Romans 15:24 - Sa Ugud Apudyus

²⁴ namnamaoḵe ilaḵ diḵayu nu ansadangaḵe umoy ad Spain ta ampabadangaḵ ḵan diḵayu we umoy sidi nu maabus sin-aḵitane maḵabuḻbuḻunaḵ ḵan diḵayu.

Romans 15:24 ပူးပေါင်းရင်းမြစ်များ

Acts 15:3

Pun pinaḻung-ud da namati ye magimugimung dida woḵ sa nangoyanda'tta probinsiya'd Phoenicia ya ad Samaria, imbagada'tta namati ye magimugimung sidi inon da Gentil we namati ḵan Jesus. Pun amod de layad da losane susunud ḵan Kristu sidi.

Acts 19:21

Nagangput ḵad sanae naḵwa, simsimmoḵ Paul we angoy si probinsiya'd Macedonia ḵan Achaia ya asiyot umoy ad Jerusalem. Ḵanana, “Nu magangputaḵ umoy sidi, ḵasapuḻane iyyaḵ os ad Rome.”

Acts 21:5

Yaḵon naḻaḵpus ḵad aḻgawe inninggawanni sidi, nallibbat ḵani ta pagatupanni baatni. Pun losan da ḵabaḻyan da namati intuḻud diḵani inggana'ḵ niduum ḵani si lasin ni siyudad. Pun losan ḵani nanalluḵu'tte taḻantag woḵ nalluwaḻu ḵani.

Romans 1:12

Sa pioḵ ibaga, an-asisoḻgag taḵu si pammati ta pumigsa pammatiḵ mipagapu'tta pammatiyu ya pumigsa bos pammatiyu gapu si pammatiḵ.

Romans 15:28

Ḵad nu gangputoḵ itton da annae nadagup, iyyaḵ ad Spain ya ansadangaḵ sinat.

3 John 1:6

Sa inninggawanda sina, pinanoḵnoḵanda'tta namati ye magimugimung da ambaḻu we nan-aayatnu ḵan dida. Nu awad isun da sana'ḵ ansadang sinat, pagatupam ḵappose bumadang ḵan dida ya ittom ḵasapuḻan da si daḻan te siya mibagaye mas-oman Apudyus.