Romans 16:5 - Sa Ugud Apudyus

⁵ Pakumustaonyu bos da namati ye magimugimung si boḻoydae andayaw ḵan Apudyus. Pakumustaonyu'ḵ Epaenetus we ay-ayatoḵe siya ḵaunaane namati ḵan Kristu atte probinsiya'd Asia.

Romans 16:5 ပူးပေါင်းရင်းမြစ်များ

Matthew 18:20

Te taḵon ay abuse duwa baḵon nu ad-adu da madagup gapu'tte pammatida ḵan saḵon, annaaḵ ḵan dida.”

Acts 16:6

Pun ummoy da Paul atte probinsiya'd Phrygia ya sa probinsiya'd Galatia te adimpun ni Ispiritu Santu iyyunud didae umoy angiwaḻagawag atte Ugud Apudyus si probinsiya'd Asia.

Acts 18:12

Yaḵon nangobernor ḵad aḵ Gallio si probinsiya'd Achaia, nan-uunudan da Judyu we adipun namati ye iduḵḵusda doḵmaan aḵ Paul ya inniyoyda'tte dadaḻḻuman.

Acts 18:27

Pion ḵad Apollos we dumoḻmang si baybaye umoy atte probinsiya'd Achaia, sinoḻgag da susunud ḵan Kristu ad Ephesus woḵ nanuḻatda'tta susunud ḵan Kristu ad Achaia ta mangiliyonda. Dummatong ḵad, adu da binadanganae namati mipagapu'tte ḵinabaḻun Apudyus.

Acts 2:9

Awad da udum ḵan ditaḵu we naḻpu'tta saḵubna'd Parthia, Media, Elam, Mesopotamia, Judea, Cappadocia, Pontus, Asia,

Romans 11:16

Mipani da Judyu atte tinapay. Te igammu taḵu we nu midatun ummunae partin ni tinapay ḵan Apudyus, da udum ose partin ni tinapay nibelang aḵ ḵuwan Apudyus. Mipani bos atte ḵayu te nu ḵuwan Apudyus lamutna, ḵuwana bos da pangana.

Romans 15:26

Te da tagun Apudyus si probinsiya'd Macedonia ya Achaia, sillalaylayaddae nangitod aḵ badangda'tta ḵapuse tagun Apudyus ad Jerusalem.

Romans 16:12

Pakumustaonyu da Tryphaena ḵan Tryphosa we anserbi ḵan Apu Jesus, isuna bos ḵan Persis we ay-ayatoḵe pummangog nanserbi ḵan Apu.

Romans 16:4

Impustada da biyagda para ḵan saḵon ḵad daḵampun aḵ abusaḵ aḵ anggappiya ḵan dida yaḵon da losane gimung da namati ye Gentil.

Romans 16:6

Ḵad idogayu'ḵ Mary ye pummangoge nanḵewaaḻ para ḵan diḵayu.

Romans 16:8

Pakumustaonyu'ḵ Ampliatus we ay-ayatoḵ gapu ḵan Apu.

1 Corinthians 16:15

Susunudḵu ḵan Kristu, igammuyu mipanggob ḵan da Stephanas we simbaḻyan. Dida da ummunae namati ḵan Apudyus ad Achaia. Impapatidae nanserbi'tta losane tagun Apudyus.

1 Corinthians 16:19

Losan da gimung da namati'tta ḵinailin di ili si probinsiya'd Asia, losanda pakumustaon diḵayu sinat. Ḵad taḵon ay os da Aquila ḵan Priscilla we an-asawa ya da namati ye magimugimung si boḻoyda, sipupusuda bose ampakumusta ḵan diḵayu we susunudni ḵan Apu.

2 Corinthians 1:1

Susunudḵu ḵan Kristu, saḵon aḵ Paul we apostol Jesu Kristu we nibatay si pinion Apudyus ya sa buḻunḵu sina aḵ Timothy ye sunud taḵu ḵan Kristu. Ḵad annaya suḻatḵu ḵan diḵayu'tta magimugimunge namati ḵan Apudyus ad Corinth ya da losane tagun Apudyus atte intero we probinsiya'd Achaia.

2 Corinthians 9:2

Te igammuḵe allaay ḵayu we bumadang woḵ siya iyyisḵaḻḵu mipanggob ḵan diḵayu'tta gimung da namati'd Macedonia. Imbagaḵe naḵasagana ḵayu sinat ad Achaia we bumadang inggan ni ḵesane tawon. Ḵad gapu'tte sadi ye imbagaḵ, nasoḻgag da ḵaaduwan ḵan didae bumadang.

Colossians 4:15

Pakumustaonyu da susunud taḵu ḵan Kristu ad Laodicea ya aḵ Nympha ya sa gimung da namati ye dam-on madagudagup atte boḻoyna.

Philemon 1:2

Ipaoyni bos atta namati ye magimugimung si boḻoyyu, isun da Apphia we bubai ye buḻunni ya aḵ Archippus we angitaḵdoḻ atte Ambaḻu we Damag atta sumullagi.

James 1:18

Mismu we piniona nambalinon ditaḵu'ḵ abengna gapu si ugude ḵatuttuwaan ta ditaḵu ḵapatogan atta losane ḵingwana.

3 John 1:1

Patpatgoḵe Gaius, Saḵon aḵ John we osa'tta angipangpangu'tta namati. Annaya suḻatḵu ḵan siḵae buḻbuḻunḵu. Sipupusu ayatḵu ḵan siḵa. Ilulluwaḻuḵe ambaḻu biyagnu ya ampigsa bos long-agnu we isuna pigsan ni pammatim.

Revelation 14:4

Dida bos da adipun naḵabasuḻ mipanggob atta bubai te pasigda ampoḻḵas. Siya inunudda Ubbu we Karnero taḵon ay dinu ayana. Dida da nasubut ta misinada'tta udume tagu ta midatunda ḵan Apudyus ya sa Ubbu we Karnero we isun di umunae maapit ya midatun ḵan Apudyus.