Romans 14:9 - Sa Ugud Apudyus

⁹ Te natoy ya ummuli'ḵ Jesu Kristu ta siya an-Apun da matattagu ya da natoy.

Romans 14:9 ပူးပေါင်းရင်းမြစ်များ

Matthew 28:18

Pune sadi, ummadani'ḵ Jesus ḵan dida woḵ ḵanana, “Losane ḵaḻabbongan ad langit ya sina'd luta naatod ḵan saḵon.

Luke 24:26

Maawatanyu oḵyane ḵasapuḻane sa Kristu umunae ampaḵaḻam ya asiyot midayaw.”

John 12:24

Ibagaḵ ḵan diḵayu ḵatuttuwaan, sa ossaane buḵoḻ nu adi maottag si luta ya matoy, umoossaan. Yaḵon nu matoy, amunga'ḵ adu.

Acts 10:36

Igammuyu Ambaḻu we Damag we impaigammun Apudyus ḵan diḵani ye ganaḵ Israel. Impaigammun ni Ambaḻu we Damag ḵan ditaḵu inon ni allin-awae maḵabuḻbuḻunan taḵu ḵan Apudyus mipagapu ḵan Jesu Kristu we Apun da losane tagu.

Acts 10:42

Binilinna diḵani ye iwaḻagawagni Ambaḻu we Damag mipanggob ḵan siya ya taḵdoḻanni ye siya dinutuḵan Apudyus aḵ anguwis atta matattagu ya da natoy.

Romans 10:9

Te nu ibabaggayu we aḵ Jesus an-Apuyu ya patiyonyu'tta pusuyu we siya tinagun Apudyus, matagu ḵayu.

2 Corinthians 5:14

Te sa ayat Kristu angituray ḵan diḵani ye angwa'tta losane ḵoonni. Te igammuni ye sa os-ossaane tagu we aḵ Kristu, natoy para'tta losane tagu ḵad mibelange naḵaḵatoy da losane tagu ḵan siya.

1 Thessalonians 4:14

Te nu amati taḵu we natoy aḵ Jesus woḵ ummuli, amati taḵu bose ibuḻun Apudyus ḵan Jesus da namati ye natoy.

1 Thessalonians 5:10

we siya natoy para ḵan ditaḵu ta taḵon ay nu natoy taḵu baḵon nu matattagu taḵu si umaliyana, midoga taḵu matagu ḵan siya'ḵ inggana.

2 Timothy 4:1

Annaya ibilinḵu ḵan siḵa Timothy si sinagung Apudyus ya aḵ Jesu Kristu we ḵasin umali ampangat ḵan anguwis atta losane tagu we matattagu ḵan natoy.

Hebrews 12:2

Isisimoḵ taḵu'ḵ Jesus te siya puun ḵan magangputan ni pammati taḵu. Ḵad adinapun imbaine natoy atte kros para ḵan ditaḵu gapu si gangganase anguuway ḵan siya. Pun sinsadi, awade tutuḵdu si madawinan Apudyus we maḵapangat ḵan siya.

1 Peter 1:21

Mipagapu ḵan siya, antaḻgod ḵayu ḵan Apudyus we nanagu ḵasin ya nangipangatu ḵan siya. Ta sa pammatiyu ḵan namnamayu awad ḵan Apudyus.

1 Peter 4:5

Yaḵon songbatanda ḵan Apudyus we naḵasaganae anguwis atta losane tagu we matattagu ya da natoy.

Revelation 1:18

ya saḵon matattagu. Natoyaḵ yaḵon ilam ḵad saḵon, matataguwaḵ aḵ inggana. Saḵon os asi ḵigad atte ḵatoy ya anna ḵan saḵon tuḻbiḵe amuḵat ad Hades we igaw da natoy.

Revelation 2:8

Ḵanana bos, “Annaya isuḻatnu'tte anghel we angayyuwan atta namati ye magimugimung ad Smyrna, ‘Saḵon ummuna ḵan anguddidi. Saḵon os natoy woḵ ummuli. Annaya ibagaḵ ḵan diḵayu.