Romans 2:6 - Sa Ugud Apudyus

⁶ Te aḵ Apudyus gungunaana tagu sigun atta ḵingwana.

Romans 2:6 ပူးပေါင်းရင်းမြစ်များ

Matthew 16:27

Te sa Abeng Di Tagu, umali ye buḻunna da anghelna ḵad ipailana bos dayaw Amana. Ḵad gungunaana sin-ossae tagu sigun atta ḵingwada.

Romans 14:22

Ngaimane patiyon ni sin-ossaossa mipanggob si anna, ambaḻu nu abusda ḵan Apudyus aḵ angigammu. Pian tagu we adin ni somsomoḵna ḵuwison long-agnae mismu gapu'tte simsimmoḵnae ustu ḵoona.

1 Corinthians 3:8

Naippun nantoḵonan ni angimuḻa ya sa ansilug te an-isu panggobda. Ḵad sa umali ye aḻgaw, gungunaan Apudyus dida sigun atta ḵingwada.

1 Corinthians 4:5

Pun adiyu ḵuwison da asintataguyu'tte daampun timpuna. Uwayonyu ustu we timpu we dumaḵngan Apu ta siya anḵuwis. Te siya angitoḵwaḻ atta losane mitataḻu ya siya bos angipaigammu si panggob da pusuda. Sanat timpu we asin Apudyus padayawan tagu sigun atta ambaḻu we ḵingwana.

2 Corinthians 11:15

Pun nu ḵatti, daḵampun oḵyan aḵ ḵatataag nu da anserbi ḵan siya ipailadae isun di naun-unane sammilun Apudyus. Yaḵon sa ambanaganda si umali ye aḻgaw, laḵ-amonda dusae supapaḵ da lawwenge ḵingwada.

2 Corinthians 5:10

Te ḵasapuḻane losan taḵu sumangu ḵan Kristu we maḵuwis ta sa sin-ossaossa ḵan ditaḵu, awatona gungunae maatod ḵan siya sigun atte ḵingwana si natattaguwana, ambaḻu man baḵon nu lawweng.

2 Timothy 4:14

Aḵ Alexander ḵade ambobosaḻ, adu da ḵingwana ḵan saḵone lawweng yaḵon aḵ Apudyus asi ḵigade anusa ḵan siya'tta ḵingḵingwana.

Revelation 2:23

Gongatoḵ os da angunud ḵan siya. Ḵad siya angigammuwan da losane gimung da namati ḵan saḵone tuttuwae angigammu'tte awad atta somsomoḵ ḵan pusun da tagu. Ḵad gungunaaḵ sin-ossaossa ḵan diḵayu sigun atta ḵingwayu.

Revelation 20:12

Innilaḵ os da natoye nangatu ya nababae summisiḵadda'tte sinagung ni trono. Inninggaw da naḻpu'd Hades we igaw da nanḵaḵatoy ya da nanḵaḵatoy atte baybay. Pun nabuḵyag iblu we nigiliyan da ngadan da awad da biyagda'ḵ inggana. Nabuḵyag os da iblu we nigiliyan da losane ḵingwan da tagu woḵ naḵuwis da sin-ossaossa sigun atta ḵingwadae nigili'tta annae iblu.

Revelation 22:12

Ḵanan Jesus, “Dongngonyu anna. Madam-an umaliyaḵ. Ḵad nu umaliyaḵ, idatongḵu gungunae ittoḵ si sin-ossaossae sigun atta ḵingwana.