Romans 12:12 - Sa Ugud Apudyus

¹² Gangganasonyu namnamayu, anuanusanyu da ampaḵaḻamanyu ya ipapatiyu we alluwaḻu.

Romans 12:12 ပူးပေါင်းရင်းမြစ်များ

Matthew 5:12

Amo allaylayad ḵayu te daḵodaḵoḻ gungunayu'd langit. Te da sadi ye ḵoonda iissuna da ḵingwan da tagu we namaḵapaḵaḻam atta profeta si awe.”

Luke 10:20

Taḵon ay os nu lamogyu paḻyawon da aḻan, daḵampun aḵ siya gapunae allaylayad ḵayu. Sa gapunae allaylayad ḵayu oḵyan, nigili da ngadanyu'd langit.”

Luke 21:19

Yaḵon ngaimane angiyattom atta losane ampaḵaḻaman ya gogomgomana pammatina, matagu'ḵ inggana.”

Luke 8:15

Da naottag ḵad atte alluta, isuda da tagu we andongoḻ si Ugud Apudyus, pinagatupandae namati ḵan ampoḻḵapoḻḵas da somsomoḵda, anusanda inggana'ḵ angwada'tta adu we ambaḻu we banage mas-oman Apudyus we isun ni muḻae adu ambubungana.”

Acts 1:14

Sana nan-os-ossaanandae nangipapati ye alluwaḻu we nidoga da udume bubbubai ya aḵ Mary ye inan Jesus ya da sunudna.

Acts 12:5

Pun aḵ Peter inninggaw si babaḻḻudan yaḵon impapatin da namati ye nangiluwaḻu ḵan siya.

Acts 2:42

Impapatidae nan-adaḻ atta tuttudun da apostol ya nambubuḻunda, nanḵaḵaḵanda'tte tinapaye angiḵagasmoḵanda si natoyan Jesus ya nalluwaḻuda.

Acts 6:4

ya ipapuutni ye alluwaḻu ḵan angiwaḻagawag si Ugud Apudyus.”

Romans 15:13

Iluwaḻuḵ ḵan Apudyus we maḻpuwan ni namnama taḵu ta ittona ḵan diḵayu amode layad ḵan lin-awan da somsomoḵyu gapu si namatiyanyu ta pumigsa namnamayu mipagapu si ḵabooḻan ni Ispiritu Santu.

Romans 15:4

Te ngaimane nigili ye Ugud Apudyus si awe, nigilida'ḵ matuttuduwan taḵu. Ta lamog taḵu attoman da ampaḵaḻaman ya masoḻgag somsomoḵ taḵu ya annamnama taḵu.

Romans 2:7

Da tagu we angipapati angwa'tta ambaḻu ta madayawanda, mapatganda ya mataguda'd langit aḵ inggainggana ya dida angittan Apudyus si biyag aḵ inggana.

Romans 8:25

Yaḵon gapu ta namnamaon taḵu daantaḵupun ilan, ḵasapuḻane anusan taḵu uwayon.

1 Corinthians 13:13

Pun sana da tuḻu we iinggaw aḵ inggana: sa pammati, namnama ya sa ayat. Yaḵon sa ḵapatogan atta anna ayat.

2 Corinthians 12:8

Namiḵlu we nandagdaguwaḵ ḵan Apu we ḵaanona oḵyan annae ampaḵaḻamaḵ.

Philippians 3:1

Annaya osan ibagaḵ ḵan diḵayu susunudḵu ḵan Kristu, allaylayad ḵayu oḵyan gapu si niyossaananyu ḵan Apu. Adiyaḵpun mappoge angisassaud atte ibagaḵ ḵan diḵayu ta mabantayan pammatiyu.

Philippians 4:4

Ḵasapuḻane pasig ḵayu oḵyan allaylayad gapu si niyossaananyu ḵan Apu. Ipigwaḵ ibagae allaylayad ḵayu oḵyan.

Colossians 1:11

Oḵyan pos ta sa nakaskasdaawe ḵabooḻan Apudyus amapigsa'tta somsomoḵyu ya lumayad ḵayu ta taḵon ay nu ngai maḵwa ḵan diḵayu, lamogyu maattomane angiyanus.

Colossians 4:12

Aḵ Epaphras ḵad, osae kagrupuwanyu we angipapuute anserbi ḵan Jesu Kristu, pakumustaona bos diḵayu ya ipapatina iluwaḻuwan diḵayu ta pumigsa da pammatiyu, ta adi ḵayu anduwaduwae angunud si pinion Apudyus.

Colossians 4:2

Ipapatiyu we alluwaḻu ḵad ummanyu sosomḵon da panggobyu we iluwaḻu ya anggappiya ḵayu bos ḵan Apudyus.

1 Thessalonians 1:3

Te nu alluwaḻu ḵani ḵan Ama taḵu we Apudyus, iḵagasmoḵni inonyu we nangigunay atta pammatiyu, pangogyu we nanḵewaaḻ gapu'tte ayat ḵan impapatiyu te antaḻgod ḵayu'tte namnamayu ḵan Apu Jesu Kristu taḵon ay nu ampaḵaḻam ḵayu.

1 Thessalonians 5:8

Yaḵon gapu ta ditaḵu ḵuwan ni aḻgaw, naannad taḵu oḵyan. Isu taḵu oḵyan suḻdadu we angiḵabot atta saḻaḵnib ni long-agna nu maḵagubat atte ḵabusuḻna. Sa pammati taḵu ḵan ayat taḵu saḻaḵnib da baḻuḵung taḵu. Ḵad sa helmet we saḻaḵnib ni uḻu taḵu, siya namnama taḵu'tte mataguwan taḵu.

