Romans 13:7 - Sa Ugud Apudyus

⁷ Pun ḵasapuḻane bayadan taḵu da bugis taḵu ya bayadan taḵu da utang taḵu ḵan dida. Ḵad ḵasapuḻane patgan taḵu da anna ḵaḻabbonganda'ḵ mapatgan.

Romans 13:7 ပူးပေါင်းရင်းမြစ်များ

Matthew 17:25

Ḵanan Peter we summongbat, “On, ambayad ḵammos.” Nillumnoḵ ḵad aḵ Peter si boḻoy, ummuna'ḵ Jesus gumminga woḵ ḵanana, “Simon, ngai ḵasomsomḵam? Ngai andagupan da ari si annae luta'tta bugis? Da taguda baḵon nu da ḵaili?”

Matthew 22:21

Ḵananda, “Sa Emperor.” Ḵanan Jesus ḵan dida, “Nu ḵaḵnat, ittonyu ḵan Emperor da ḵuwana, ḵad ittonyu bos ḵan Apudyus da ḵuwan Apudyus.”

Mark 12:17

Ḵanan Jesus, “Nu ḵaḵnat ittonyu ḵan Emperor da ḵuwana, ḵad ittonyu bos da ḵuwan Apudyus.” Dingngoḻda ḵad ay da inugudna, nataagda.

Luke 20:22

Pun ibagam ud ḵan diḵani nu lisalisonni lintog Moses nu ambayad ḵani'tta bugis atte Emperor ad Rome? Ambayad ḵani baḵon nu umadini?”

Luke 20:25

Ḵanan Jesus ḵan dida, “Nu ḵaḵnat, ittonyu ḵan Emperor da ḵuwana ḵad ittonyu bos ḵan Apudyus da ḵuwana.”

Luke 23:2

indaḻumda'ḵ Jesus woḵ ḵananda, “Indasanni annae tagu we al-allelawona da susunude ganaḵ Israel. Sa ḵumagwa, ḵananae adiḵanipun oḵyan ambayad si bugis atte Emperor ad Rome ya sa ḵumaḵlu, ḵananae siya Kristu we Ari.”

Romans 12:10

An-asiayat ḵayu we isun ni an-aayat da mismu we ansusunud. Ḵad ibelangyu da bubuḻunyu'ḵ napatpatog nu diḵayu.

Romans 13:6

Ḵad sana gapun ni ambayadan taḵu'tta bugis taḵu te da pangat si gubilnu, anserbida ḵan Apudyus si angwaanda'tta ḵewaaḻda.

Ephesians 5:33

Yaḵon awad de amo piona ḵanan atta an-asawa. Ḵad siḵae laḻaḵi, ḵasapuḻane ayatom asawame isun ni an-aayatnu si long-agnu. Siḵae bubai, ḵasapuḻane patgam aḵ asawam.

Ephesians 6:5

Ḵan diḵayu we musassu, tuttuwaonyu oḵyan da ap-apuwonyu sina'd luta. Patganyu ḵan dayawonyu oḵyan didae maḻpu'tta pusuyu ya ipapuutyu we angwa'tta paḵwada ḵan diḵayu we isun ni ḵoonyu nu aḵ Apu Jesu Kristu angibaga ḵan diḵayu.

1 Timothy 5:13

Annaya bos da udume gapunae adiyu dida idoga si listaan, paingsaondae baduuḻ ya nansayasayapda an-attuattun atta boḻoy. Ḵad isaḻaddae alliḵud ya anḵapuḵaput atta ippun biyangda ya ugudonda banage adipun oḵyan maugud.

1 Timothy 5:17

Sa mipanggob atta angipangpangu'tta namati ye ambaḻu angidaḻananda, ibelangyu oḵyan dida'ḵ mapadayawan ya ustu tangdanda. Amod ay da angiwaḻagawag si Ambaḻu we Damag ya da antuttudu.

1 Timothy 6:1

Losane musassu we namati, ḵasapuḻane patgandae ustu da ap-apuda ta ippun ḵadellawan ni ngadan Apudyus ya sa annae tuttudu taḵu.

1 Peter 3:7

Isuna bos ḵan diḵayu we laḻaḵi ye naasaw-an, ḵasapuḻane maawatanyu we ustu da asawayu te anḵuyada nu diḵayu. Patganyu bos dida te maḵatawidda ḵan diḵayu si biyag aḵ ingganae itton Apudyus gapu'tte ḵinabaḻuna. Unudonyu da sana ta ippun sumnod atta luwaḻuyu.