Romans 11:12 - Sa Ugud Apudyus

¹² Nu sa sadi ye naḵabasuḻan da Judyu nambalin aḵ bummaḻuwan da losane tagu si annae lubung, amo simbumaḻu da tagu nu losan da Judyu mibelang aḵ tagun Apudyus.

Romans 11:12 ပူးပေါင်းရင်းမြစ်များ

Acts 3:21

Ḵasapuḻane inggaw aḵ Jesus ad langit inggana'ḵ dumatong timpu we pabaruwon Apudyus da losan te siya inkarina mipagapu'tta profetanae nanserbi ḵan siya si awe.

Romans 11:15

Te gapu si nangidiyanan Apudyus atta Judyu, sadi bos gundaway da udume tagu'tte lubunge mipaḻ-og maḵabuḻbuḻunanda ḵan siya. Ḵad asimbumaḻu nu awaton Apudyus ḵasin didae isuna umuliyan da natoy.

Romans 11:25

Susunudḵu ḵan Kristu, awad de ḵaḵ-ipaigammun Apudyus we pioḵe maawatanyu ta adi ḵayu ampasindayawe ansomsomoḵe nalaing ḵayu. Tummungitong da somsomoḵ da udume ganaḵ Israel gapu si adidapun amatiyan inggana'ḵ wadawad belang da Gentil we amati.

Romans 11:33

Naippun miyisuwan ni ḵinabaḵnang, ḵinalaing ya igammun Apudyus! Naippun ḵallamog angipaḵaawat atte inabusna simsimmoḵ! Ḵad ippun os maḵaawat si ḵoona.

Romans 9:23

Te piona ipailae ippun miyisuwan ni ḵinangatuna ya ḵadaguna'tta tagu we pinilina ḵan inggallapuna insagana'ḵ midoga si ḵabaḻuwane antatagu ḵan Apudyus ad langit.

Ephesians 3:8

Taḵon ay nu saḵon ḵababaan atta losane tagun Apudyus, impailana ḵinabaḻuna si nangittana ḵan saḵon atte gundawaye angipaigammu ḵan diḵayu we Gentil atte ippun miyisuwanae bindisyune awad ḵan Kristu.