Romans 15:14 - Sa Ugud Apudyus

¹⁴ Susunudḵu ḵan Kristu, mat-opaḵ si mipanggob ḵan diḵayu te ambabaḻu ḵayu, adu da igammuyu ya lamogyu an-asituttudu.

Romans 15:14 ပူးပေါင်းရင်းမြစ်များ

1 Corinthians 1:5

Te sa niyossaananyu ḵan Jesu Kristu, naatod ḵan diḵayu da ampapatoge bindisyune midoga ḵabooḻanyu we an-ugud ya da losane igammuyu.

1 Corinthians 12:8

Sa osae namati, ittan ni Ispiritu Santu aḵ lainge angipaigammu si Ugud Apudyus. Ḵad sa osa, ittana'ḵ ḵabooḻane maḵaawat mipanggob ḵan Apudyus.

1 Corinthians 13:2

Ḵad taḵon ay nu awad ḵabooḻaḵe angibaga'tte ipaigammun Apudyus baḵon nu awad ḵabooḻaḵe maawatan da losane ḵinatuttuwaane nilimod ḵan taḵon ay nu igammuḵ da losane maḵwae maigammu ya taḵon ay nu ampigsa pammatiḵe lamogḵu an-atunon beleg yaḵon nu naippun ayatḵu'tta asintataguḵ, naippun anuḵ.

1 Corinthians 8:1

Annaya bos ibagaḵ ḵan diḵayu si mipanggob atte anganan atte maḵane midatun atta sinan-apudyus. Tuttuwa anna ya igammu taḵu losan. Yaḵon umman taḵu te allasu we sumoḵaḻ taḵu gapu'tte anna igammu taḵu. Yaḵon nu an-asiayat taḵu, sanat pumigsaan da pammati taḵu.

1 Corinthians 8:10

Te nu ilan ni osae anḵuya somsomoḵnae siḵae anna igammunae anganḵa'd daḻom si templon da sinan-apudyus, daḵampun ḵamman aḵ siya masoḻgaganae maḵaḵan taḵon ay nu igammunae nidatun atta sinan-apudyus?

1 Corinthians 8:7

Yaḵon daḵampun aḵ losan da tagu igammu annae ḵatuttuwaan. Te niyugali ḵan didae andaydayawda'tta sinan-apudyus ḵad nu ḵanonda ḵatti ye maḵane midatun atta sinan-apudyus, simsimmoḵdae midogada andayaw atta sinan-apudyus. Gapu ta anḵuya somsomoḵda, lawweng giḵnada te simsimmoḵdae lawweng ḵingwada.

2 Corinthians 8:7

Gapu'tte nangitutuḻ-ayanyu'tte pammatiyu, ampalawaganyu, ḵinalaingyu, angipapuutanyu angwaan atta ambaḻu ya sa angayatanyu ḵan diḵani, namnamaonni bose ituḻ-ayyu badangyu'tta buḻunyu gapu'tte ḵinabaḻuyu.

Ephesians 5:9

Te nu nasilawan somsomoḵ ni tagu, bumaḻu ugalina ya naun-unan ḵan tuttuwa.

Philippians 1:11

Gapu ḵan Jesu Kristu, adu da naun-unane banage ḵoonyu. Te nu ḵatti, dayawon da tagu'ḵ Apudyus ya bigbigonda ḵinabaḻuna.

Philippians 1:7

Ḵad ambaḻu bos nu ḵatti sosomkoḵ atte mipanggob ḵan diḵayu te ummamdan ayatḵu ḵan diḵayu. Ḵad nidoga ḵayu ḵan saḵone nangipadas si ḵinabaḻun Apudyus si inninggawaḵ atte babaḻḻudan ya siya bos naḵwa si dam-oḵ namanoḵnoḵan ya tinaḵdoḻaḵe tuttuwa Ambaḻu we Damag mipanggob ḵan Kristu.

Colossians 3:16

Ḵad pasigyu oḵyan isisimoḵ mipanggob atta tuttudun Kristu. An-asituttudu ya an-asibagbaga ḵayu we usaronyu da losane ḵinalainge innatodna. Ḵantaonyu da ḵantae naḻpu'tta de Psalm, sa udume nigili'tte Ugud Apudyus ya da udume ḵantan da namati ye andayaw ḵan Apudyus ḵad pasig oḵyane anggappiya ḵayu ḵan Apudyus atta somsomoḵyu.

1 Thessalonians 5:11

Pun an-asisoḻgag ḵayu oḵyan ya an-asipapigsa ḵayu'tte pammati ye isun ni annate ḵoonyu.

1 Thessalonians 5:14

Bilibilinonni bos diḵayu susunudḵu ḵan Kristu ta bagbagaanyu da baduuḻ, soḻgagonyu da allasu we madismaya, badanganyu da anḵuya pammatida ya anusanyu dida losan.

2 Thessalonians 1:11

Pun patilayune iluwaḻuwanni diḵayu ta ambalinon Apudyus diḵayu'ḵ tagu we mibagay si namiliyana ḵan diḵayu. Ituttuwana oḵyan pos da losane ambaḻu we panggobyu ya da losane ḵingwayu ya da pammatiyu gapu'tte ḵabooḻana.

2 Timothy 1:5

Adiḵpun os maliwatan gattoḵe pammatim, isun ni pammatin Lois we apum ya aḵ Eunice we inam ḵad aaddi ye siya annat ḵan siḵa sinsadi.

Philemon 1:21

Insuḻatḵu da anna te namnamaoḵe tuttuwaom da ḵodawoḵ, ḵad igammuḵe ad-adu da ḵoome nabaḻu nu da annae ḵodawoḵ.

Hebrews 5:12

Nabayage namati ḵayu ya labbongyu oḵyane antuttudu'tta udum yaḵon inggana sinsadi ḵasapuḻanyu bos ḵasin angituttudu ḵan diḵayu si ummunae tuttudu mipanggob si Ugud Apudyus. Isuyu da abenge ḵasapuḻan da gatas ya adidapun lamog ḵanon anḵosdoḻ.

Hebrews 6:9

Taḵon ay nu ḵaḵna nan-uugudni ay-ayatonni ye buḻbuḻun, antaḻgod ḵani ḵan diḵayu. Te igammuni ye ambaḻu ḵasasaadyu we annamnama si mataguwanyu.

2 Peter 1:12

Pun siya gapunae ipapatiḵe angipaspasmoḵ ḵan diḵayu ta isisimoḵyu losan da sana taḵon ay inigammuyu dida ya ipapatiyu we angunud si ḵatuttuwaane nituttudu ḵan diḵayu.

1 John 2:21

Sa gapun ni annae insuḻatḵu ḵan diḵayu, daḵampun atte adiyu nangigammuwan si ḵatuttuwaan yaḵon gapu ta iniiggammuyu, inigammuyu bose naippun paat tuli'ḵ maḻpu si tuttuwae mituttudu.