Romans 11:1 - Sa Ugud Apudyus

¹ Pun awad de imusoḵ, indiyan ḵad ain Apudyus da Judyu we taguna? Naid! Te saḵone mismu, osaaḵe ganaḵ Israel we naḻpu si abengnae Benjamin we ganaḵ os Abraham.

Romans 11:1 ပူးပေါင်းရင်းမြစ်များ

Luke 20:16

Dumatong ḵad, gongatona dida ya impaayyuwanna'tta udume tagu mumuḻḻaan atta de grape.” Dingngoḻ ḵad da tagu sana, ḵananda, “Adi oḵyan maḵwa da ḵaḵna!”

Acts 22:3

“Saḵon ḵad, Judyuwaḵ we niyanaḵ ad Tarsus we osae siyudad atte Cilicia yaḵon dummaḵoḻaḵ sina'd Jerusalem. Aḵ Gamaliel mistuluḵ, ummana intuttudu ḵan saḵon da losane lintog da danaḵḵoḻ taḵu. Impapatiḵ ose nanserbi ḵan Apudyus we isuyu sinsadi.

Acts 26:4

“Igammun da losane ḵailiyaḵe Judyu nantataguḵ inggan ni ḵaban-ogḵu te inninggawaḵ ḵan dida'd Jerusalem.

Romans 11:11

Ḵad awad de imusoḵ, sa sadi ye nisubuḵan da Judyu, piona ḵad ain ugudone adidapun labbong bumangon ḵasin? Naid! Te gapu'tte basuḻdae indiyanda'ḵ Kristu, dummatong nanaguwan Apudyus atta Gentil ta umapos da Judyu ḵan dida.

Romans 3:4

Naid! Te tuttuwa'ḵ Apudyus, taḵon ay nu tuliyan da losane tagu. Te sa nigili ye ugudna ḵanana, “Nu taḵdoḻam mismu we long-agnu, ipailame ustu da ḵingwam ḵan pasige oḻgom da losane amabasuḻ ḵan siḵa.”

Romans 9:3

Te nu maḵwa oḵyan, taḵon ay saḵon mipasani'tta susunudḵu we ganaḵ Israel madusa ya misina ḵan Kristu ta mataguda.

2 Corinthians 11:22

Pun nu ḵanandae Hebrewda, Hebrewaḵ os. Ḵad nu ḵanandae dida ganaḵ Israel, siya bos ḵan saḵon. Ḵad nu ḵananda bose dida ganaḵ Abraham, ganaḵaḵ os ḵan Abraham.

Philippians 3:5

Te ḵan saḵon, nasogyatanaḵ si ḵawaḻun aḻgawḵu, nibuḵnagaḵe ganaḵ Israel, osa'tta ganaḵ Benjamin we osa'tta laḻaḵi ye abeng Israel. Saḵon os gattoḵe Hebrew. Ḵad nu mipanggob os atte lintoge innatod Apudyus ḵan Moses, impapangogḵu tinuttuwa te osaaḵe Pharisee.