Romans 2:13 - Sa Ugud Apudyus

¹³ Te sa tagu adipun maun-unan atte antotollong Apudyus gapu'tte andongoḻana'tte lintog yaḵon sa anuttuwaana.

Romans 2:13 ပူးပေါင်းရင်းမြစ်များ

Luke 18:14

Pun ḵanan Jesus we nangiyanungus, “Annaya ibagaḵ ḵan diḵayu, ummoyonda ḵad, sa andadagup atta bugis imbelang Apudyus aḵ ippun basuḻna te pinakawanna. Yaḵon sa Pharisee, adimpun Apudyus pinakawan. Te ngaimane angipangatu si long-agna, mipababa. Ḵad ngaimane angipakumbaba si long-agna, mipangatu.”

Luke 8:21

Yaḵon ḵanan Jesus, “Da mibelang aḵ inaḵ ya sunudḵu, da andongoḻ ḵan anuttuwa si Ugud Apudyus.”

John 13:17

Nu igammuyu da anna, pian ḵayu nu ḵoonyu dida.

Acts 13:39

Mipagapu ḵan siya, ngaimane amati maun-unan ya mapuḵayan atta dusan da losane basuḻe adimpun ni lintog Moses lamog puḵayan.

Romans 10:5

Awad de inggilin Moses mipanggob si maun-unan ni tagu si sinagung Apudyus gapu si anuttuwaanda'tte lintog. Ḵanana, “Ngaimane anuttuwa'tta losane bilin ni lintog matagu gapu'tte sadi ye lintog.”

Romans 2:25

Ditaḵu we Judyu, ampatog nasogyatan taḵu ta mipailae ditaḵu tagun Apudyus. Yaḵon nu adi taḵu tuttuwaon lintogna ya lisalison taḵu, naippun anun ni nasogyatan taḵu ḵad isu taḵu da adipun nasogyatan.

Romans 3:20

Te naippun tagu'ḵ naun-unan atte antotollong Apudyus gapu'tte anuttuwaana'tte lintog te sa usar ni lintog ipaigammunae naḵabasuḻ losan da tagu.

Romans 3:23

Te losan taḵu naḵabasuḻ ḵad adayu taḵu si ḵinabaḻun Apudyus.

Romans 3:30

Ossaan Apudyus da Judyu ḵan Gentil ya abus mipagapu'tta pammatida ḵan Jesu Kristu aḵ maun-unanda.

1 Corinthians 4:4

Ampoḻḵas somsomoḵḵu yaḵon daḵampun aḵ piona ugudone ippun pulus basuḻḵu. Te aḵ Apudyus abus aḵ angigammu ḵad siya abus aḵ anguwis ḵan saḵon.

Galatians 2:16

Yaḵon iniiggammu taḵu we sa antotollong Apudyus, daḵampun aḵ siya angwa si maun-unan ni tagu anuttuwaana'tte lintog te sa pammatina ḵan Jesu Kristu sanat angwa si maun-unana. Siya gapunae taḵon ay ditaḵu we Judyu, namati taḵu ḵan Jesu Kristu ta aḵ Apudyus angwa ḵan ditaḵu'ḵ maun-unan gapu si pammati taḵu we daḵampun si anuttuwaan taḵu si lintog. Te ippun pulus naun-unan si antotollong Apudyus gapu si anuttuwaana si lintog.

Galatians 5:4

Pun diḵayu we amappadas anuttuwa'tte lintog ta maun-unan ḵayu, naabuse nisina ḵayu ḵan Kristu ḵad nan-awidanyu ḵinabaḻun Apudyus.

James 1:27

Te sa gattoḵ ḵan ippun ḵadellawanae angapudyus si antotollong Apudyus we Ama, bumadang atta ulila ḵan da baḻu atta ampaḵaḻamanda. Ḵad ḵasapuḻane adipun maalisan atta ugalin da tagu we adipun namati.

1 John 2:29

Igammuyu we naun-unan aḵ Apudyus pun maawatanyu oḵyan ose da angwa'tta naun-unan, ambalinda'ḵ abeng Apudyus.

1 John 3:7

Aabengḵu, ummanyu ta adi ḵayu paallelaw. Ngaimane amagapagatupe angwa'tta maun-unan, sanat tagu we naun-unane isun Kristu.