Romans 3:22 - Sa Ugud Apudyus

²² Aḵ Apudyus angwa'tta losane tagu'ḵ maun-unan mipagapu si pammatida ḵan Jesu Kristu. Te adimpun Apudyus laḵsigon ngaimane tagu.

Romans 3:22 ပူးပေါင်းရင်းမြစ်များ

Luke 15:22

“Yaḵon inayagan amana sammiluna woḵ ḵanana, ‘Agaganyu! Inḵayu aḻan ḵabaḻuwane silup ta isilupyu ḵan siya. Ḵad singsinganyu ya ḵapatusanyu.

Acts 11:12

Pun ḵanan ni Ispiritu Santu ḵan saḵon, ‘Adiḵa ansuḵnae mibuḻun ḵan dida.’ Da annae onome susunud taḵu ḵan Kristu we iJoppa binuḻunanda bos saḵon woḵ ummoy ḵani'd Caesarea. Dummatong ḵani ḵad, nillumnoḵ ḵani si boḻoy da Cornelius.

Acts 15:9

Ippun laḵsigon Apudyus ḵan ditaḵu ya dida te pinapoḻḵasna somsomoḵda mipagapu'tte pammatida.

Acts 3:16

Mipagapu'tte ḵabooḻan Jesus, pummigsa annae tagu we itotollongyu ya igammuyu. Ḵad gapu si pammatina ḵan Jesus, lummin-awa annae tagu si sinagungyu losan.

Romans 1:17

Te gapu si Ambaḻu we Damag, impaigammun Apudyus inonae angwa'tta tagu'ḵ maun-unan gapu'tte tuttuwae pammatida ḵan siya. Te ḵanan ni nigili si Ugud Apudyus, “Sa tagu aḵ Apudyus angwa si maun-unana mipagapu'tte pammatina, awad ḵan siya biyag aḵ inggana.”

Romans 10:12

Te naippun laḵsigon Apudyus taḵon ay Judyu baḵon nu Gentil te aḵ Jesu Kristu abus aḵ Apu taḵu we amindisyun atta losane anḵodaw aḵ ḵadagu ḵan Apu.

Romans 10:4

Te aḵ Kristu anungus ni lintog ta da losane amati, aḵ Apudyus angwa ḵan dida'ḵ maun-unan atte sinagungna.

Romans 2:1

Pun siḵae anguwis si ḵinalaweng da udum, adiḵapun maḵailigsi si madusaam ḵan Apudyus, taḵon ay ngai ḵinatatagum. Te nu ḵuwisom ḵinaḻaweng da udum ya ḵingwam os da isun da ḵoḵoḵḵonda, siya ḵoom madusaam ḵan Apudyus.

Romans 3:30

Ossaan Apudyus da Judyu ḵan Gentil ya abus mipagapu'tta pammatida ḵan Jesu Kristu aḵ maun-unanda.

Romans 4:16

Pun sana gapunae mibatay atte pammati ta sa inkarin Apudyus mibatay si ḵinabaḻuna ya aaddi ye mituttuwa'tta losane mibelang aḵ ganaḵna, daḵampun aḵ abus da Judyu aḵ angigammu'tte lintog yaḵon da losane amati ye isun ni pammatin Abraham. Te siya ama taḵu losan.

Romans 8:1

Pun sinsadi ḵan ditaḵu losane nidoga ḵan Jesu Kristu, aditaḵupun maḵoddongan aḵ madusa.

Romans 9:30

Ngai ibaga taḵu nu? Da Gentil we adidapun ginamgaman naun-unanda'tte sinagung Apudyus, naun-unanda gapu si pammatida ḵan Jesu Kristu.

1 Corinthians 12:13

Losan taḵu we namati, Judyu baḵon nu Gentil, musassu baḵon nu daḵampun, nabonyagan taḵu we ossaane long-ag mipagapu'tte ossaane Ispiritu Santu ya sa sanae Ispiritu, siya inawat taḵu we losan.

1 Corinthians 4:7

Te ngai ḵad ain nangwa si nitoḵonanyu'tta udum? Daḵampun ḵamman ḵan Apudyus nangitod atta losane awad ḵan diḵayu? Ḵad ngaipa ḵayu ansoḵaḻe isun di diḵayu nangwa?

Galatians 2:16

Yaḵon iniiggammu taḵu we sa antotollong Apudyus, daḵampun aḵ siya angwa si maun-unan ni tagu anuttuwaana'tte lintog te sa pammatina ḵan Jesu Kristu sanat angwa si maun-unana. Siya gapunae taḵon ay ditaḵu we Judyu, namati taḵu ḵan Jesu Kristu ta aḵ Apudyus angwa ḵan ditaḵu'ḵ maun-unan gapu si pammati taḵu we daḵampun si anuttuwaan taḵu si lintog. Te ippun pulus naun-unan si antotollong Apudyus gapu si anuttuwaana si lintog.

Galatians 2:20

Te mibelange naḵaḵatoyaḵ ḵan Kristu atte kros. Pun sinsadi, daḵampun ogon aḵ saḵon matattagu yaḵon aḵ Kristu we anna ḵan saḵon. Sa biyagḵu sinsadi, matattaguwaḵ si pammati atte Abeng Apudyus we nangayat ḵan saḵon ya nangitod si biyagna gapu ḵan saḵon.

Galatians 3:22

Yaḵon adidapun maḵaḵwa te sa ḵanan ni Ugud Apudyus, losane tagu patilayune bumasubasuḻ ya adipun maḵwae mapuḵayandae angwa'ḵ basuḻ atte ḵuwadae ḵabooḻan. Implanun Apudyus sadi ta sa inkarinae mibatay si pammatin ni tagu ḵan Jesu Kristu, abus aḵ maittana da amati.

Galatians 3:28

Ḵad nu ḵatti, sa antotollong Apudyus, naippun mangadanan aḵ Judyu baḵon nu Gentil, musassu baḵon nu daḵampun, laḻaḵi baḵon nu bubai te os-ossaan ḵayu gapu si niyossaananyu ḵan Jesu Kristu.

Ephesians 3:12

Pun maḵwa antuḻod taḵu we umadani ya alluwaḻu ḵan Apudyus mipagapu'tte niyossaanan taḵu ḵan Kristu Jesus ya sa pammati taḵu ḵan siya.

Philippians 3:9

ya miyossaanaḵ ḵan siya. Pun sinsana, daḵampun aḵ ḵuwaḵ naun-unaḵe mibatay si nanuttuwaaḵ atte lintog yaḵon sa maun-unane itton Apudyus we mibatay si pammati ḵan Kristu.

Colossians 3:11

Gapu'tta sanae ḵingwan Apudyus, an-iisuwona da losan si antotollongna, Judyu man baḵon nu da Gentil, da naadaḻan ya da adipun naadaḻan, ḵaḵḵaili ya da maaḻmot, musassu ya daḵampun aḵ musassu te aḵ Kristu ḵapatogan atta losan ya awad os atta losane namati.

James 2:23

Pun nituttuwa nigili ye Ugud Apudyus we ḵanana, “Pinatin Abraham aḵ Apudyus, pun imbelangna'ḵ naun-unan” woḵ nangngadan aḵ buḻbuḻun Apudyus.