Romans 14:17 - Sa Ugud Apudyus

¹⁷ Te sa ampangatan Apudyus atta taguna, daḵampun aḵ ampatog ḵanon taḵu ḵan inumon taḵu. Yaḵon sa ampatog, ḵoona ditaḵu'ḵ maun-unan, sa allin-awaan taḵu'tta sin-ossaossa ya sa laylayad taḵu we maḻpu si Ispiritu Santu.

Romans 14:17 ပူးပေါင်းရင်းမြစ်များ

Matthew 3:2

Ḵanana, “Ibabawiyu da basuḻyu ya agayyu we angwa te gattoḵe sinsadi awad ḵan diḵayu ampangatan Apudyus.”

Matthew 6:33

Yaḵon umunae ipatpatogyu ampangatan Apudyus ya unudonyu maun-unane antatagu we piniona woḵ ittona da ḵasapuḻanyu.

Luke 14:15

Dingngoḻ ḵad ni osa'tta naḵaḵan da sanae bagbagan Jesus, ḵanana ḵan siya, “Pian pagay maḵaḵan atte ampangatan Apudyus.”

John 16:33

Imbagaḵ sana ḵan diḵayu ta mipagapu ḵan saḵon lumin-awa ḵayu oḵyan. Ampaḵaḻamon diḵayu'tta adipun amati. Yaḵon tumuḻod ḵayu te illogyu da losane lawweng si annae lubung.”

John 3:3

Ḵanan Jesus, “Ibagaḵ ḵan siḵa ḵatuttuwaan, nu adi tagu miyanaḵ ḵasin, adipun maḵwae midoga si ampangatan Apudyus.”

John 3:5

Ḵanan Jesus, “Ibagaḵ ḵan siḵa ḵatuttuwaan, adipun maḵwae midoga tagu si ampangatan Apudyus nu adi miyanaḵ atte danum ya sa Ispiritu Santu.

Acts 13:52

Ḵad da namati ḵan Jesus ad Antioch, amod de layadda ya naittanda si ḵabooḻan ni Ispiritu Santu.

Acts 9:31

Pun lummin-awa da gimung da namati ḵan Jesus atta adu we ili'tta probinsiya'd Judea, Galilee ya ad Samaria te ippun ogon udum aḵ amaḵaḻam ḵan dida. Gapu si badang ni Ispiritu Santu pummigsa pammatida ya ummaduadu da namati ya isipogda'ḵ Apudyus.

Romans 15:13

Iluwaḻuḵ ḵan Apudyus we maḻpuwan ni namnama taḵu ta ittona ḵan diḵayu amode layad ḵan lin-awan da somsomoḵyu gapu si namatiyanyu ta pumigsa namnamayu mipagapu si ḵabooḻan ni Ispiritu Santu.

Romans 8:6

Nu siya abus aḵ sosomḵon ni tagu da pion ni long-agna, ambanag atte matoyana. Yaḵon nu siya isisimoḵna mipanggob atte Ispiritu Santu, matagu ḵan malin-awaan aḵ inggana.

1 Corinthians 1:30

Yaḵon aḵ Apudyus naḻpuwan ni biyag taḵu mipagapu'tte niyossaanan taḵu ḵan Jesu Kristu we naḻpuwan ni ḵinalaing. Ḵad gapu ḵan siya, naun-unan taḵu ya mitotoḵḵon taḵu'ḵ taguna ta bumaḻu ugali taḵu ya masubut taḵu'tta dusan da basuḻ taḵu.

1 Corinthians 4:20

Te sa amanoḵnoḵ si ampangatan Apudyus ḵan ditaḵu, daḵampun atte iyyuugud taḵu yaḵon sa ḵabooḻan Apudyus atta biyag taḵu.

1 Corinthians 6:9

Adiyupun ḵamman igammu we da angwa'ḵ lawweng adidapun gangganason da laḵsunda si midog-anda si ampangatan Apudyus? Adiyu allelawon da long-agyu te da angadaḻug atta daḵampun aḵ asawada, da andayaw atta sinan-apudyus, da laḻaḵi ye angadaḻug atta asillaḻaḵida ya da bubai ye angadaḻug atta asimbubaida, da maḵadagdagas ya da laḻaḵi ye mabayadan,

1 Corinthians 8:8

Sa ḵatuttuwaan, daḵampun atte maḵan angiyadani ḵan ditaḵu ḵan Apudyus. Ḵad naippun lawwengna nu adi taḵu ḵanon ḵad ippun os maganab taḵu nu ḵanon taḵu.

