Romans 14:20 - Sa Ugud Apudyus

²⁰ Nabaḻbaḻu nu adi taḵu dadailon ḵewaaḻ Apudyus gapu'tte maḵan. Losane maḵan ampoḻḵas yaḵon lawweng nu siya maḵabasuḻan da sunud taḵu gapu'tte anganan taḵu.

Romans 14:20 ပူးပေါင်းရင်းမြစ်များ

Matthew 15:11

Sa mibelang aḵ angaissaw atte tagu si antotollong Apudyus, daḵampun atte lumnoḵ si sungadna yaḵon sa tumoḵwaḻ atte sungadna.”

Matthew 18:6

Pinagatupan Jesus woḵ ḵanana, “Yaḵon ngaimane anulisug ta maḵabasuḻ taḵon ay osa'tta annae ḵamḵamae tagu we amati ḵan saḵon, un-unnoyna nu mitaḵod daḵoḻe binatu we gilingan si bagangna ya maanud atte ḵaadaḻoman ni baybay.

Acts 10:15

Ḵanan os ni ginga ḵasin ḵan siya, “Da pinapoḻḵas Apudyus, adim dida ibelang aḵ ḵaissaw.”

Romans 14:2

Awad da udume namati ye angan atta baḻangnae maḵan. Yaḵon awad da anḵuya pammatida ḵad matipoye abus anidada.

Romans 14:21

Nabaḻbaḻu nu adi taḵu ḵanon sida baḵon nu uminum si bayas baḵon nu ḵoon da ngaimane siya maḵabasuḻan ni sunud taḵu ḵan Kristu.

Ephesians 2:10

Te planun Apudyus we pabaruwon da biyag taḵu mipagapu si niyossaanan taḵu ḵan Jesu Kristu ta siya oḵyan ḵoon taḵu da ambaḻu we implanuna si awe ye ḵoon taḵu.

Philippians 1:6

Anggappiyaaḵ os te iniiggammuḵe aaddi ye aḵ Apudyus we nangisaḻad si ambaḻu we ḵoona'tta biyagyu, siya bos amagapagatup inggana'ḵ magangput atte ḵasine umaliyan Jesu Kristu.

Titus 1:15

Da tagu we pinapoḻḵas Apudyus atte nangaanana'tta basuḻda, losane banag ḵawagase mibelangda'ḵ ampoḻḵas piona ḵanan maḵwae ḵanonda baḵon nu usaronda dida. Yaḵon da tagu we adimpun Apudyus pinapoḻḵas ḵan adipun amati, losane banag mibelangda'ḵ ḵaissaw. Adidapun lamog imatunan lawweng ḵan ambaḻu ya sa somsomoḵda adipun lawweng nu ḵoonda lawweng.