Romans 11:2 - Sa Ugud Apudyus

² Iḵasinḵu ibagae daḵampun aḵ indiyan Apudyus da gagangaye pinilinae taguna si awe. Adiyupun ḵamman igammu ḵanan ni Ugud Apudyus atte mipanggob ḵan Profeta Elijah? Nalluwaḻu si misullagi'tta ḵailiyanae da ganaḵ Israel,

Romans 11:2 ပူးပေါင်းရင်းမြစ်များ

Mark 12:26

Ḵad sa mipanggob atte umuliyan da natoy, iḵagasmoḵyu oḵyan binasayu'tte inggilin Moses mipanggob si umapuapuye ḵayu we ḵanana, ‘Saḵon Apudyus da Abraham, Isaac ya aḵ Jacob?’

Luke 4:1

Nabonyagan ḵad aḵ Jesus, ummoyone naḻpu'tte tawwang Jordan. Pun inniinggaw ḵabooḻan ni Ispiritu Santu ḵan siya woḵ impuyutna'tte bumbummaaw.

John 4:11

Ḵanan ni bubai, “Apu, adaddaḻoman annae bubun ḵad ippun gagaudnu. Dinu ḵad ain angaḻ-am atte danume angitod si biyag?

Acts 13:48

Dingngoḻ ḵad da Gentil imbagan Paul, amod de layadda, pun dinaydayawda Ugud Apudyus. Ḵad da losane dinutuḵan Apudyus we maittan si biyag aḵ inggana, namatida.

Acts 15:18

Sana imbagan Apu we impaigammuna si awe.’ ”

Acts 3:17

“Susunude ganaḵ Israel inigammuḵe gingngatyu ḵad aḵ Jesus, ippun igammuyu nu ngai'ḵ siya taḵon ay da papangatyu ippun os igammuda.

Acts 7:40

Nabayag ḵad aḵ Moses si sadi ye beleg Sinai, ḵananda ḵan Aaron, ‘Angwaḵa ud aḵ sinan-apudyus aḵ angidaḻan ḵan diḵani te ippun igammuni nu ngai naḵwa ḵan Moses we nangipuyut ya nangitallay ḵan diḵani'd Egypt.’

Romans 6:16

Adiyupun ḵamman igammu we nu ngai angittanyu'tta long-agyu ya tuttuwaonyu, siya simmusassu ḵan diḵayu? Nu sa basuḻ angittanyu'tta long-agyu, ambanag atte matoyanyu. Yaḵon nu ittonyu da long-agyu'ḵ tumuttuwa ḵan Apudyus, siya simmusassu ḵan diḵayu ya siya angwa si maun-unanyu.

Romans 9:23

Te piona ipailae ippun miyisuwan ni ḵinangatuna ya ḵadaguna'tta tagu we pinilina ḵan inggallapuna insagana'ḵ midoga si ḵabaḻuwane antatagu ḵan Apudyus ad langit.

Romans 9:6

Sa imbagaḵ mipanggob atta ganaḵ Israel we adipun namati ḵan Jesu Kristu, adiḵpun ḵanane ippun nambanagan da inkarin Apudyus atta taguna. Te daḵampun aḵ tuttuwae tagun Apudyus da losane ganaḵ Israel.

1 Corinthians 6:2

Adiyupun ḵamman igammu we da tagun Apudyus anguwis atta tagu si annae lubung? Ḵad nu diḵayu anguwis atta tagu si annae lubung, adiyupun ḵamman os lamog ilintog da sin-aḵḵit ay lawae banag?

1 Corinthians 8:3

Yaḵon da angayat ḵan Apudyus, ibelang Apudyus dida'ḵ taguna.

Philippians 1:22

Yaḵon nu sissiyaaḵe matattagu, awad da naun-unane banage ḵooḵ. Pun nu saḵon oḵyan ampili, adiḵpun igammu nu ngai nabaḻbaḻu,

Hebrews 1:1

Sa awe adu we timpu ḵan nansabasabali inon Apudyus we nan-ugud atta danaḵḵoḻ taḵu mipagapu'tta profetanae an-uuggudona.

1 Peter 1:2

Pinilin Apudyus we Ama diḵayu mibatay si gagangaye inigammuna woḵ intotoḵḵon diḵayu'ḵ taguna ta bumaḻu ugaliyu mipagapu'tte Ispiritu Santu ta tumuttuwa ḵayu gapu si amatiyanyu ḵan Jesu Kristu ya pumoḻḵas ḵayu mipagapu'tte daḻana si natoyana. Awad oḵyan ḵan diḵayu amode ḵinabaḻu ḵan lin-awae maḻpu ḵan Apudyus.