Romans 14:4 - Sa Ugud Apudyus

⁴ Te ngaiḵa ḵammane anguwis atta sammilun da udum? Te sa Apuna asi ḵigade angibaga nu ustu ḵoona baḵon nu adipun. Ḵad sa ḵoḵoḵḵona aaddi ye napanoḵnoḵane ustu te aḵ Apu Jesus maḵwae bumadang ḵan siya.

Romans 14:4 ပူးပေါင်းရင်းမြစ်များ

Acts 11:17

Pun nu innatod Apudyus Ispiritu Santu atta Gentil we isun ni innatodna ḵan ditaḵu si namatiyan taḵu ḵan Apu Jesu Kristu, ngaiyaḵ ḵammane anullagi ḵan Apudyus?”

Romans 11:23

Ḵad taḵon ay da Judyu we adipun namati, nu ambaliwda ya namatida ipaulin Apudyus dida'tta naspaḵanda te anna ḵabooḻanae angipauli ḵan dida.

Romans 14:3

Diḵayu we angan atta baḻangnae maḵan, adiyu oḵyan dellawon da angidiyan atta udume maḵan. Ḵad diḵayu bose angidiyan atta udume maḵan, adiyu bos dellawon da angan atta baḻangnae maḵan te inawat Apudyus dida'ḵ taguna.

Romans 16:25

Madayaw oḵyan aḵ Apudyus! Te anna ḵabooḻanae amapigsa'tta pammatiyu we nibatay si Ambaḻu we Damag mipanggob ḵan Jesu Kristu we iwaḻagawagḵu. Sa annae Ambaḻu we Damag nitataḻu we adipun nipaigammu si awe.

Romans 9:20

Yaḵon ngaiḵa ḵammane sumongbat ḵan Apudyus? Maḵwa ḵammane ḵanan ni nadiwin atte nandiwin, “Ngaipa ḵaḵna nangwam ḵan saḵon?”

Hebrews 7:25

Pun sadi gapunae maḵwae taguwona si losane timpu da umadani ḵan Apudyus mipagapu ḵan siya te siya matattagu'ḵ ingganae angiyugud ḵan ditaḵu si sinagung Apudyus.

1 Peter 1:5

Gapu'tte ḵabooḻan Apudyus, ayyuwanana diḵayu mipagapu'tte pammatiyu ḵan siya inggana'ḵ mituttuwa anaguwana ḵan diḵayu. Inabusna insagana sanate mataguwane ipailana nu anungus ni timpu.

Jude 1:24

Madaydayaw oḵyan os-ossaane Apudyus we anagu ḵan ditaḵu mipagapu ḵan Jesu Kristu we Apu taḵu. Lamogna saḻaḵniban diḵayu ta adi ḵayu maḵabasuḻ ya ippun madellaw ḵan diḵayu nu pasiḵadona diḵayu si sinagungna. Ḵad maganasan ḵayu we angitotollong atte sumilinge ḵinaapudyusna. Madaydayaw te siya ḵangatuwan ḵan maḵabooḻe Apudyus we naippun ḵigad ni ḵaḻabbongana inggan ni laplapuna, sinsana ya aḵ inggainggana. Amen.