Romans 12:17 - Sa Ugud Apudyus

¹⁷ Nu awad angwa'ḵ lawweng ḵan diḵayu, adiyu subalitan aḵ lawweng. Yaḵon siya oḵyan ḵuttuḵuttumonyu ḵoon da ḵabaḻuwan si antotollong da losane tagu.

Romans 12:17 ပူးပေါင်းရင်းမြစ်များ

Matthew 5:24

tenam yan datunnu si sinagung ni altar ta inḵa umuna anḵodaw aḵ pakawan si asintatagum ta awad lin-awa ḵan diḵayu ya asiḵaot anguline angitod si datunnu ḵan Apudyus.

Matthew 5:39

Yaḵon sa ibagaḵ ḵan diḵayu, adiḵayu bumaḻos atta angwa'ḵ lawweng ḵan diḵayu. Nu awad ametnag si madawinane apingyu, itayayu bos madawigi.

Romans 12:19

Susunudḵu we ay-ayatoḵ, nu awad angwa'ḵ lawweng ḵan diḵayu, adi ḵayu bumaḻos yaḵon itaḻgodyu ḵan Apudyus ta siya asi ḵigade angibaḻos. Te ḵanan ni nigili ye Ugud Apudyus, “Saḵone Apudyus ḵambiyang si baḻos te dusaoḵ da maḵabasuḻ.”

Romans 14:16

Ilanyu ta da ibelangyu'ḵ ambaḻu, daḵampun oḵyan aḵ lawweng ḵaugudanda.

Colossians 4:5

Ummanyu'tta gunayyu'tta daampun amati, ḵad usaronyu losane timpu we angibaga ḵan dida si mipanggob ḵan Kristu.

1 Thessalonians 4:12

Nu ḵatti antataguyu, patgan diḵayu'tta adipun amati ḵan Apudyus ya adipun ḵasapuḻan ansallay ḵayu'tta udum si mipanggob atta masapuḻyu.

1 Thessalonians 5:15

Ilanyu bos ta sa lawweng, adi oḵyan masubbat os atte lawwenge maḵwa. Yaḵon pasig oḵyan ambaḻu da ḵoonyu'tta buḻunyu we namati ya da losane tagu.

1 Thessalonians 5:22

Ḵad idiyanyu da losane kalasin di lawweng.

1 Timothy 5:14

Pun sa ḵasomsomḵaḵ, nabaḻbaḻu angasawa da ḵaḵosdoḻandae baḻu ta umanaḵda ḵan ipapuutda ilan da ḵaboḻoyda ta ippun wayan da ḵabusuḻ taḵu we angamsew ḵan ditaḵu.

1 Peter 2:12

Ḵasapuḻane unudonyu ambaḻu we antatagu ta taḵon ay nu ḵanan da adipun amati ye lawweng da ḵoonyu nu ilanda da ambaḻu we ḵoonyu, idayawda'ḵ Apudyus atte umaliyana.

1 Peter 3:16

Ḵad ḵasapuḻane pasig ampoḻḵas somsomoḵyu ta awad ḵad an-ugud aḵ lawweng ḵan diḵayu gapu si ambaḻu we ugaliyu we namati ḵan Kristu, mibabbainda si inugudda.

1 Peter 3:9

Nu awad angwa ḵan diḵayu'ḵ lawweng, adiyu ibaḻos. Nu awad os an-ugud aḵ lawweng, adiyu songbatan aḵ lawweng yaḵon iluwaḻuyu ḵan Apudyus ta bindisyunana dida. Te pinilin Apudyus diḵayu'ḵ mismu we taguna ta maḵatawid ḵayu si bindisyun.