ inggana yaḵon sa sangan Apudyus iinggaw ḵan siya.

Romans 10:5

Awad de inggilin Moses mipanggob si maun-unan ni tagu si sinagung Apudyus gapu si anuttuwaanda'tte lintog. Ḵanana, “Ngaimane anuttuwa'tta losane bilin ni lintog matagu gapu'tte sadi ye lintog.”

Romans 11:6

Yaḵon nu gapu'tte ḵinabaḻun Apudyus namiliyana ḵan dida, daḵampun ogon atta ambaḻu we ḵingwada. Te nu gapu'tta ambaḻu we ḵingwada namiliyan Apudyus ḵan dida, daḵampun aḵ mipagapu'tte ḵinabaḻuna.

Romans 2:17

Diḵayu we Judyu, ḵananyu we antaḻgod ḵayu si angunudanyu si lintog. Ḵad isḵaḻyu bose tagun Apudyus diḵayu.

Romans 2:23

Siya isḵaḻyu Lintog Apudyus we awad ḵan diḵayu yaḵon diḵayu bos angibabbain ḵan Apudyus gapu'tte allisalisanyu'tte lintogna!

Romans 3:19

Igammu taḵu we sa Ugud Apudyus we nigili'tte awe naatod ḵan ditaḵu we Judyu we anuttuwa si lintogna. Pun adipun maḵwae awad angibaga ḵanane naippun basuḻna. Te losane tagu sumangu ḵan Apudyus we maḵuwis.

Romans 3:26

Sinsadi impailanae naun-unan gapu'tte adinapun nambiyangan da basuḻ da tagu yaḵon imbuunna'ḵ Jesus aḵ matoy ta siya madusa para'tta basuḻ taḵu pun aḵ Apudyus ustu ya siya angwa si maun-unan da awad pammatida ḵan Jesu Kristu.

Romans 4:2

Nu gapu'tte ambaḻu we ḵingwan Abraham nangwaan Apudyus ḵan siya'ḵ naun-unan, maḵwae isḵaḻna'tta tagu. Yaḵon tuttuwae adipun maḵwae isḵaḻna'tte sinagung Apudyus.

Romans 7:21

Pun sa maawataḵ atte mataguwan taḵu nu pioḵe ḵoon ambaḻu, amo siya ḵooḵ lawweng.

Romans 7:23

Yaḵon sa basuḻe angituray atte long-agḵu, siya bumusuḻ si somsomoḵḵu we anuttuwa si lintoge pinion Apudyus. Ḵad sa basuḻe nangituray ḵan saḵon, nambalinonaḵ aḵ baḻud.

Romans 7:25

Anggappiyaaḵ ḵan Apudyus te siya abus aḵ anagu ḵan saḵon mipagapu ḵan Jesu Kristu we Apu taḵu. Pun sa annae ḵasasaadḵu, sa somsomoḵḵu pioḵe anserbi'tte Lintog Apudyus yaḵon sa long-agḵu piona anserbi'tte lintog ni basuḻ.

Romans 8:2

Gapu si niyossaanan taḵu ḵan Jesu Kristu, anturay Ispiritu Santu ḵan ditaḵu ya innatodna baru we biyag ḵan ditaḵu ya pinuḵayan ditaḵu'tte ḵabooḻan ni basuḻ ḵan ḵatoy.

Romans 9:11

Te sa daan da sadi ye ḵapile abeng miyanaḵan ya sa daanda angwaan aḵ ambaḻu baḵon nu lawweng, ḵanan Apudyus ḵan Rebecca, “Sa panguḻu anserbi si udidi.” Ḵingwana sanat ta sa panggobna'tte amiliyana'tta tagunae daḵampun aḵ mibatay si ḵingwan di tagu yaḵon mibatay si namiliyana ḵan dida.

Romans 9:31

Yaḵon da ganaḵ Israel we nangipapati nangunud atta lintog ta maun-unanda, daḵampun aḵ sanat gapun ni angwaan Apudyus ḵan dida'ḵ maun-unan.

Romans 9:32

Ngaipa? Te sa angngitanda si inondae maun-unan, daḵampun aḵ mibatay atte pammati yaḵon sa angwaanda'tta ambaḻu. Nasaktanda ḵan Kristu we mipani'tte batu we misubuḵan da tagu.

1 Corinthians 4:7

Te ngai ḵad ain nangwa si nitoḵonanyu'tta udum? Daḵampun ḵamman ḵan Apudyus nangitod atta losane awad ḵan diḵayu? Ḵad ngaipa ḵayu ansoḵaḻe isun di diḵayu nangwa?

Galatians 2:16

Yaḵon iniiggammu taḵu we sa antotollong Apudyus, daḵampun aḵ siya angwa si maun-unan ni tagu anuttuwaana'tte lintog te sa pammatina ḵan Jesu Kristu sanat angwa si maun-unana. Siya gapunae taḵon ay ditaḵu we Judyu, namati taḵu ḵan Jesu Kristu ta aḵ Apudyus angwa ḵan ditaḵu'ḵ maun-unan gapu si pammati taḵu we daḵampun si anuttuwaan taḵu si lintog. Te ippun pulus naun-unan si antotollong Apudyus gapu si anuttuwaana si lintog.

Galatians 3:22

Yaḵon adidapun maḵaḵwa te sa ḵanan ni Ugud Apudyus, losane tagu patilayune bumasubasuḻ ya adipun maḵwae mapuḵayandae angwa'ḵ basuḻ atte ḵuwadae ḵabooḻan. Implanun Apudyus sadi ta sa inkarinae mibatay si pammatin ni tagu ḵan Jesu Kristu, abus aḵ maittana da amati.