Romans 2:21 - Sa Ugud Apudyus

²¹ Ḵananyu we nalaing ḵayu we antuttudu'tta udum yaḵon ngaipayu adi tuttuduwan da long-agyu nu? Iwaḻagawagyu we adi ḵayu oḵyan an-aḵaw yaḵon ngaipa ḵayu bos an-aḵaw nu?

Romans 2:21 ပူးပေါင်းရင်းမြစ်များ

Matthew 21:13

woḵ ḵanana ḵan dida, “Nigili'tte Ugud Apudyus we ḵanana, ‘Sa boḻoyḵu ngannonda boḻoye luluwaḻuwan da tagu.’ Yaḵon nambalinonyu'ḵ inggawan da tulisan.”

Luke 11:46

Ḵanan Jesus, “Sa ibagaḵ os ḵan diḵayu we nalainge mimistulun ni lintog, ḵaddagu ḵayu te ipabuḵudyu'tta tagu andagsone mabuḵud yaḵon adiyupun pione bumadang ḵan dida taḵon ay aḵit!

Luke 12:47

“Ibagaḵ ḵan diḵayu ḵatuttuwaan, sa sammilu we igammuna pion ni apuna paḵwa ya adipun ansagana baḵon nu tuttuwaon pionae maḵwa, andagson dusana.

Luke 19:22

Ḵanan ni Ari, ‘Lawwengḵae sammilu! Sa imbagam siya anguwisḵu ḵan siḵa. Iniiggammume sangngaanaḵ ya aḻaḵ daḵampun aḵ nallingtaḵ ya apitoḵ os daḵampun aḵ immuḻaḵ.

Luke 4:23

Ḵanan Jesus ḵan dida, “Iniiggammuḵe ibagayu ḵan saḵon ḵaḵnae uuggudone ḵananyu, ‘An-aagas, agasam yane umuna long-agnu.’ Sa pionyu ḵanan, ‘Ḵoom sina'tte ilim da dingngoḻni ye ḵingwam ad Capernaum!’ ”

1 Corinthians 9:27

Disiplinaoḵ long-agḵu ta adiḵ unudon da lawwenge piona ta magangput ḵade iwaḻagawagḵu'tta udum, adiyaḵpun maḵaan.

Galatians 6:13

Te taḵon ay didae nasogyatan, adidapun tuttuwaon da lintog Moses yaḵon piondae ampasogyat ḵayu ta awad isḵaḻdae nampasogyat ḵayu'tte gapu ḵan dida.