Romans 14:18 - Sa Ugud Apudyus

¹⁸ Ḵad nu ḵaḵnat inon taḵu we anserbi ḵan Kristu, mas-om aḵ Apudyus ya mapatgan taḵu bos atta asintatagu taḵu.

Romans 14:18 ပူးပေါင်းရင်းမြစ်များ

Mark 13:34

Mipaniyaḵ atte ansagsaganae umoy si adayu we ili. Ipaayyuwanna boḻoyna'tta sammiluna, ḵad ittona biyang ni sin-ossaossa'tta ustu we ḵewaaḻda. Ḵad bilinona angguwaḻda ta adi masuyop.

John 12:26

Ngaimane anserbi ḵan saḵon, ḵasapuḻane tun-udonaḵ ya dinumane inggawaḵ, siya bos inggawan ni sammiluḵ. Ngaimane anserbi ḵan saḵon, dayawon Amaḵ.”

Acts 10:35

yaḵon awatona da ngaimane tagu, Judyu man baḵon nu Gentil we angisipog ḵan Apudyus ya ustu da ḵoonda.

Romans 12:11

Adi ḵayu andadauy yaḵon pumangog ḵayu we anserbi ḵan Apu Jesu Kristu.

Romans 14:4

Te ngaiḵa ḵammane anguwis atta sammilun da udum? Te sa Apuna asi ḵigade angibaga nu ustu ḵoona baḵon nu adipun. Ḵad sa ḵoḵoḵḵona aaddi ye napanoḵnoḵane ustu te aḵ Apu Jesus maḵwae bumadang ḵan siya.

Romans 16:18

Te da ḵassadi ye tagu, daḵampun ḵan Apu taḵu we Kristu anserbiyanda yaḵon da long-agda ya da pipionda. Ḵad mipagapu'tte allin-awae an-uugudda ya ḵinasiḵapda, allelawonda da tagu we ippun ḵon igammuda.

Romans 6:22

Yaḵon sinsana napuḵayan ḵayu'tte basuḻ ya nambalin ḵayu'ḵ musassun Apudyus. Ḵad sa ginanabyu, mitotoḵḵon ḵayu'ḵ taguna ta bumaḻu ugaliyu ḵad sa ambanagana awad ḵan diḵayu biyag aḵ inggana.

1 Corinthians 7:22

Te nu musassuḵa'tte napiliyam ta niyossaanḵa ḵan Apu, napuḵayanḵa'tte basuḻ gapu ḵan Kristu. Ḵad nu daḵanḵapun aḵ musassu'tte napiliyam, nambalinḵa'ḵ musassun Kristu sinsadi.

2 Corinthians 4:2

Nan-awidanni da losane ḵoḵoḵḵon da tagu we nililimod ḵan ḵababbain ya ippun inallelawni. Adinipun imbos Ugud Apudyus. Yaḵon atte sinagung Apudyus impaḵaawatni'tta losane tagu da losane ḵatuttuwaan te pionni ye igammuwonda'tta somsomoḵdae ambaḻu ḵewaaḻni.

2 Corinthians 5:11

Pun gapu ta igammuni ye angisipog ḵan Apu, padasonni awison da tagu ta amatida ḵan siya. Yaḵon iniiggammun Apudyus diḵani ye naippun lawweng aḵ panggobni ya namnamaoḵe isuna bose iniiggammuyu diḵani.

2 Corinthians 5:9

Pun taḵon ay nu inggaw taḵu'd luta baḵon nu ad langit, igga taḵu ḵabooḻan taḵu we angwa'tta mas-oman Apudyus.

2 Corinthians 6:4

Ḵad da losane ḵoonni, ipailani ye anserbi ḵani ḵan Apudyus te at-attomanni da amode maal-alimuunanni ḵan adu we ampaḵaḻamanni ya da losane ampaḵimute naḵwa ḵan diḵani.

2 Corinthians 8:21

Te siya pionni ḵoon ustu we daḵampun aḵ abus antotollong Apu yaḵon sa antotollong os da tagu.

Philippians 4:18

Sinsadi masawasawaḻ da ḵasapuḻaḵ te inawatḵu ḵan Epaphroditus da losane indagasyu. Ḵad da sanae indagasyu, isunan ambangu we midatun ḵan Apudyus we mat-opana ḵan lumayadana.

Philippians 4:8

Sa anungus ni ibagaḵ ḵan diḵayu we susunudḵu ḵan Kristu, siya oḵyan pasigyu sosomḵon da tuttuwa, ampatog, ustu, ampoḻḵas, ambaḻu ḵan ḵadayawan. Ḵad taḵon ay da udume ambaḻu baḵon nu nanggodonge ugud, sadi oḵyan da imumuḻayu'tta somsomoḵyu.

Colossians 3:24

Te igammuyu we itton Apu ḵan diḵayu gungunae inkarina'tta taguna te nanserbi ḵayu ḵan Kristu we Apu.

1 Timothy 2:3

Annaya ambaḻu ya siya mas-oman Apudyus we anagu ḵan ditaḵu.

1 Timothy 5:4

Yaḵon nu awad da abengna baḵon nu da apuna, ḵasapuḻane adaḻondae angayyuwan si inadae baḻu te sa baḻyanda umunae angwaanda si ḵewaaḻdae naapudyusan ta subbatonda da sin-abeng ḵan dida te sana mas-oman Apudyus.

1 Peter 2:12

Ḵasapuḻane unudonyu ambaḻu we antatagu ta taḵon ay nu ḵanan da adipun amati ye lawweng da ḵoonyu nu ilanda da ambaḻu we ḵoonyu, idayawda'ḵ Apudyus atte umaliyana.

1 Peter 2:20

Ippun labbong ni tagu we madayaw nu anuanusana iyattom dusa gapu'tte ḵingwanae lawweng. Yaḵon nu ampaḵaḻamon diḵayu'tta angwaanyu si ambaḻu ya inan-anusanyu, mas-om aḵ Apudyus ḵan diḵayu.

1 Peter 2:5

Gapu si umadaniyanyu ḵan Jesu Kristu, mipani ḵayu bos si matattagu we batu we mausar si antaḵadan atte boḻoye ḵuwan Apudyus aḵ anserbiyanyu we papadi ye nitotoḵḵon para ḵan siya ya idatunyu da datun para ḵan siyae abuse mas-omana mipagapu ḵan Jesu Kristu.

1 Peter 3:16

Ḵad ḵasapuḻane pasig ampoḻḵas somsomoḵyu ta awad ḵad an-ugud aḵ lawweng ḵan diḵayu gapu si ambaḻu we ugaliyu we namati ḵan Kristu, mibabbainda si inugudda.