Romans 14:22 - Sa Ugud Apudyus

²² Ngaimane patiyon ni sin-ossaossa mipanggob si anna, ambaḻu nu abusda ḵan Apudyus aḵ angigammu. Pian tagu we adin ni somsomoḵna ḵuwison long-agnae mismu gapu'tte simsimmoḵnae ustu ḵoona.

Romans 14:22 ပူးပေါင်းရင်းမြစ်များ

Acts 24:16

Pun iggaḵ losane ḵabooḻaḵe angwa'tta ambaḻu ta ampoḻḵas somsomoḵḵu'tte sinagung Apudyus ya da tagu.

Romans 14:14

Gapu si nidog-aḵ ḵan Apu Jesus, aaddi ye ippun maḵan aḵ ḵaissaw si antotollong Apudyus. Yaḵon nu ibelang ni osan tagu'ḵ ḵaissaw, ḵaissaw ḵan siya.

Romans 14:2

Awad da udume namati ye angan atta baḻangnae maḵan. Yaḵon awad da anḵuya pammatida ḵad matipoye abus anidada.

Romans 14:23

Yaḵon sa tagu we anduwaduwa mipanggob atte maḵan, maḵabasuḻ nu ḵanona te sa anganana daḵampun aḵ nibatay si ustu we pinatina. Pun nu ḵoon taḵu da ngaimane patiyon taḵu we daḵampun aḵ ustu, maḵabasuḻ taḵu.

Romans 14:5

Awad da udume ibelangda'ḵ amo napatpatog sin-aḻgaw nu da udume aḻgaw yaḵon ḵanan os da udume an-iisu aḻgaw. Pun ḵasapuḻane awad osa mat-op atte somsomoḵna.

Romans 2:1

Pun siḵae anguwis si ḵinalaweng da udum, adiḵapun maḵailigsi si madusaam ḵan Apudyus, taḵon ay ngai ḵinatatagum. Te nu ḵuwisom ḵinaḻaweng da udum ya ḵingwam os da isun da ḵoḵoḵḵonda, siya ḵoom madusaam ḵan Apudyus.

Romans 7:15

Adiḵpun maawatan da mismu we ḵooḵ te sa ambaḻu we pioḵ ḵoon, sadi adiḵpun ḵoon. Yaḵon sa sasangngaaḵ ḵoon, sadi da ḵooḵ.

Romans 7:24

Ḵaddaguwaḵ! Ngai nin anaḻaḵnib ḵan saḵon atte annae long-age siya gapun ni matoyaḵ?

1 Corinthians 8:7

Yaḵon daḵampun aḵ losan da tagu igammu annae ḵatuttuwaan. Te niyugali ḵan didae andaydayawda'tta sinan-apudyus ḵad nu ḵanonda ḵatti ye maḵane midatun atta sinan-apudyus, simsimmoḵdae midogada andayaw atta sinan-apudyus. Gapu ta anḵuya somsomoḵda, lawweng giḵnada te simsimmoḵdae lawweng ḵingwada.

2 Corinthians 1:12

Annaya isḵaḻni, panoḵnoḵan ni somsomoḵni ye ippun nantultulliyanni'tta asintataguni si annae lubung amod ay diḵayu. Te indaḻan Apudyus diḵani ta maḻpu'tte pusu ḵan naapudyusan da losane ḵoonni ya da losane ibagani. Pun daḵampun aḵ ḵingwani da sanae mipagapu si laing di tagu yaḵon mipagapu si ḵabooḻan Apudyus gapu'tte amode ḵinabaḻuna'tta tagu.

Galatians 6:1

Susunudḵu ḵan Kristu, nu awad maigammu'ḵ buḻunyu'ḵ naḵabasuḻ, ilanyu ude idaḻan ni Ispiritu Santu ta badanganyu ya ampauliyonyu ta ḵoona da ustu we banag. Ambaḻuwonyu we bumadang ḵan siya ya ummanyu ta adi ḵayu masulisug os aḵ bumasuḻ.

James 3:13

Ngai ḵan diḵayu nalaing ya maḵaawat? Nu awad, ḵasapuḻane ipailana ḵinalaingna si ambaḻu we antataguna ya ipakumbabana bos long-agna si angwaana'tta ambaḻu.

1 John 3:21

Pun diḵayu we ay-ayatoḵe buḻbuḻun, nu adimpun da somsomoḵ taḵu pabasuḻon ditaḵu, antaḻgod taḵu we umadani si sinagung Apudyus.