Romans 14:14 - Sa Ugud Apudyus

¹⁴ Gapu si nidog-aḵ ḵan Apu Jesus, aaddi ye ippun maḵan aḵ ḵaissaw si antotollong Apudyus. Yaḵon nu ibelang ni osan tagu'ḵ ḵaissaw, ḵaissaw ḵan siya.

Romans 14:14 ပူးပေါင်းရင်းမြစ်များ

Mark 7:2

Innilada da udume disipulunae nangan yaḵon adidapun inunud ugali si inondae ambuḻu we intuttudun da Pharisee aḵ mibelang aḵ ampoḻḵas.

Acts 10:28

woḵ ḵanana ḵan dida, “Iniiggammuyu we sa ugalini ye Judyu, miyadi mitimpuyug ḵan maḵabuḻbuḻun ḵani'tta Gentil. Yaḵon impaigammun Apudyus ḵan saḵone ḵasapuḻane umadiḵ ibelang ngaimane tagu'ḵ ḵaissaw.

Romans 14:2

Awad da udume namati ye angan atta baḻangnae maḵan. Yaḵon awad da anḵuya pammatida ḵad matipoye abus anidada.

Romans 14:20

Nabaḻbaḻu nu adi taḵu dadailon ḵewaaḻ Apudyus gapu'tte maḵan. Losane maḵan ampoḻḵas yaḵon lawweng nu siya maḵabasuḻan da sunud taḵu gapu'tte anganan taḵu.

Romans 14:23

Yaḵon sa tagu we anduwaduwa mipanggob atte maḵan, maḵabasuḻ nu ḵanona te sa anganana daḵampun aḵ nibatay si ustu we pinatina. Pun nu ḵoon taḵu da ngaimane patiyon taḵu we daḵampun aḵ ustu, maḵabasuḻ taḵu.

1 Corinthians 10:25

Pun maḵwa ḵanonyu da losane sidae mangin-an si market ya adiyu im-imuson gapu'tta somsomoḵyu.

1 Corinthians 8:10

Te nu ilan ni osae anḵuya somsomoḵnae siḵae anna igammunae anganḵa'd daḻom si templon da sinan-apudyus, daḵampun ḵamman aḵ siya masoḻgaganae maḵaḵan taḵon ay nu igammunae nidatun atta sinan-apudyus?

1 Corinthians 8:7

Yaḵon daḵampun aḵ losan da tagu igammu annae ḵatuttuwaan. Te niyugali ḵan didae andaydayawda'tta sinan-apudyus ḵad nu ḵanonda ḵatti ye maḵane midatun atta sinan-apudyus, simsimmoḵdae midogada andayaw atta sinan-apudyus. Gapu ta anḵuya somsomoḵda, lawweng giḵnada te simsimmoḵdae lawweng ḵingwada.

1 Timothy 4:4

Te ambaḻu da ngaimane ḵingwan Apudyus. Ḵad naippun paat midiyan nu anggappiya taḵu ḵan siya.

Titus 1:15

Da tagu we pinapoḻḵas Apudyus atte nangaanana'tta basuḻda, losane banag ḵawagase mibelangda'ḵ ampoḻḵas piona ḵanan maḵwae ḵanonda baḵon nu usaronda dida. Yaḵon da tagu we adimpun Apudyus pinapoḻḵas ḵan adipun amati, losane banag mibelangda'ḵ ḵaissaw. Adidapun lamog imatunan lawweng ḵan ambaḻu ya sa somsomoḵda adipun lawweng nu ḵoonda lawweng.