Romans 15:18 - Sa Ugud Apudyus

¹⁸ Te naippun udum aḵ ugudoḵ yaḵon abus da ḵingwan Kristu mipagapu ḵan saḵon aḵ angawis atta Gentil ta tumuttuwada gapu si amatiyanda ḵan Apudyus. Te namatida gapu'tte nantuttuduwaḵ ya da ḵingwaḵ,

Romans 15:18 ပူးပေါင်းရင်းမြစ်များ

Matthew 25:16

“Ḵingwan ḵad ni naittan aḵ limallibu we palata, innigusunae dagus woḵ naḵagalansiya bos aḵ limallibu we palata.

Mark 16:20

Pun ummoy da disipuluna iwwaḻagawag Ambaḻu we Damag atta losane ili woḵ binadangan Apu dida. Pune sadi, pinanoḵnoḵana ḵinatuttuwaan ni tuttududa'tta nakaskasdaawe sinyale impaḵwana ḵan dida.

Acts 14:27

Dummatongda ḵad ad Antioch, nandaḵdaḵngonda da losane namati woḵ imbagada da losane ḵingwan Apudyus ḵan dida ya sa inonae nangitod si gundaway da Gentil ta amatida.

Acts 15:12

Pun gummiginnoḵ da losane naamung woḵ nandodongngoḻda'tta imbagan da Barnabas ḵan Paul mipanggob atta sinyal ḵan nakaskasdaawe ḵingwan Apudyus atta Gentil mipagapu ḵan dida.

Acts 15:4

Dummatongda ḵad ad Jerusalem, minangilin da namati ye magimugimung dida, da apostol ya da angipangpangu. Pun imbagan da Paul da losane ḵingwan Apudyus ḵan dida.

Acts 21:19

Naabus ḵade pinakumustan Paul dida, inug-uggudna da losane ḵingwan Apudyus atta Gentil mipagapu si ḵewaaḻna.

Acts 26:20

Te ummunae iwwaḻagawagḵu'tta tagu'd Damascus inggana'd Jerusalem ya da losane ili'tte probinsiya'd Judea ya da Gentil ta ibabawida oḵyan da basuḻda ya ansinagungda ḵan Apudyus ḵad ḵoonda ambaḻu we mibagay si nambabawiyanda.

Romans 1:5

Mipagapu ḵan Jesu Kristu, impailan Apudyus ḵinabaḻuna ḵan saḵon woḵ nambalinaḵ aḵ apostol ta awisoḵ da tagu'tta losane ili ta tumuttuwada gapu si amatiyanda ḵan Jesus.

Romans 16:26

Yaḵon sinsana, annae nipaigammu ya mipagapu'tta inggilin da profetan Apudyus nipaigammu'tta losane tagu we mibatay atte bilin Apudyus aḵ inggana ta tumuttuwada gapu si amatiyanda ḵan siya.

Romans 6:17

Yaḵon anggappiyaaḵ ḵan Apudyus te taḵon ay nu musassun ni basuḻ diḵayu'tte awe, sinsana tuttuwae insisimoḵyu tuttuwaon ḵatuttuwaane nituttudu ḵan diḵayu.

2 Corinthians 11:31

Aḵ Apudyus we Aman Apu Jesus we madaydayaw aḵ inggana, igammunae adiyaḵpun antultulli.

2 Corinthians 12:6

Yaḵon nu pioḵe angiyisḵaḻ si long-agḵu, daḵanaḵpun aḵ nadongdong-ogan te ḵatuttuwaan da ibagaḵ. Yaḵon adiḵpun iyisḵaḻ da nipaila ḵan saḵon ta adin da tagu ḵanane nangatuwaḵ gapu'tta innilaḵ. Te pioḵe sa ḵasomsomḵanda ḵan saḵon mibatay atta ḵingwaḵ ḵan imbagaḵe intotollongda ya dingngoḻdae mismu.

2 Corinthians 3:5

Daḵampun aḵ ḵananni ye naḻpu ḵan diḵani ḵabooḻanni ye angwa'tta annae ḵoonni yaḵon naḻpuda losan ḵan Apudyus,

2 Corinthians 6:1

Pun diḵani ye maḵaḵewaaḻ ḵan Apudyus, ḵodawonni ḵan diḵayu ta sa ḵinabaḻun Apudyus we inawatyu, awad oḵyan ustu'ḵ ambanagana si antataguyu.

Galatians 2:8

Naawatandae aḵ Apudyus nangitod si ḵabooḻan ḵan Peter we anserbi ye an-apostol atta Judyu, siya bos nangitod ḵan saḵon si ḵabooḻane anserbi ye an-apostol atta Gentil.

Colossians 3:17

Ngaimane ḵoonyu ḵan ugudonyu, ḵoonyu mipagapu si ngadan Apu Jesus ḵad anggappiya ḵayu ḵan Apudyus we Ama mipagapu ḵan siya.

2 Thessalonians 2:17

dida oḵyan patilayune alliwliwa'tta somsomoḵyu ya badanganda diḵayu ta pasige ambaḻu da ḵoonyu ḵan ibagayu.

Hebrews 11:8

Gapu si pammatin Abraham, tinuttuwana'ḵ Apudyus si nangayagana ḵan siyae umoy si ili ye inkarin Apudyus ḵan siyae tawidona. Tinenana mismu we ilina taḵon ay nu adinapun igammu nu dinu ayana.

Hebrews 5:9

Ḵingwana ḵad da losane ḵasapuḻane ḵoona, nambaline siya anagu'tta losane tagu we anuttuwa ḵan siya'tte angittana ḵan dida si biyag aḵ inggana.

James 1:22

Ḵasapuḻane tuttuwaonyu ibagan ni Ugud Apudyus ya adiyu dongngone abus. Te nu abus dongngonyu ya adiyupun ḵoon, allelawonyu da long-agyu.

1 John 3:18

Diḵayu we abengḵu, sa inon taḵu we angayat atta asintatagu taḵu, daḵampun oḵyan aḵ abuse ugud yaḵon maḻpu oḵyan atta pusu taḵu ḵad mipaila oḵyan atta gunay taḵu.

Jude 1:9

Taḵon ay pangat da anghel we aḵ Michael, adipun nan-ugud aḵ lawweng ta ḵuwisona'ḵ Satan atte nansongbatanda ḵan Satan mipanggob atte ngai ḵaḻabbonganae angaḻa si ladag Moses. Abuse ḵanana, “Aḵ Apudyus asi anuppaḵ ḵan siḵa.”