Romans 11:14 - Sa Ugud Apudyus

¹⁴ ta umaposan oḵyan da udume ḵailiyaḵe Judyu ta amatida ḵan Jesu Kristu ḵad mataguda.

Romans 11:14 ပူးပေါင်းရင်းမြစ်များ

Romans 10:19

Imusoḵ ḵasin, adimpun ḵad ain da ganaḵ Israel naawatan sadi ye dingngoḻda? Tuttuwae naawatanda te taḵon ay da Gentil naawatanda. Annaya inggilin Moses we Ugud Apudyus atta ganaḵ Israel we ḵanana, “Ḵooḵ maaposanyu'tta tagu we inam-amsewyu. Ḵad ḵooḵ sumang-anyu'tta tagu we imbelangyu'ḵ ippun igammuda mipanggob ḵan saḵon.”

Romans 11:11

Ḵad awad de imusoḵ, sa sadi ye nisubuḵan da Judyu, piona ḵad ain ugudone adidapun labbong bumangon ḵasin? Naid! Te gapu'tte basuḻdae indiyanda'ḵ Kristu, dummatong nanaguwan Apudyus atta Gentil ta umapos da Judyu ḵan dida.

Romans 9:3

Te nu maḵwa oḵyan, taḵon ay saḵon mipasani'tta susunudḵu we ganaḵ Israel madusa ya misina ḵan Kristu ta mataguda.

1 Corinthians 1:21

Gapu si ḵinalaing Apudyus, adimpun ni tagu we adipun amati lamog igammuwon aḵ Apudyus mipagapu'tte laingnae mismu. Te sa pinion Apudyus taguwona da tagu we amati si ugudnae ngannonda dinodong-og, sadi Ambaḻu we Damag we iwwaḻagawagni ḵan diḵayu.

1 Corinthians 10:33

Unudonyu saḵone pasigḵu ibagabagay biyagḵu'tta losane tagu. Te sa singsingtoḵ, daḵampun aḵ bumaḻuwaḵ yaḵon sa bumaḻuwan da adu ta mataguda.

1 Corinthians 7:16

Te diḵayu we namati, adiyupun ḵamman igammu nu diḵayu gapun ni anaguwan Apudyus atta asawayu we adipun namati?

1 Timothy 1:15

Sana tuttuwae tuttudu ya labbongnae patiyon da losane tagu: Ummali'ḵ Jesu Kristu atte lubung ta taguwona da ḵabasbassuḻan. Saḵon ḵapaatan ḵan dida.

1 Timothy 2:4

Te pionae mataguda losane tagu ya igammuwonda ḵatuttuwaan.

1 Timothy 4:16

Ummam antatagum ya sa ituttudum. Pagatupam ḵoon da anna ta taguwom long-agnu ya da andongoḻ ḵan siḵa.

2 Timothy 1:9

Tinaguna ya pinilina ditaḵu ta ditaḵu da taguna. Sa nangwaana si sadi, daḵampun aḵ gapu'tte ḵingwa taḵu yaḵon gapu si panggobna ya ḵinabaḻuna ḵan ditaḵu. Sa daan ni lubung maḵwaan, inggallapun Apudyus simsimmoḵe ipailana ḵinabaḻuna ḵan ditaḵu mipagapu ḵan Jesu Kristu.

2 Timothy 2:10

Pun attomaḵ da losane ampaḵaḻamaḵ gapu'tta pinilin Apudyus we tagu ta mataguda gapu'tte niyossaananda ḵan Jesu Kristu ya midogada si ḵabaḻuwane antatagu ḵan Apudyus ad langite ippun anungusna.

Titus 3:5

tinaguna ditaḵu. Daḵampun aḵ gapu'tta naun-unane ḵingwa taḵu nataguwan taḵu, nu adi gapu si ḵummadaguwana. Tinaguna ditaḵu'tte namapoḻḵasana'tta basuḻ taḵu ḵad isun di niyanaḵ taḵu ḵasin ya naittan taḵu'ḵ baru we biyag gapu'tte ḵabooḻan ni Ispiritu Santu.

Philemon 1:12

Ḵad ampauliyoḵ aḵ Onesimus ḵan siḵa taḵon ay ansigab somsomoḵḵu'tte ayonana.

Hebrews 1:14

Ngai da anghel nu? Dida da Ispiritu we anserbi ḵan Apudyus ḵad imbuunna dida'ḵ bumadang atta tagu we umawat si mataguwan.

Hebrews 2:3

Pun ngai inon taḵu we angiligsi'tte madusaan taḵu nu adi taḵu patgan sanae nakaskasdaawe inonae anagu ḵan ditaḵu? Aḵ Apu Jesus we mismu ummunae nangipaigammu si mipanggob atte mataguwan taḵu. Ḵad da nangngoḻ atta tuttuduna, dida nangipaigammu ḵan ditaḵu'tta dingngoḻdae ḵatuttuwaan.

James 5:20

Sosomḵonyu we nu ipauliyu osae ḵabasbassuḻan, taguwonyu'tte ḵatoy ya mapakawan da adu we basuḻna.