Romans 2:20 - Sa Ugud Apudyus

²⁰ Ḵad ḵananyu bose diḵayu ḵallabbong anuttudu'tta dong-og ḵan anuttudu'tta inaabbeng da somsomoḵda gapu'tte lintoge annat ḵan diḵayu we angigammuwanyu si ustu ḵan ḵatuttuwaan.

Romans 2:20 ပူးပေါင်းရင်းမြစ်များ

Matthew 11:25

Sa sadi ye timpu, ḵanan Jesus we nalluwaḻu, “Ama, ipangatam da losan sina'd luta ya ad langit. Anggappiyaaḵ ḵan siḵa te adimpun impaigammu ḵatuttuwaan atta nalalaing ḵan naadaḻane tagu, siya nangipaigammuwam da napakumbaba ya da antaḻgode isudan abeng.

Romans 2:19

Ḵad nu aaddi ye diḵayu angidaḻan atta naḵuḻape ippun igammuda si mipanggob ḵan Apudyus, diḵayu silawe allangḻang atta awad atte pongot.

Romans 3:31

Ḵad idiyan taḵu ḵad ain lintog gapu si annae pammati? Naid! Yaḵon ipaila taḵu we tuttuwa pion ni lintog ḵanan.

Romans 6:17

Yaḵon anggappiyaaḵ ḵan Apudyus te taḵon ay nu musassun ni basuḻ diḵayu'tte awe, sinsana tuttuwae insisimoḵyu tuttuwaon ḵatuttuwaane nituttudu ḵan diḵayu.

1 Corinthians 3:1

Yaḵon susunudḵu ḵan Kristu, adiyaḵpun antuttudu ḵan diḵayu we isun da naangsan pammatidae iturayan ni Ispiritu Santu yaḵon antuttuduwaḵ atta tagu'tte lubunge isun da utting atte pammati ḵan Kristu.

2 Timothy 1:13

Nu antuttuduḵa, ilam ta uunnudom ḵatuttuwaane intuttuduḵ ḵan siḵa ya gogomgomam pammatim ḵan ayate innatod Jesu Kristu ḵan ditaḵu we niyossaan ḵan siya.

2 Timothy 3:5

Agindadayawda ḵan Apudyus yaḵon adidapun bigbigon ḵabooḻanae amaliw atta lawwenge ugalida. Adayuwam da tagu we ḵassadi.

Titus 1:16

Ibagadae igammuda'ḵ Apudyus yaḵon da ḵoḵoḵḵonda, ipailadae adidapun igammu. Sasangngaan da udum dida, adidapun pulus tuttuwaon gapu si adidapun amatiyan ḵan Apudyus ya ippun paat labbongdae angwa'ḵ ambaḻu.

Hebrews 5:13

Te ngaimane sissiyae iḵataguna gatase sa ummunae tuttudu si Ugud Apudyus, adinapun igammu da tuttudu mipanggob si angunudan si naun-unane antatagu.

James 3:1

Susunudḵu ḵan Kristu, ambaḻu nu aḵit oḵyan ḵan diḵayu da ambalin aḵ angituttudu si Ugud Apudyus te igammuyu we nadagdagson maḵuwisan taḵu we angituttudu nu da udum.

1 Peter 2:2

Isun da uttinge pasig mauuwaw atte susu, pasig ḵayu oḵyan mauuwaw atte naispirituwane gatase sa Ugud Apudyus ta pumigsa ḵayu si pammati inggana'ḵ mituttuwa mataguwanyu.