Romans 2:4 - Sa Ugud Apudyus

⁴ Adiyu potogon aḵ Apudyus atte ḵananyu we adimpun diḵayu dusaon gapu ta ḵumadagu, naattom ya amod de anusna. Adiyupun ḵamman igammu we ḵinadaguwana diḵayu ta ibabawiyu da basuḻyu ya agayyu we angwa?

Romans 2:4 ပူးပေါင်းရင်းမြစ်များ

Romans 10:12

Te naippun laḵsigon Apudyus taḵon ay Judyu baḵon nu Gentil te aḵ Jesu Kristu abus aḵ Apu taḵu we amindisyun atta losane anḵodaw aḵ ḵadagu ḵan Apu.

Romans 11:22

Sadi angil-an taḵu si ḵinabaḻun Apudyus ḵan andudusana. Yaḵon dallu andudusana'tta nan-awid ḵan siya. Yaḵon amod de ḵinabaḻuna ḵan ditaḵu nu pagapagatupan taḵu da pammati taḵu ya adi taḵu an-awidan ḵinabaḻuna. Te nu an-awidan taḵu, sopaḵona ditaḵu.

Romans 11:33

Naippun miyisuwan ni ḵinabaḵnang, ḵinalaing ya igammun Apudyus! Naippun ḵallamog angipaḵaawat atte inabusna simsimmoḵ! Ḵad ippun os maḵaawat si ḵoona.

Romans 3:25

Indatun Apudyus aḵ Jesu Kristu aḵ matoy ta pumoy-as daḻana'ḵ mapakawanan da basuḻ da amati. Ḵingwana ḵaḵna'ḵ angipail-ana si ummun-unana te sa awe si daan Jesus umaliyan, inan-anusana da tagu we adinapun daguse dinusa dida'tta basuḻda.

Romans 6:1

Tuttuwae amod de ḵinabaḻun Apudyus ḵan ditaḵu. Pun ngai ḵanan taḵu nu? Pagapagatupan taḵu ḵad aine bumasuḻ ta amo madogdog-an ḵinabaḻun Apudyus ḵan ditaḵu?

Romans 6:15

Ngai ḵad ain pion ni sana ḵanan? Nu matagu taḵu gapu'tte ḵinabaḻun Apudyus we daḵampun si anuttuwaan taḵu'tte lintog, pagatupan taḵu ḵad aine bumasuḻ? Adipun maḵwa!

2 Corinthians 8:2

Te da susunud taḵu ḵan Kristu sidi'tte timpu we amod de ampaḵaḻamanda, allaaydae bummadang atta susunud taḵu we anḵasapuḻ te amod de layadda taḵon ay nu ḵapuḵapusda.

Ephesians 1:18

Ḵodawoḵ ose silawan Apudyus da somsomoḵyu ta igammuwonyu namnamaon taḵu gapu si namiliyana ḵan ditaḵu ya maawatanyu ḵaadu ḵan ḵinabaḻun ni bindisyune inkarina'tta tagun Apudyus.

Ephesians 1:7

Te gapu si pummoy-asan ni daḻan Jesu Kristu si natoyana, nasubut taḵu we piona ḵanan napakawan da basuḻ taḵu. Sana nail-an ni ummamdane ḵinabaḻun Apudyus

Ephesians 2:4

Yaḵon ummamdan ḵadagu ḵan ayat Apudyus ḵan ditaḵu.

Ephesians 2:7

Ḵingwan Apudyus da sana ta ipailana'tte losane timpu ummamdane ḵinabaḻuna ya an-anggom ḵan ditaḵu mipagapu ḵan Jesu Kristu.