2 Corinthians 5:21

Aḵ Kristu, ippun paat basuḻna. Yaḵon gapu ḵan ditaḵu, imbelang Apudyus aḵ ḵabasbassuḻan ta mipagapu si niyossaanan taḵu ḵan siya, aḵ Apudyus angwa si maun-unan taḵu.

Galatians 5:22

Yaḵon sa ugali ye itton ni Ispiritu Santu ḵan ditaḵu ta ambalbaliw taḵu, dida da anna: ayat, layad, lin-awan ni somsomoḵ, anus, bumabbadang, ambaḻu ḵoona'tta asintataguna, mataḻgodan,

Philippians 2:1

Pun sa niyossaananyu ḵan Kristu, siya masoḻgagan ni somsomoḵyu. Ayaton Kristu diḵayu ya siya alliwliwa ḵan diḵayu. Buḻbuḻunyu bos Ispiritu Santu. Ḵad anna ayat ḵan ḵadagu ḵan diḵayu.

Philippians 3:3

Yaḵon sa ḵatuttuwaan ditaḵu ibelang Apudyus aḵ tuttuwae taguna daḵampun ḵan dida te ditaḵu ḵad dayawon taḵu'ḵ Apudyus si ḵabooḻan ni Ispirituna. Allaylayad taḵu bos gapu'tte taḻgod taḵu ḵan Jesu Kristu. Ḵad adi taḵu bos antaḻgod atta ngaimane ḵoḵoḵḵon taḵu'tte long-ag taḵu we anagu ḵan ditaḵu.

Philippians 3:9

ya miyossaanaḵ ḵan siya. Pun sinsana, daḵampun aḵ ḵuwaḵ naun-unaḵe mibatay si nanuttuwaaḵ atte lintog yaḵon sa maun-unane itton Apudyus we mibatay si pammati ḵan Kristu.

Philippians 4:4

Ḵasapuḻane pasig ḵayu oḵyan allaylayad gapu si niyossaananyu ḵan Apu. Ipigwaḵ ibagae allaylayad ḵayu oḵyan.

Philippians 4:7

Te nu ḵoonyu da sana, awad ḵan diḵayu lin-awae itton Apudyus we nakaskasdaawe adipun paat maḵwae maawatan ni somsomoḵ di tagu. Ḵad iissuna guwaḻdae anaḻaḵnib si ḵimut ḵan bimbinsawyu, gapu si midog-anyu ḵan Jesu Kristu.

Colossians 1:11

Oḵyan pos ta sa nakaskasdaawe ḵabooḻan Apudyus amapigsa'tta somsomoḵyu ya lumayad ḵayu ta taḵon ay nu ngai maḵwa ḵan diḵayu, lamogyu maattomane angiyanus.

1 Thessalonians 1:6

Ḵad nambalin ḵayu'ḵ angunud ḵan diḵani ya aḵ Apu. Te taḵon ay nu amod de nampaḵaḻamanyu, sillalaylayad ḵayu we nangawat si Ugud Apudyus te innattod ni Ispiritu Santu laylayadyu.

1 Thessalonians 2:12

Sinoḻgagni ya pinapigsani diḵayu ḵan insassaudni ye matagu ḵayu si biyage mas-oman Apudyus ya mibagay atte namiliyana ḵan diḵayu'ḵ midoga si ampangatana ya sa ḵinangatuna.

Hebrews 13:9

Pun ilanyu ta adi ḵayu paallelaw atta sabali ya da tinutuli ye tuttudu. Te sa ḵinabaḻun Apudyus amapigsa si somsomoḵ taḵu, daḵampun si angunudan taḵu'tta bilin mipanggob atta maḵan. Te da angunud atta sana naippun maganabda.

1 Peter 1:8

Adiyupun innila'ḵ Jesu Kristu yaḵon inay-ayatyu. Taḵon ay nu adiyupun ilan sinsadi, amati ḵayu ḵan siya. Pun amo allaylayad ḵayu'tte adipun mibungangay ya ippun miyisuwanae laylayad.

2 Peter 1:1

Saḵon aḵ Simon Peter we osa'tta apostol Jesu Kristu we anserbi ḵan siya. Annaya bos suḻatḵu ḵan diḵayu we innattan Apudyus aḵ pammati ye ippun nisabaliyana si pammatini mipagapu si naun-unan Jesu Kristu we Apudyus taḵu ya Anagu ḵan ditaḵu.