Romans 16:17 - Sa Ugud Apudyus

¹⁷ Susunudḵu ḵan Kristu, ḵodawoḵe ummanyu'tta tagu we anadail si nan-os-ossaananyu ya angulu'tta pammatiyu. Te sullagiyonda ḵatuttuwaane nituttudu ḵan diḵayu si awe ḵad maḵḵon ituttududa. Ḵasapuḻane umadayu ḵayu ḵan dida.

Romans 16:17 ပူးပေါင်းရင်းမြစ်များ

Matthew 18:17

Nu sissiyae adinapun dongngon da ibagada, ipaigammum atta namati ye magimugimung. Ḵad nu adinapun pagay os dongngon ibagan da namati ye magimugimung, ibelangnu'ḵ adinapun igammu'ḵ Apudyus baḵon nu sa osae andadagup atta bugis.”

Matthew 18:7

Ḵaddagu da tagu si annae lubunge ippun adi nansabasabali ye sulisuge maḵabasuḻanda. Gagangaye dumatong sulisug atta namati yaḵon ḵaddagu tagu we gapun da sanae maḵabasuḻan.

Matthew 7:15

Ḵanan os Jesus we nangipani, “Ummanyu'tta sinan profeta we dumatong ḵan diḵayu. Te sa ḵatollonganda an-ammaydae isun di karnero yaḵon sa ḵatuttuwaan, isudan tanane asu we ḵuman.

Luke 17:1

Ḵanan Jesus atta disipuluna, “Gagangaye dumatong sulisug atta namati yaḵon ḵaddagu tagu we gapun da sanae maḵabasuḻan.

Acts 15:24

Dingngoḻni ye annat da udume grupuni ye ummoy sinat nantuttudu ḵan diḵayu ḵad da intuttududa nasaliduduwan da somsomoḵyu. Yaḵon ippun innatodni ḵan dida'ḵ ḵaḻabbongane angwa'tte ḵatti.

1 Corinthians 11:18

Umunae gapuna, dingngoḻḵu we nu magimung ḵayu we andayaw ḵan Apudyus, andaddasig ḵayu. Ḵad isun ay di an-agagaḵ os amati ye tuttuwa.

1 Corinthians 3:3

te somsomoḵ da tagu si annae lubung da somsomoḵyu. Nu sissiyae awad de apos ya susubog ḵan diḵayu, daḵampun ḵamman aḵ siya angipailae unudonyu da pipion da long-agyu ya da ugalin da tagu si annae lubung?

Galatians 2:4

Ummoy ḵani sidi gapu'tta allolloḵḵone namatida ḵan Kristu, da sanae tagu nidogada ḵan diḵani ta ansiputda ta igammuwonda nawayawayaanni gapu'tte niyossaananni ḵan Jesu Kristu. Piondae ambalin ḵani'ḵ musassu.

Philippians 3:17

Susunudḵu ḵan Kristu, an-os-ossaan ḵayu oḵyane angunud ḵan saḵon. Ilanyu oḵyan os da angunud si nantataguni ye impailani ḵan diḵayu ta dida da unudonyu, daḵampun atta udum.

Colossians 2:8

Ilanyu ta adi ḵayu maallelawe angunud si daḵampun aḵ tuttuwae tuttudu we naippun anuna te da sanae tuttudu we maḵaallelaw atta tagu, daḵampun ḵan Kristu naḻpuwana yaḵon da ug-ugalin da tagu si awe ya da bilin sina'd luta.

2 Thessalonians 3:6

Sinsadi susunudni ḵan Kristu bilinonni diḵayu'tte ngadan Apu Jesu Kristu we adiyu buḻbuḻunon da namati ye baduuḻe anḵewaaḻ ya da adipun tumuttuwa'tta inawatyu we tuttudu ḵan diḵani.

1 Timothy 1:3

Timothy, adim maliwatan imbagaḵ ḵan siḵa si ayonaḵ ad Macedonia. Ḵodawoḵ ḵan siḵae inggawḵa'd Ephesus ta bilinom da udume tagu sinat ta agaydae angituttudu si tinutuli ye tuttudu.

2 Timothy 3:5

Agindadayawda ḵan Apudyus yaḵon adidapun bigbigon ḵabooḻanae amaliw atta lawwenge ugalida. Adayuwam da tagu we ḵassadi.

Titus 3:10

Nu awad tagu'ḵ angituttudu si tinutuli ye angisina'tta namati, bagbagaam ta iginoḵna. Nu amigwae bagbagaam ya adinapun paat tuttuwaon, adim os paat buḻbuḻunon,

1 John 2:19

Da annae sumusullagi ḵan Jesu Kristu, buḻun taḵu dida'tte ḵesane aḻgaw yaḵon daḵampun aḵ tuttuwae buḻun taḵu dida si pammati, siya gapun ni summinaanda ḵan ditaḵu. Te nu tuttuwae buḻun taḵu dida, sissiyae awadda oḵyan ḵan ditaḵu. Yaḵon summinada ḵan ditaḵu ta mipailae daḵampun aḵ tuttuwae buḻun taḵu dida.

Jude 1:19

Dida da gapun ni magoggogwaanyu, siya ḵoonda da gagangaye pipion ni long-agda te naippun ḵan dida Ispiritu Santu.