Romans 3:11 - Sa Ugud Apudyus

¹¹ Naippun ossaan aḵ maḵaawat si ḵatuttuwaan ḵan ippun ossaan aḵ maḻyad angigammu ḵan Apudyus.

Romans 3:11 ပူးပေါင်းရင်းမြစ်များ

Matthew 13:19

Da naottag atte daḻan, mipanida'tta tagu we dongngonda mipanggob si ampangatan Apudyus yaḵon adidapun maawatan. Ummoy aḵ Satan ya ḵinaanna'tte somsomoḵda da ugude dingngoḻda.

Romans 1:22

Ḵanandae nalaingda yaḵon nambalinda'ḵ dong-og.

Romans 1:28

Gapu'tte adidapun namigbigan ḵan Apudyus, iwwaḻangna dida ta iturayan da lawwenge somsomoḵda dida ta ḵoonda da baḻangnae daḵampun oḵyan aḵ maḵwa.

Romans 3:10

Te sa ḵanan ni nigili ye Ugud Apudyus, “Naippun tagu'ḵ naun-unan, taḵon ay ossaan.

Romans 3:12

Nan-awidan da losane tagu'ḵ Apudyus ya losanda nambalin aḵ lawweng, ḵad ippun ossaan aḵ angwa si ambaḻu, taḵon ay ossaan.

Romans 8:7

Sa tagu we siya isisimoḵna gagangaye pipion ni long-agna, sumullagi ḵan Apudyus te adinapun tuttuwaon pinion Apudyus. Ḵad sa ḵinatuttuwaan, adinapun lamoge anuttuwa'tte lintogna.

Titus 3:3

Te taḵon ay ditaḵu we namati, nandongdong-og taḵu si awe ḵad aditaḵupun os tummuttuwa. Gattoḵe naallelaw taḵu ḵan nipuyut taḵu'tta daḵampun aḵ ustu ya nambalin taḵu'ḵ musassu'tta nansabasabali ye amaamayon da long-ag taḵu ya da ginangganas taḵu. Losane aḻgaw taḵu lawweng ḵasomsomḵan taḵu'tta buḻun taḵu, an-aḵ-apos taḵu, lalawwengon ditaḵu ya an-sassanga taḵu.

1 John 5:20

Ḵumaḵlu, igammu taḵu we ummali Abeng Apudyus woḵ innatodna ḵan ditaḵu pannakaawat ta igammuwon taḵu tuttuwae Apudyus. Ḵad sinsadi iinggaw taḵu si tuttuwae Apudyus te iinggaw taḵu si Abengna we aḵ Jesu Kristu. Siya tuttuwae Apudyus ya siya maḻpuwan ni biyag aḵ inggana.