Romans 14:15 - Sa Ugud Apudyus

¹⁵ Nu sa anganan taḵu gapun ni lumawengan ni somsomoḵ ni sunud taḵu ḵan Kristu, daḵampun aḵ ayat impaila taḵu ḵan siya. Sa anganan taḵu adi taḵu iyunude dadailona pammatin ni sunud taḵu te siya inḵatoy Kristu.

Romans 14:15 ပူးပေါင်းရင်းမြစ်များ

Romans 13:10

Te nu ayaton taḵu da asintatagu taḵu, adipun maḵwae ḵoon taḵu lawweng ḵan dida. Pun sa angay-ayatan taḵu'tta asintatagu taḵu, sadi bos anuttuwaan taḵu'tte lintog.

Romans 14:20

Nabaḻbaḻu nu adi taḵu dadailon ḵewaaḻ Apudyus gapu'tte maḵan. Losane maḵan ampoḻḵas yaḵon lawweng nu siya maḵabasuḻan da sunud taḵu gapu'tte anganan taḵu.

Romans 15:2

Siya oḵyan somsomḵon taḵu mas-oman da sunud taḵu ḵan pumigsaan os da pammatida.

1 Corinthians 13:1

Taḵon ay nu awad ḵabooḻaḵe an-ugud atta ngaimane ugud di tagu ya taḵon ay ugud os da anghel nu naippun ayatḵu'tta asintataguḵ, naippun anuna. Mipaniyaḵ atte gangsae umas-aseset baḵon nu da udume ḵumaḻangḵang gingada.

1 Corinthians 8:1

Annaya bos ibagaḵ ḵan diḵayu si mipanggob atte anganan atte maḵane midatun atta sinan-apudyus. Tuttuwa anna ya igammu taḵu losan. Yaḵon umman taḵu te allasu we sumoḵaḻ taḵu gapu'tte anna igammu taḵu. Yaḵon nu an-asiayat taḵu, sanat pumigsaan da pammati taḵu.

Galatians 5:13

Ḵan diḵayu susunudḵu ḵan Kristu, pinilin Apudyus diḵayu ta mapuḵayan ḵayu ta daḵampun aḵ ḵasapuḻane tuttuwaonyu lintog ta taguwon Apudyus diḵayu. Yaḵon adiyu usaron napuḵayanyu'ḵ lasunyu we angwa'tta pipion da long-agyu. Yaḵon siya oḵyan ḵoonyu an-asiserbi ḵayu gapu si an-asiayatanyu.

Ephesians 5:2

ta miyisu oḵyan an-aayatyu si nan-aayat Kristu ḵan ditaḵu. Te innatodna long-agna'ḵ matoy para ḵan ditaḵu ya sa natoyana, isunan ambangu we datun ḵan Apudyus we mas-omana.

2 Peter 2:1

Yaḵon inninggaw os da sinan profeta we niḵamos atta tagu si awe. Ḵad isuna bos sinsanae awad da asi angidatong atta daḵampun aḵ tuttuwae tuttudu we naḻpuda'tte sabali ye grupu we maḵadadail atte pammati. Ḵad puḵlitanda'ḵ Apu taḵu we nanubut ḵan dida. Pun maaddaganda'tte madusaanda ḵan Apudyus.

1 John 2:2

Siya bos nangidatun atte long-agna ta maḵaan sangan Apudyus ya mapakawan da basuḻ taḵu ya daḵampun aḵ abus da basuḻ taḵu yaḵon da basuḻ os da losane tagu'tte annae lubung.