Romans 10:17 - Sa Ugud Apudyus

¹⁷ Pun adipun maḵwae amati da tagu nu adidapun umunae andongoḻ. Ḵad ḵasapuḻane dongngonda Ambaḻu we Damag mipanggob ḵan Kristu.

Romans 10:17 ပူးပေါင်းရင်းမြစ်များ

Mark 4:24

Ḵanan os Jesus, “Imuḻayu'tta pusuyu da annae ibagaḵ. Te nu ḵoonyu ḵaḵnat, amo maawatanyu ya amo dog-an Apudyus igammuyu.

Luke 11:28

Dingngoḻ ḵad Jesus ḵanana, “Amo pian da angogomgom atta dingngoḻdae Ugud Apudyus!”

Luke 8:11

“Annaya pion ni pani ḵanan. Sa buḵoḻ, siya Ugud Apudyus.

Luke 8:21

Yaḵon ḵanan Jesus, “Da mibelang aḵ inaḵ ya sunudḵu, da andongoḻ ḵan anuttuwa si Ugud Apudyus.”

John 1:37

Dingngoḻ ḵad ay da duwae disipulu imbagan John, nitun-udda ḵan Jesus.

Romans 1:16

Adiḵpun ibaine angiwaḻagawag atte Ambaḻu we Damag te siya Ugud Apudyus we maḵabooḻ anagu'tta losane amati, umuna'tta Judyu ya asiyot da Gentil.

Romans 10:14

Yaḵon ngai inon da tagu we anḵodaw aḵ ḵadagu ḵan Apu nu adida amati ḵan siya? Ḵad ngai inondae amati nu adidapun dingngoḻ? Ḵad ngai inonda bose andongoḻ nu naippun umoy angiwaḻagawag?

2 Corinthians 2:17

Yaḵon ḵan diḵani, daḵampun aḵ isuni da adu we nantuttududa'tte Ugud Apudyus ta angaḻ-anda'ḵ mabalinda. Te imbuun Apudyus diḵani ya abus aḵ ugudonni ḵatuttuwaan atte sinagungna si niyossaananni ḵan Kristu.

Galatians 3:2

Imusoḵ ud anna ḵan diḵayu: Inawatyu ḵamman Ispiritu Santu gapu si nanuttuwaanyu si lintog baḵon nu sa nangngoḻanyu ya namatiyanyu si Ambaḻu we Damag?

Galatians 3:5

Imusoḵ ḵasin ḵan diḵayu, innatod ḵamman Apudyus Ispiritu Santu ya sa angwaana'tta nakaskasdaaw ḵan diḵayu te tinuttuwayu lintog baḵon nu gapu si andongoḻanyu ya amatiyanyu si Ambaḻu we Damag?

Colossians 3:16

Ḵad pasigyu oḵyan isisimoḵ mipanggob atta tuttudun Kristu. An-asituttudu ya an-asibagbaga ḵayu we usaronyu da losane ḵinalainge innatodna. Ḵantaonyu da ḵantae naḻpu'tta de Psalm, sa udume nigili'tte Ugud Apudyus ya da udume ḵantan da namati ye andayaw ḵan Apudyus ḵad pasig oḵyane anggappiya ḵayu ḵan Apudyus atta somsomoḵyu.

1 Thessalonians 2:13

Susunudḵu ḵan Kristu, pasig ḵani anggappiya ḵan Apudyus te dingngoḻyu ḵad ugudnae imbagani, namati ḵayu we daḵampun aḵ naḻpu'tta tagu yaḵon tuttuwae naḻpu ḵan Apudyus. Ḵad sa Ugud Apudyus, siya anḵewaaḻ atta biyagyu we namati.

Hebrews 4:2

Dingngoḻ taḵu Ambaḻu we Damag we niwaḻagawage isun os ni dingngoḻ da danaḵḵoḻ taḵu si awe. Yaḵon ippun anun ni dingngoḻda te adidapun nan-ossaane namati'tta udume nandongoḻ.

1 Peter 1:23

Te niyanaḵ ḵayu ḵasin ḵad sa baru we biyagyu daḵampun aḵ naḻpu si tagu we matoy yaḵon naḻpu ḵan Apudyus we adipun matoy. Nambalinona diḵayu'ḵ abengna mipagapu si matattagu ḵan annanayune Ugud Apudyus.

Revelation 1:9

Saḵon aḵ John we sunudyu ḵan Kristu ya buḻunyu we nangiyattome nampaḵaḻam gapu'tte niyossaanan taḵu ḵan Jesu Kristu si ampangatana. Gapu'tte nangiwaḻagawagaḵ si Ugud Apudyus ya sa namanoḵnoḵaḵ si mipanggob ḵan Jesus, naḵoddonganaḵ aḵ madusa woḵ inniyoyda saḵon ad Patmos, sa ban-oge ili ye niliḵwos ni baybay.