Romans 11:17 - Sa Ugud Apudyus

¹⁷ Da Judyu mipanida'tte ḵayu we olive we immuḻan Apudyus. Yaḵon simpaḵ Apudyus da udume pangana. Diḵayu we Gentil, mipani ḵayu'tta pangan ni ḵayu we olive we naippun nangimuḻa. Sa ḵingwan Apudyus, impasanina diḵayu'tta pangan ni ḵayu we immuḻana. Ḵad sinsana, midoga ḵayu maḵabillay atte lutae naḻpu'tte lamut ni sadi ye ḵayu we olive.

Romans 11:17 ပူးပေါင်းရင်းမြစ်များ

Matthew 21:43

“Pun sana ibagaḵ ḵan diḵayu we aḵ Apudyus iginoḵnae angipangat ḵan diḵayu ya siya ipangatana da tagu we angwa'tta ambaḻu we mibagay atta ipangatana.

John 15:1

Pinagatupan os Jesus we nantuttudu woḵ ḵananae nangipani, “Saḵon tuttuwae puun ni muḻae grape ya aḵ Amaḵ angayyuwan.

John 15:2

Ḵaanona da pangae adipun amunga. Ḵad da amungae panga, daḻusana dida ta amo umadu ambubungada.

John 15:6

Ngaimane adipun iinggaw ḵan saḵon, isuna pangae miballu ya maḻangu. Mauppun da panga ḵad miballuda'tte apuy ya masgobda.

Acts 2:39

Te sa annae kari para ḵan diḵayu ya da aabengyu ya da losane awad atta adayu we ili ya da losane pinilin Apudyus.”

Romans 11:24

Te nu maḵwae isugtup diḵayu we Gentil we isun da atape ḵayu ya insugtupna si ustu we muḻana, amo naḻaslasu angisugtupana'tta Judyu we gagangaye pangana.

Galatians 2:15

Niyanaḵ taḵu we Judyu, daḵampun aḵ isu taḵu da Gentil we ḵabasbassuḻan.

Ephesians 3:6

Annaya impaigammunae planuna. Gapu si namatiyanyu si Ambaḻu we Damag, nibelang ḵayu we Gentil aḵ abeng Apudyus we miyisu ḵan diḵani ye Judyu ya nibelang ḵayu bos atta losane namati aḵ ḵamangay ni long-ag Kristu. Maḵabillay ḵayu bos si inkarin Apudyus we ittona'tta losane niyossaan ḵan Jesu Kristu.

Colossians 2:13

Sa naḻaḵpuse aḻgaw, isun di natoy ḵayu si mipanggob ḵan Apudyus gapu'tta basuḻyu ya gapu ta diḵayu we Gentil naippun igammuyu si mipanggob atte Lintog Apudyus. Yaḵon sinsadi, indogan Apudyus diḵayu'tte baru we biyage innatodna ḵan Kristu te pinakawanna da losane basuḻ taḵu.

Revelation 11:4

Da annae duwae anaḵdoḻ, dida mipaniyan da duwae ḵayu we olive ya sa duwae buḻawane sasap-aḻan da silawe awad atte sinagung Apudyus we Apun da tagu'd luta.