Ephesians 3:16

Ḵad ḵodawoḵ ḵan siya ta mipagapu'tte ḵabooḻan ni Ispirituna we anna'tta pusuyu, pumigsa oḵyan somsomoḵyu we mibatay si ḵinabaḵnang ni ḵinaapudyusnae ippun miyisuwana,

Ephesians 3:8

Taḵon ay nu saḵon ḵababaan atta losane tagun Apudyus, impailana ḵinabaḻuna si nangittana ḵan saḵon atte gundawaye angipaigammu ḵan diḵayu we Gentil atte ippun miyisuwanae bindisyune awad ḵan Kristu.

Philippians 4:19

Pun aḵ Apudyus we anserbiyaḵ gapu'tte ḵinabaḵnangnae ippun ampatinggaana, siya angatod ḵan diḵayu'tta losane ḵasapuḻanyu mipagapu ḵan Jesu Kristu.

Colossians 2:2

ta masoḻgag oḵyan da somsomoḵyu ya an-os-ossaan ḵayu gapu si an-asiayat ḵayu ta adi ḵayu anduwaduwa yaḵon maawatanyu planun Apudyus we adipun nipaigammu'tte awe ye sa mipanggob ḵan Kristu.

1 Timothy 1:16

Yaḵon sadi gapunae ḵinadaguwanaḵ ta ipailan Jesu Kristu we ippun isun ni anusna ḵan saḵone paate ḵabasbassuḻan. Ḵingwana ḵatti ta ilan da tagu ya amatida bos ḵan siya ya maḵwae awatonda biyag aḵ inggana.

1 Timothy 6:17

Bilinom da babaḵnang sinsadi si annae lubung ta adida ampasindayaw ya adida antaḻgod atta binaḵnangdae sin-aḵitan ya maumas. Yaḵon aḵ Apudyus oḵyan antaḻgodanda te siya angitoitod atta losane ḵasapuḻan taḵu ta gangganason taḵu dida.

1 Peter 3:20

Da sanae ḵalidodwae nibabaḻud, ḵalidodwan da tagu we adipun tummuttuwa gapu si adidapun namatiyan ḵan Apudyus si timpun Noah si awe. Sa nangwaan Noah si bapur, inan-anusan Apudyus we nanguuway si amatiyan da tagu ḵan siya yaḵon adidapun tummuttuwa gapu si adidapun namatiyan, abuse waḻu we tagu da tinagun Apudyus si timpu we nalitapan ni lubung.

2 Peter 1:11

Ḵad allaylayad os aḵ Apudyus we amaḻonoḵ ḵan diḵayu si annanayune ampangatan Jesu Kristu we Apu taḵu ya Anagu ḵan ditaḵu.

2 Peter 3:15

Sosomḵonyu we sa gapunae naanus Apu taḵu, pionae awad wayan da tagu ta taguwona dida. Sadi da insuḻat Paul we ay-ayaton taḵu we sunud taḵu ḵan Kristu ḵan diḵayu sigun si lainge innatod Apudyus ḵan siya.

2 Peter 3:3

Sosomḵonyu anna te gattoḵe ampatog: Nu dumatong anungus ni aḻgaw, tumoḵwaḻ da umang-angyage siya unudonda pipion da long-agda. Ḵad ḵanandae angang-angyag ḵan diḵayu,

2 Peter 3:9

Sa ḵasomsomḵan da udume tagu, itaḻyan Apudyus we angituttuwa'tta inkarina yaḵon daḵampun aḵ tuttuwa. Sa ḵatuttuwaan, anuanusana diḵayu te adinapun pione awad ossaan aḵ madusa yaḵon siya piona ibabawin oḵyan da losane tagu da basuḻda ya agaydae angwa.

Revelation 2:21

Innatodḵu ḵan siya wayanae ambabawi'tta basuḻna ya agaynae angwa yaḵon adinapun agaye miyadaḻug atte daḵampun aḵ asawana.

Revelation 3:20

Dongngonyu, annaaḵe sumisiḵad ya anḵugḵugḵug atta sawang da boḻoyyu. Nu awad angngoḻ atte gingaḵ ya buḵatana lewangan, lumnoḵaḵ ya an-ubung ḵani ye angan.