Romans 12:15 - Sa Ugud Apudyus

¹⁵ Maḵalaylayad ḵayu'tta allaylayad ya maḵadomdom ḵayu'tta andomdom.

Romans 12:15 ပူးပေါင်းရင်းမြစ်များ

Luke 1:58

Dingngoḻ ḵad da ḵailiyanda ya da susunudda da nakaskasdaawe ḵadagun Apudyus ḵan siya, naḵalaylayadda.

John 11:19

Pun adu da Judyu we ummoy nalliwliwa ḵan da Mary ḵan Martha mipanggob si sunudda.

Acts 11:23

Dummatong ḵad sidi, innilana ḵinabaḻun Apudyus ḵan dida. Nallaylayad woḵ sinoḻgagna dida ta ipapatidae antaḻgod ḵan Apu atte amine somsomoḵda.

1 Corinthians 12:26

Pun nu awad ansigab si osae ḵamangay ni long-ag, giḵnaon da losane ḵamangay ni long-ag. Ḵad nu madayaw osa, maḵalaylayad da losan.

2 Corinthians 11:29

Te nu ḵumuya osa, ḵumuyaaḵ os. Ḵad nu awad masulisug aḵ maḵabasuḻ, sumangaaḵ atte nanulisug.

2 Corinthians 2:3

Ḵad sadi gapunae intaḻyanḵu umaliyaḵ woḵ nanuḻataḵ ḵan diḵayu yaḵon umaliyaḵ oḵyan sinat ta sa umaliyaḵ sinat, adipun lumaweng somsomoḵḵu gapu ḵan diḵayu we amalayad oḵyan ḵan saḵon. Te aaddi ye nu allaylayadaḵ, allaylayad ḵayu bos losan.

Philippians 2:26

yaḵon paoyonoḵ sinat te amod pagay ayuna ḵan diḵayu losan ya amod os bimbinsawna si inigammunae dingngoḻyu nasaḵitana.

Philippians 2:28

Pun pioḵ pagaye paoyonon ta lumayad ḵayu ḵasin nu ilanyu ya lumin-awa bos somsomoḵḵu.

Hebrews 13:3

Iḵagasmoḵyu da awad si babaḻḻudane isun di nidoga ḵayu ḵan dida ya da mapaḵaḻame isun di midoga ḵayu ampaḵaḻam ḵan dida.