Romans 11:22 - Sa Ugud Apudyus

²² Sadi angil-an taḵu si ḵinabaḻun Apudyus ḵan andudusana. Yaḵon dallu andudusana'tta nan-awid ḵan siya. Yaḵon amod de ḵinabaḻuna ḵan ditaḵu nu pagapagatupan taḵu da pammati taḵu ya adi taḵu an-awidan ḵinabaḻuna. Te nu an-awidan taḵu, sopaḵona ditaḵu.

Romans 11:22 ပူးပေါင်းရင်းမြစ်များ

Luke 8:15

Da naottag ḵad atte alluta, isuda da tagu we andongoḻ si Ugud Apudyus, pinagatupandae namati ḵan ampoḻḵapoḻḵas da somsomoḵda, anusanda inggana'ḵ angwada'tta adu we ambaḻu we banage mas-oman Apudyus we isun ni muḻae adu ambubungana.”

John 15:2

Ḵaanona da pangae adipun amunga. Ḵad da amungae panga, daḻusana dida ta amo umadu ambubungada.

John 8:31

Pun ḵanan Jesus atta Judyu we namati ḵan siya, “Nu pagatupanyu patiyon da losane intuttuduḵ, diḵayu da tuttuwae disipuluḵ.

Acts 11:23

Dummatong ḵad sidi, innilana ḵinabaḻun Apudyus ḵan dida. Nallaylayad woḵ sinoḻgagna dida ta ipapatidae antaḻgod ḵan Apu atte amine somsomoḵda.

Acts 14:22

ta papigsaonda pammatin da namati ya soḻgagonda dida ta popotpotanda da pammatida. Ḵananda, “Ḵasapuḻane adu ampaḵaḻaman taḵu si midog-an taḵu si ampangatan Apudyus.”

Romans 11:21

Te nu adimpun Apudyus ḵinagagaane nanopaḵ atta Judyu we gagangaye pangana, magaga ḵamman ose anopaḵ ḵan diḵayu we mipani'tta pangae nisugtup?

Romans 2:7

Da tagu we angipapati angwa'tta ambaḻu ta madayawanda, mapatganda ya mataguda'd langit aḵ inggainggana ya dida angittan Apudyus si biyag aḵ inggana.

1 Corinthians 15:2

Ḵad sadi bos damage mataguwanyu nu popotpotanyu da pammatiyu nu tuttuwae mibatay pammatiyu si intuttuduḵ ḵan diḵayu.

Galatians 6:9

Pun siya gapunae aditaḵu oḵyan mappoge angwa'tta ambaḻu te dumatong ustu we timpu we angittan Apudyus ḵan ditaḵu'tta gunguna nu adi taḵu mappoge anguuway.

1 Thessalonians 3:5

Gapu'tte adiyaḵpun ogon maḵaanus si ayuḵ, imbuunku'ḵ Timothy te pioḵ igammuwon nu ngai inon ni pammatiyu. Nambinsawaḵ te maagyu ḵad ay tinuttuwa da subsub da susubsub, ippun ay anun ni ayongni'tte ḵewaaḻ para ḵan diḵayu.

1 Thessalonians 3:8

Te sinsadi, napabaru biyagni si inigammuni ye sissiyae itataḵdogyu pammatiyu ḵan Apu.

Hebrews 10:23

Popotpotan taḵu namnama taḵu we adi taḵu anduwaduwa te mataḻgodan aḵ Apudyus we angituttuwa'tta inkarina.

Hebrews 3:14

Te buḻun taḵu'ḵ Kristu nu gogomgoman taḵu pammati taḵu si inggan ni namatiyan taḵu inggana si anungus ni timpu.

Hebrews 3:6

Yaḵon aḵ Jesu Kristu, mataḻgodane Abeng we angayyuwan atta tagun Apudyus. Ḵad ditaḵu da tagun Apudyus nu pagatupan taḵu tuḻod taḵu ḵan sissiyae antaḻgod taḵu si namnama taḵu ḵan Kristu.

1 John 2:19

Da annae sumusullagi ḵan Jesu Kristu, buḻun taḵu dida'tte ḵesane aḻgaw yaḵon daḵampun aḵ tuttuwae buḻun taḵu dida si pammati, siya gapun ni summinaanda ḵan ditaḵu. Te nu tuttuwae buḻun taḵu dida, sissiyae awadda oḵyan ḵan ditaḵu. Yaḵon summinada ḵan ditaḵu ta mipailae daḵampun aḵ tuttuwae buḻun taḵu dida.

Revelation 2:5

Pun ḵasapuḻan oḵyane iḵagasmoḵyu ampigsae ayatyu si damu. Ambabawi ḵayu'tta basuḻyu ya agayyu we angwa ya ḵoonyu ḵasin da ḵingwayu si damu. Te nu adi ḵayu ambabawi, umaliyaḵ sinat ta ḵaanoḵ sasap-aḻan da silawyu'tta ustu we igawda.