2 Thessalonians 1:4

Pun nu inḵani bisitaon da gimung da namati ḵan Apudyus atta ḵinailin di ili, isḵaḻni diḵayu'tte ḵinaanusyu ya sa angipapuutanyu we amati taḵon ay nu amod da ampaḵaḻamanyu gapu'tta pammatiyu.

2 Thessalonians 3:5

Oḵyan nu idaḻan Apu da somsomoḵyu'tte ayat Apudyus ya sa ḵinaanus Kristu.

1 Timothy 6:11

Yaḵon siḵae osae tagun Apudyus, ḵasapuḻane an-awidam da sana ya iggam ḵabooḻame angunud si ustu ḵan naapudyusane biyag. Ḵad papigsaom pammatim ḵan Apudyus, sa ayatnu, sa ḵinaanusnu ya sa an-ammaye biyag atta asintatagum.

2 Timothy 3:10

Yaḵon ḵan siḵa Timothy, igammum da losane mipanggob atte intuttuduḵ, sa ugaliḵ ya sa panggobḵu si annae biyagḵu, sa pammatiḵ, anusḵu ḵan an-aayatḵu'tta buḻunḵu ya sa nangipapattiyaḵe nangunud ḵan Apudyus.

Titus 2:13

Sana da ugali ye unudon taḵu oḵyan atte anguwayan taḵu'tte bindisyune namnamaon taḵu. Sa annae namnamaon taḵu, sa angipail-an si madayawan ni ḵangatuwane Apudyus ya Anagu ḵan ditaḵu we aḵ Jesu Kristu.

Titus 3:7

Ḵingwana ḵaḵna ta ambalin taḵu'ḵ angilaḵsune awad de namnama taḵu si biyag aḵ inggana. Pun sa angibatayan taḵu si annae namnama taḵu, ḵingwana ditaḵu'ḵ maun-unan gapu'tte ḵinabaḻuna.

Hebrews 10:32

Yaḵon iḵagasmoḵyu ḵasasaadyu'tte ḵesane timpu si nasilawan da somsomoḵyu'tte ḵatuttuwaan mipanggob ḵan Kristu, inaattomanyu ummamdane nampaḵaḻamanyu yaḵon adiyupun iyyunude paḵḵog ḵayu.

Hebrews 10:36

Ḵasapuḻane anusanyu we angwa'tta pinion Apudyus, ḵad awatonyu inkarina.

Hebrews 12:1

Ditaḵu ḵad, naliḵwos taḵu'tta aduadu we anaḵdoḻ atte pammatida. Pun ḵasapuḻane ḵaanon taḵu da losane maḵatupod atte amatiyan taḵu amod ay basuḻe allaḵod ḵan ditaḵu, we isun di maḵatodtoddaḵe iggana ḵabooḻanae anoddaḵ.

Hebrews 3:6

Yaḵon aḵ Jesu Kristu, mataḻgodane Abeng we angayyuwan atta tagun Apudyus. Ḵad ditaḵu da tagun Apudyus nu pagatupan taḵu tuḻod taḵu ḵan sissiyae antaḻgod taḵu si namnama taḵu ḵan Kristu.

Hebrews 5:7

Sa inninggawan Jesus si annae lubung, indangsoḻna iyyibile nalluwaḻu ḵan nanḵodaw ḵan Apudyus we ḵallamog anagu ḵan siya si ḵatoy. Pun dingngoḻ Apudyus luwaḻuna te tummuttuwa ya impakumbabana long-agna.

Hebrews 6:12

Adinipun pione bumaduuḻ ḵayu nu adi miyisu ḵayu oḵyan atta udume gapu'tte pammatida ḵan ḵinaanusda, tawidonda inkarin Apudyus.

Hebrews 6:15

Gapu ta inan-anusan Abraham inuway, inawatna inkarin Apudyus.

James 5:7

Pun diḵayu we susunudḵu ḵan Kristu, ḵasapuḻane anusanyu da losane ampaḵaḻamanyu inggana'tte umaliyan Apu. Sosomḵonyu ḵad da mammaumae anusanda uuwayon umudanana ta ammuḻada ya anusanda bos uwayon umudanana ta dumaḵoḻ da ampatoge immuḻada inggana'ḵ dumatong an-apitanda.

1 Peter 4:13

Yaḵon allaylayad ḵayu oḵyan nu ampaḵaḻam ḵayu we isun ni ampaḵaḻaman Kristu ta amod de layadyu si mipail-an ni sumilisilinge ḵinaapudyusna.

1 Peter 4:7

Madam-an anungus da losane banag, pun ḵasapuḻane ansomsomoḵ ḵayu we ustu ya tupodonyu da long-agyu ta ambaḻu alluwaḻuwanyu.

2 Peter 1:6

Sa angigammuwanyu, ḵasapuḻane tupodonyu da long-agyu ya ḵasapuḻane attomanyu nu magulugulu ḵayu. Ḵad dog-anyu bos atte naapudyusane antatagu.

Revelation 13:10

Da niḵoddonge mibaḻud, aaddi ye mibaḻudda ḵad da niḵoddonge mapatoy si ispada, aaddi ye mapatoyda si ispada. Pun ḵasapuḻane da tagun Apudyus attomanda da losane ampaḵaḻamanda ya ipapatida da pammatida.