Romans 10:19 - Sa Ugud Apudyus

¹⁹ Imusoḵ ḵasin, adimpun ḵad ain da ganaḵ Israel naawatan sadi ye dingngoḻda? Tuttuwae naawatanda te taḵon ay da Gentil naawatanda. Annaya inggilin Moses we Ugud Apudyus atta ganaḵ Israel we ḵanana, “Ḵooḵ maaposanyu'tta tagu we inam-amsewyu. Ḵad ḵooḵ sumang-anyu'tta tagu we imbelangyu'ḵ ippun igammuda mipanggob ḵan saḵon.”

Romans 10:19 ပူးပေါင်းရင်းမြစ်များ

Romans 10:18

Yaḵon imusoḵ ud ḵan diḵayu, tuttuwa ḵad aine adimpun da Judyu dingngoḻ mipanggob ḵan Kristu? Dingngoḻda te ḵanan ni nigili ye Ugud Apudyus, “Niwaḻagawag atta ḵinailin di ili ya nandinongoḻ atta losane ili si annae lubung.”

Romans 11:11

Ḵad awad de imusoḵ, sa sadi ye nisubuḵan da Judyu, piona ḵad ain ugudone adidapun labbong bumangon ḵasin? Naid! Te gapu'tte basuḻdae indiyanda'ḵ Kristu, dummatong nanaguwan Apudyus atta Gentil ta umapos da Judyu ḵan dida.

Romans 11:14

ta umaposan oḵyan da udume ḵailiyaḵe Judyu ta amatida ḵan Jesu Kristu ḵad mataguda.

Romans 3:26

Sinsadi impailanae naun-unan gapu'tte adinapun nambiyangan da basuḻ da tagu yaḵon imbuunna'ḵ Jesus aḵ matoy ta siya madusa para'tta basuḻ taḵu pun aḵ Apudyus ustu ya siya angwa si maun-unan da awad pammatida ḵan Jesu Kristu.

1 Corinthians 1:12

Sa pioḵ ugudon, nansabasabali ibagayu te ḵanan da udum, “Aḵ Paul unudonni,” ḵad ḵanan da udum, “Aḵ Apollos unudonni,” ya ḵanan os da udum, “Aḵ Peter unudonni.” Ḵad ḵanan da udum, “yaḵon diḵani ḵad, aḵ Kristu unudonni.”

1 Corinthians 10:19

Pioḵ ḵamman ibagae matattagu da sinan-apudyus ya awad ḵamman nansabaliyan da nidatun ḵan dida ya da udume maḵan?

1 Corinthians 11:22

Ngaipayu ḵoon ḵaḵnat? Ippun ḵamman boḻoyyu'ḵ angananyu ḵan uminumanyu? Amsewonyu ḵamman da magimugimunge namati ḵan Apudyus ya ibabbainyu da ippun mabalinda? Ngai namnamaonyu we ibagaḵ ḵan diḵayu mipanggob si anna? Idayawḵu diḵayu? Naid, adipun maḵwa!

1 Corinthians 12:2

Sa timpu we daanyu amatiyan, iniiggammuyu we naallelaw ḵayu te dinaydayawyu da sinan-apudyus we naumoḻ gapu'tta nangilugut ḵan diḵayu.

1 Corinthians 15:50

Susunudḵu ḵan Kristu, annaya pioḵ ibaga ḵan diḵayu. Sa long-ag taḵu ḵan daḻa taḵu, adidapun gangganason da laḵsunda si midog-anda si ampangatan Apudyus te da long-ag taḵu madadail, adidapun maḵwae midoga'tte igaw da losane matagu'ḵ inggana.

1 Corinthians 7:29

Susunudḵu ḵan Kristu, sa pioḵ ibaga ḵan diḵayu daḵampun aḵ iinggaw taḵu sina'd lutae anserbi ḵan Apu Jesus. Pun inggana sinsana diḵayu we naasaw-ane laḻaḵi, ibelangyu we isun di ippun asawayu.

Titus 3:3

Te taḵon ay ditaḵu we namati, nandongdong-og taḵu si awe ḵad aditaḵupun os tummuttuwa. Gattoḵe naallelaw taḵu ḵan nipuyut taḵu'tta daḵampun aḵ ustu ya nambalin taḵu'ḵ musassu'tta nansabasabali ye amaamayon da long-ag taḵu ya da ginangganas taḵu. Losane aḻgaw taḵu lawweng ḵasomsomḵan taḵu'tta buḻun taḵu, an-aḵ-apos taḵu, lalawwengon ditaḵu ya an-sassanga taḵu.

1 Peter 2:10

Sa awe, daḵampun aḵ tagun Apudyus diḵayu. Yaḵon sinsana, taguna diḵayu. Sa awe, adiyupun os inawat ḵadaguna yaḵon sinsana inawatyu ḵadaguna.