Romans 3:2 - Sa Ugud Apudyus

² Sa ḵatuttuwaan, ampatog tagu we mibelang aḵ Judyu. Sa umuna, ditaḵu nangitaḻgodan Apudyus si nigili ye ugudna.

Romans 3:2 ပူးပေါင်းရင်းမြစ်များ

John 5:39

Adaadaḻonyu nigili ye Ugud Apudyus te ḵananyupun nu sadi angitod ḵan diḵayu si biyag aḵ inggana. Ḵad sa sanae Ugud Apudyus siya anaḵdoḻ si mipanggob ḵan saḵon.

Acts 7:38

Inninggaw si gimung da danaḵḵoḻ taḵu si bumbummaawe sa naḵaugudan ni anghel ḵan siya'tte beleg Sinai woḵ inawatna matattagu we Ugud Apudyus ta ittona ḵan ditaḵu.

Romans 1:2

Sa annae Ambaḻu we Damag, mipanggob si abengnae inkarina si awe atte impaigilinae ugudna mipagapu'tta profetanae an-uuggudona. Nu mipanggob si ḵinatataguna, naḻpu'tta ganaḵ Ari David.

Romans 2:18

Ḵad igammuyu pinion Apudyus we paḵwa ḵan diḵayu ya nalaing ḵayu we ampili'tta ḵabaḻuwan te annat lintognae anuttudu ḵan diḵayu.

Romans 3:1

Pun ngai ambaḻuwan ni ambalin aḵ Judyu? Baḵon nu ngai ḵad ain patog ni sogyat?

Romans 3:3

Yaḵon ngai inona nu da udum ḵan ditaḵu adidapun mataḻgodan atta ibagada? Piona ḵad ain ḵanane adipun aḵ Apudyus mataḻgodan atta inkarina?

Romans 9:4

Didae mismu we ganaḵ Israel pinilin Apudyus aḵ nambalin abengna ya dida nangipail-ana si ḵinangatuna. Dida bos naḵatuḻagana si nangittana'tte lintog, intuttuduna ḵan dida ustu we inondae andayaw ḵan siya ya adu bos da inkarina ḵan dida.

1 Corinthians 9:17

Te nu saḵon namili si annae ḵewaaḻḵu, awad de ḵaḻabbongaḵe matangdanan. Yaḵon gapu ta intaḻgod Apudyus ḵan saḵon, ḵooḵ da piona paḵwa taḵon ay nu ippun tangdanḵu.

2 Corinthians 5:19

Sa pionni ibaga, mipagapu'tte ḵingwan Kristu, impaḻ-og Apudyus maḵabuḻbuḻunan da tagu ḵan siya woḵ adinapun ogon ibelang da basuḻda. Intaḻgodna ḵan diḵani mituttuduwan ni sanae damag atte angipaḻ-ogan Apudyus si maḵabuḻbuḻunan da losane tagu ḵan siya.

Galatians 2:7

Inniladae innatod Apudyus ḵan saḵon biyange angiwaḻagawag si Ambaḻu we Damag atta Gentil we isuna bos si nangittana ḵan Peter si biyange angiwaḻagawag atte Ambaḻu we Damag atta Judyu.

1 Timothy 6:20

Ḵan siḵa Timothy, ayyuwanam da intaḻgod Apudyus ḵan siḵa. Adayuwam da ug-uggude daḵampun aḵ mipanggob atte tuttuwae Apudyus ya da misullagi ye tuttudu we ngannonda laing yaḵon niḵawasda'tte ḵatuttuwaan.

Hebrews 5:12

Nabayage namati ḵayu ya labbongyu oḵyane antuttudu'tta udum yaḵon inggana sinsadi ḵasapuḻanyu bos ḵasin angituttudu ḵan diḵayu si ummunae tuttudu mipanggob si Ugud Apudyus. Isuyu da abenge ḵasapuḻan da gatas ya adidapun lamog ḵanon anḵosdoḻ.

1 Peter 4:11

Sa innattan Apudyus aḵ ḵabooḻane angiwaḻagawag, ḵasapuḻane sosomḵonae siya iwaḻagawagna Ugud Apudyus. Sa naittan aḵ ḵabooḻane anserbi'tta buḻunna, ḵasapuḻane anserbi ye usarona pigsae itton Apudyus ḵan siya ta da losane banage ḵoonyu, midaydayaw aḵ Apudyus mipagapu ḵan Jesu Kristu. Siya madaydayaw ḵan maḵabooḻe ampangat aḵ inggainggana. Amen.

Revelation 19:10

Sa nangugudan ni anghel atte sadi, nanalluḵuwaḵe andayaw ḵan siya. Yaḵon ḵanana, “Adipun ḵasapuḻane ḵoom ḵaḵnat! Aḵ Apudyus abuse andayawam! Saḵon ḵad, anserserbiyaḵ ose isum ḵan Apudyus ya da susunudnu ḵan Kristu we sissiyae amati'tta impaigammun Jesus. Te da impaibagan ni Ispiritu Santu atta profeta, naḻpuda si impaigammun Jesus.”

Revelation 22:6

Pun ḵanan ni anghel ḵan saḵon, “Tuttuwa ya mataḻgodan da losane inugudḵu ḵan diḵayu. Te aḵ Apu we Apudyus angidaḻan atte somsomoḵ da profetana. Siya bos nangibuun atte anghelna ta mipaigammu ḵan diḵayu we anserbi ḵan siya da ḵasapuḻane madam-an maḵwa.”